كل لحظة كانت بقربك عظيمة
‏عيّا يكررها الزمن بعد ممشاك

‏ما عاد لـ التاريخ معنى و قيمة
‏عدّا على قلبٍ عجز ما تعدّاك

‏مشاعري بين إنتصار و هزيمة
‏من ليلةٍ فيها عرفتك لـ فرقاك

‏ممنون .. لكل الليالي القديمة
‏اللي بها صوتك ووجهك وملقاك .

‏ترانا على سود الليالي وساع صدور
‏لو انها ما خلت كل شيٍ على حلّه

‏ما نبلش ليا منه حصل فالأمور أمور
‏نعقد الحبل فوجيه الأيام ونحلّه

‏صناديد قومٍ لا لحقنا الزمن بـ قصور
‏يدينا تعدّل كل عوجا ومنصلة

‏سنين القسا ما تنجب إلا طوال شبور
‏وسنين الرخاء ما تاتي إلا بـ حيّ الله

‏يا باذل الطيب خل الطيب في فاله
‏ابذل وتلقى جزا الإحسان عند الله
‏ٰ
‏الناس لو يمدحون الشخص لأفعاله
‏بكره يذمّون نفس الشخص من زلّه

من كثر ما ليلة وداعك طويله
ماطاحت دموعي أنا طحت كلي

ياليت جرحي طير وأخلي سبيله
لكني أجهل وش يكون التخلي

كل شيء أبلقى في حياتي بديله
الا أنت وليل العتب والتغلي

وأيامنا اللي بالمحبه طويله
والله ماكانت فراغ وتسلي"

يا ملبّس ذنوبك عذرك البالي
‏ضامي الود ما بلّ الأسف ريقه

‏العذر مايعزّي خيبة آمالي
‏أنا حتى اهتمامك صرت ما اطيقه

‏لاتحسب القصايد تشرح أحوالي
‏ما كتبت القصيد إلاّ من الضيقة

‏طعنتك كيف مامرّت على بالي ؟
‏ليه كذّبت شي أخاف تصديقه !

‏كنت في دنيتي عمر ٍعليّ غالي
‏وصرت حلمٍ ماعدت أحبّ تحقيقه

لاهبت الذكرى جروحي ، صحصحت
‏و شوقي كبر / و أخاف منه لا كبر

‏في غيبتك عانيت جداً ، و أصبحت
‏قصايدي / عبره لمن لا يعتبر )؛

بان الصباح .. ولا تغنّا به الطير
‏و لاعاد باقي بـ سوق الافراح مشرا

‏خل عنك من هو ضيقته " تالي عصير "
‏علْيْ الحرام ان ضيقة الصبح .. قشرا :)

القناة ماهي قناتي لحالي قناتكم معي .. يعني اللي يجوز لكم ارسلوه لي وبختار منهم انزلها هِنا❤️.

بعد الغياب ابسألك سؤال من باب الفضول
‏ لاتعتقد بأنه جَهَل ، والله لايجيب جْهلي

‏حنا نعيش الحب بين الطيش وانصاف الحلول
‏ماني افكر بزْعَلك .. ولا تفكر بزْعَلي

‏دام المحبه بيننا "غريزةٍ " ماهي ميول
‏ليه التهاون بالوصل بعد الشعور المخملي ؟

لوحتلي فيدك بتلويحة الفرقى
ودعتك الله ياسالفْتي وموضوعي

ياغايبٍ عن نظر عيني قبل لاشقى
تعال خل جيّتك في طوعك وطوعي

على ذعاذيع ذكرك ، زادت الحرقا
مرتني الذكرى ومتّركي بكوعي

اجتاح جنح المساء والدمعه الزرقا
طاحت وطاح المطر وانسترت دموعي

طالت مشاويري وطالت بي الطرقا
وماغير اهوجس وافكر وين مشروعي؟

اصبحت اغني وناحت عندي الورقا
وامسيت متضايق وتالمني ضلوعي

ماجاني من جفوتك يالجادل الطرقا
الا انك بْالي مْصور ومطبوعي

‏اناظر فـ السماء و اقول يارب السماء والقاع
‏عسى اللي صار . . تكفيره ذنوب وفاتحه توبه

‏صحيح ان الحكي بالفايته مايبري الاوجاع
‏لكن . . اقل شي يذكر النسّاي بذنوووبه

‏همومي واجد . . وزلاّتي كثير وعمري ضاع
‏وصبري . . لا يزال يطارد الامال بـ اعجووبه !

تقول ان الوحيد اليّا تضايق . . مالقى فزّاع
وصدقتك وكثرت اصدقاي وصاروا عقوبه !

عزاي اني حفيد اللي عزاويهم على المطلاع
معاصير الدوّل . . يوم الأمام يجيّش شعوبه

‏واذا طاح المطر و البرق لاح و قرّب المرباع
‏ذكرت اللي تجيني راضيه وتروح مغصووبه

‏سلام الله على وجهٍ عليه الخاطر الملتاااع
‏مايبرد لو نسنايس الشمال ملاعبه ثووبه

‏وجودي يوم راحت من يدي وانا طويل ذراع
‏وجوود الشايب اللي بّر بعياله و باروا به :) !

‏انت حبك كنه اسمي وامتداد اسلافي
‏السنين .. تمّر ما تقدر عليه تهدمه .

أخذت من حزن الليالي معاذير
‏و نهرٍ من الخذلان فاض و عبرته !

‏أدري المحبة غير .. و أحلامنا غير
‏و جرحك على كل المواجع شكرته !

‏أحلامي أغصانٍ جفتها العصافير ،
‏و آخر لقا ويّاك . . . . ذنب و غفرته !

‏أفارقك و أنسى جروحك على خير
‏و خاطرك رغم المقدرة . . ما كسرته !

دخلت في حبك معارك من جهاد وفي جهاد
هزمتني وانا اعتقد هزيمة الفارس نصر

حبك لفاني ضيف وأسرفت برضاه
‏قدمت لـه طيـبــي و صفـيـت جـــوه

‏علـى يسار القلـــب حطيــت مركــاه
‏وعلى يميــن القلـب شـبيــت ضـــوه

"لو نلتفت لمدورين العذاريب
‏صرنا من هروج الهلايم هلايم

‏انا حفيدة مكثرين التراحيب
‏ماني حفيدة مدورين العزايم".

‏من شهر عشره وانا للحين تايه
‏صار اكبر مطلبي بعض السكينه

‏لا مشاعر ، لا خواطر ، لا حكايه
‏لا قصيد ، ولا شعوب ، ولا مدينه

‏كل شيء بتركه بلطف وعنايه
‏الخريطه ماتودي للخزينه

‏وكل شيء بفعله عكس الروايه
‏الروايه ماهي بأيدي أمينه

‏الوسيله ؟ ماتبرر … كل غايه
‏الجريمة واضحه حسب الرهينه