مدري وش اللي في غرامه بلاني
راحت بي الذكرى مع ايام لقياه :(

"تهادى نسيم الليل وأنتشروا العشّاق
‏وسريت ألتفت في ضيقة الصدر وأدعيها

‏أقول أرحبي حتى لو الوضع ماينطاق
‏وشوفي لك أقرب زاويه وأستحلّيها

‏تعلّمت من طبع الشجر قيمة الأخلاق
‏يدور الزمان، وعادته مايخلّيها

‏يهب الهوى وتطيح من غصنه الأوراق
‏وعلى كثر مايحتاجها مايناديها".

تعبت أجبر الخطر وانا خاطري مكسور
و آداري مشاعر عالم ما تداريني

أجامل وآخبي و أتصنّع و أعيش الدور
على إني قوي و أنا اللي فيني مكفيني

يحسبوني يوم أبتسم دايماً مسرور
مايدرون في دمع حبسته ورا عيني
ِ

شعوري كنه الليله شعور اللي غريب اوطان
‏بعيد وجارت ايامه عليه وخيبت ظنه

‏يدوّر في زحام الراحلين ومحمل الركبان
‏يسايرهم مع انه يدري انهم مادرو عنه

‏تمره ذكريات ماخذتها نعمة النسيان
‏ويزعجه الحنين الى امتلا به صدره وكنّه

‏مايعنيني غياب ولاتضيعني مسافه
‏والتجارب عن قناعة كافله للي يليها

‏كل شي كنت اخافه شوفني ماعاد اخافه
‏وكل حاجة كنت ابيها هذا انا ماعاد ابيها

‏بختصار اني بعد ماذقت من مر الحسافه
‏وانتهيت الحمدلله حالفه ماعاد اجيها

‏التبلد صار عندي له مكان وله ضيافه
‏لو طلبني فرحتي باقول له تأمر عليها
ِ

‏عسى الله ياخذ الفرقا لدربٍ ما تجيه خطاك ..
‏وأعيشك من هنا لأخر حدود القلب و سنيني ..

البارحه تحتريك النود
‏يامجسر النود للمسرى

‏عينت قلبى قليل الفود
‏مالي خبر فيه وانت ادرى

‏إليا تذكرك زاد لهود
‏وان سج في سيرتك هذرى

‏وان جيت يمي رقيت سنود
‏والساعه اللي ماهى قشرى

‏وان غبت ماكن احد موجود
‏لله ولا كن احد يطرى

‏هيّف على قلبي الملهود
‏ان مابرى منك مايبرى

كل لحظة كانت بقربك عظيمة
‏عيّا يكررها الزمن بعد ممشاك

‏ما عاد لـ التاريخ معنى و قيمة
‏عدّا على قلبٍ عجز ما تعدّاك

‏مشاعري بين إنتصار و هزيمة
‏من ليلةٍ فيها عرفتك لـ فرقاك

‏ممنون .. لكل الليالي القديمة
‏اللي بها صوتك ووجهك وملقاك .

‏ترانا على سود الليالي وساع صدور
‏لو انها ما خلت كل شيٍ على حلّه

‏ما نبلش ليا منه حصل فالأمور أمور
‏نعقد الحبل فوجيه الأيام ونحلّه

‏صناديد قومٍ لا لحقنا الزمن بـ قصور
‏يدينا تعدّل كل عوجا ومنصلة

‏سنين القسا ما تنجب إلا طوال شبور
‏وسنين الرخاء ما تاتي إلا بـ حيّ الله

‏يا باذل الطيب خل الطيب في فاله
‏ابذل وتلقى جزا الإحسان عند الله
‏ٰ
‏الناس لو يمدحون الشخص لأفعاله
‏بكره يذمّون نفس الشخص من زلّه

من كثر ما ليلة وداعك طويله
ماطاحت دموعي أنا طحت كلي

ياليت جرحي طير وأخلي سبيله
لكني أجهل وش يكون التخلي

كل شيء أبلقى في حياتي بديله
الا أنت وليل العتب والتغلي

وأيامنا اللي بالمحبه طويله
والله ماكانت فراغ وتسلي"

يا ملبّس ذنوبك عذرك البالي
‏ضامي الود ما بلّ الأسف ريقه

‏العذر مايعزّي خيبة آمالي
‏أنا حتى اهتمامك صرت ما اطيقه

‏لاتحسب القصايد تشرح أحوالي
‏ما كتبت القصيد إلاّ من الضيقة

‏طعنتك كيف مامرّت على بالي ؟
‏ليه كذّبت شي أخاف تصديقه !

‏كنت في دنيتي عمر ٍعليّ غالي
‏وصرت حلمٍ ماعدت أحبّ تحقيقه

لاهبت الذكرى جروحي ، صحصحت
‏و شوقي كبر / و أخاف منه لا كبر

‏في غيبتك عانيت جداً ، و أصبحت
‏قصايدي / عبره لمن لا يعتبر )؛

بان الصباح .. ولا تغنّا به الطير
‏و لاعاد باقي بـ سوق الافراح مشرا

‏خل عنك من هو ضيقته " تالي عصير "
‏علْيْ الحرام ان ضيقة الصبح .. قشرا :)

القناة ماهي قناتي لحالي قناتكم معي .. يعني اللي يجوز لكم ارسلوه لي وبختار منهم انزلها هِنا❤️.