“ ‏كرامتي من دونها درع وحصون
‏نزعتك من اقصى ضلوع المحاني

‏خسرت لك من ندّر الغيد مزيون
‏صعبٍ تحصل مثلها فـ الزياني

‏بالهون ماعادك على الخافق تمون
‏يا اول غرامٍ في شبابي شعاني

‏نسل الحرار الشقر ماتقبل الدون
‏تشوم بنت معربين المجاني

‏ياكيف برضى موقف الذل والهون
‏وانا ٍعيوف ماتحب الهواني

من صدتي بتموت ضاميّ ومغبون
وتبطي في مثلي صويبٍ تعاني “

‏يمر الحزن في صدري ولا يلقى حضن و أعذار
‏و افتش عن عذر واحد ولا ألقى .. سوى الخيبه

‏تعلمت الوقوف . . اللي يبعثر كومة الأسرار
‏وقفت بـ صف أحلامي و أماني ماهي قريبه

‏على درب الوفا امشي . . و أسكت قلبي الثرثار
‏و أشيل من الغلا واجد و أشيل الضيق و الطيبه

‏أعاتب طيفه بـ صبحي على الغيبات و اللي صار
‏و قبل أكمل عتابي ، يجي ليلي و يسري به

‏وأنا صدري بعد بُعده . . يضيق إن مروّا الزوار
‏على جرة خطاه ، اللي بعدها طول الغيبه

‏تلحفت الفرح غصبٍ على وجهي لبست أدوار
‏عشان الناس ماتدري ، و كل الناس تدري به !

‏بعد ما قصر صوته ودنّق ودمعه طاح
‏عرفت الكلام اللي عجز عنه لسانه

‏تركته على باب المفارق ورحت وراح
‏مثل ما تركت الناس هذي على شانه

‏فقدك المَدى وأول طريقي وصدر الدّار
‏يا وجهٍ لو تْملّ الصور منه، ما أملّه

‏تعال إن بدأ لك في دروبي ضحى، وديار
‏هذا الصدر مرتع وأنت خابره، وتدلّه

‏وخذ أول شبابي عمر لا شحَّت الأعمار
‏وإذا كان ما يكفي؟ فداك العمر كلّه

ذابت بقايا فوادي فوق جمرة تعال
‏ما تدري إن الحنين يفتّت الأفئدة ؟

هلا يا أول خريطة للفرح في رحلة اللي ضاع
قبل جرة غـلاك بعالم الخذلان ودروبه

سقى غيثك صحاري قلبي وقلبي؟ بدويّ اطباع
يرحبّ بالمطر حتى ولو بلّ المطر ثوبه

أنا ما كنت أخاف الشوق ولا والله أخاف وداع
ولا كانت ليالي العمر في دنياي محسوبه

ألين إني لقيتك! يا بعد منهو شرآني وباع
وعرفت أن العمر لحظات والأيام مهيوبه

كثر ما ازعلني الهجر وكثر ما أبكتني الأوجاع
حمدت الله يا شور الله بأن الأقدار مكتوبه!

ولو قلبك عليّ التاع، أنا كلّي عليك التاع
كأن غيرك ذنوب! وكنّك الغفران والتوبه

‏فمان الله والعذر السمين أبلغ من التبرير
‏عفى الله عن خطايا اللي خطايانا على شانه

‏فمان الله يالغصن الليان اللي هجرك الطير
‏هذا طيرك يبلغك السلام بروس جنحانه

‏سمحت من المحبه وسامحني على التقصير
‏وصلنا اخر حدود العشره اللي مالها خانـه

‏مطرةٍ فاضت على الدنيا شذاها
‏كنّي اللي قبلها مانيب عايش

‏"روحي اللي مدري مني من خذاها
‏ردّها طقّ المطر على الدرايش"

" قطعت بشقّ الأنفس من مفارق يديك أميال
‏ولا أدري كيف رجعني حنيني لأول دروبي "

قاعده اسمع بيت سداح وهو يقول :

ماعندي ألاّ قلب .. لو معـي قلبيـن
‏واللهّ لعلّـق صورتـك فـالثنينـي !

ماعنده الاقلب واحد وضحى فيه ومستعد للتضحيه لو هم عشره قلوب😢.

‏ليلةٍ والشوق فيها صاحبي والخوف جاري
‏والسوالف عن مدى صبرك وعن حيرة ظنونك
‏َ
‏ماشكيت من الوقوف ولا تعبت من المساري
‏ولا فقدت البارحه من غير شر الا عيونك

‏"أنا لولا الأمل ومصافح عيونك وفجر رضاك
‏أخذت الجرح لحدود البكا وأقفلت بيباني"
‏- رزان

هالرسالة قبل 6 سنوات ، كبرت وللآن شعوري تحت المطر ماتغير ، ارجع البزر اللي مايرتاح لين يبلل المطر كل ثيابه ويحس انه تنغسل روحه معها❤️.

‏بعد ماتدعون بهالمطر اركضوا لمحادثة حبايبكم وارسلوا هالبيت
" واعديني وخلّي الغيمة علي ،
والله إني لا أملي أيامك مطر "
وجهزوا الابتسامه اللي في طرفها خجل للردّ ❤️

‏ماعاد عندي من سمان المعاذير
‏غير الخطوط، اللي على بطن كفّي

‏دربك "شفوف"، ودرب غيرك "مقادير"
‏وأنا ما أعَرف أعاتب.. أعَرف أقفّي

‏باقي عشان أنساك، عمر ومشاوير
‏والخطوتين اللي معي، ماهي تكفّي

‏"يَامَا رسمتك بالسما قمّره تِغيض النجمتين!
‏يَامَا فقدتك و السهر غَيْهَب وليلي سرمدي،

‏يَاما سَهرتك فـ اللّيال اللي تبينا غاويّين
‏ياما رقبتك، و الصبر أنْهَك ثباتي وأجهدي

‏"لكنّ!
‏بعد ما خنجر الشِكّه.. طعن صدر اليقين
‏ماتت فُتات آمال بالدنيا، وبْك مات أجودي"

"علموه أني ذكرته بـ أول العام الجديد
وعلموه أن الجروح اللي بـ قلبي موجعه

ذاب قلبي في غيابه مثل ماذاب الحديد
يوم ولعني وخلا .. نار قلبي مولعه

أشهد أنه مارحمني يوم خلاني وحيد
طاوعه قلبه يغيب، وكيف قلبه طاوعه ؟

ماسمعت الا شطر، ويحرّك شْعور البليد
"ضاقت الدنيا بـ شاعر طيب قلبه ضيّعه"

علموه أني فقدته، ياعسى عامه سعيد
وعلموه أن القصايد في غيابه تتبعه

كل عام يمرني .. ياللأسف مامن جديد
بالحزن أستقبله، وأصافحه، وأودعه".