إليا متى ودموع عيني محابيس ؟
‏لابد من يومن تهامل دموعي

المشكله بأني احبه جعل تفداه الرخوم
ودي اعالج خافقه واعرف وشنهي حكايته
حبة غلا قبل الزعل والثانيه عند اللزوم
شهرين يبقى عالدوى لما نشوف نهايته
ياهيه قولوا للغضي عن شي (ن) فبالي يحوم
واكيد ماشال الكتاب الا يعرف قرايته

يا المخطي ؛ اللي ما لـ ذنبه مغفرة
‏ليت العفو مثل الهوى كان فـ يدي

‏من قال لك إنَّ العفو .. بالمقدرة !
‏ما قالك جرحك معي كان اجودي ؟

‏ومن بعد كل اللي حصل لي ؛ معذرة
‏ما انت بـ بعد حييَّ ..وميتي ..وبعدي

‏أنته " طريقك " كـلَّ عابر ؛ يعبره
‏وأنا ما احبَّ إلا الطريق السَّرمدي

عمر مع جنابك والعمر معك ما امله
الايام ساعتها تسابق دقايقها
ولي قلب واحد وانت من جيت محتله
معك ذقت لذات الغلا وانت ذايقها
تعدت مراحل خلن يموت في خله
انا ادمنت بك حتى العذاريب عاشقها

"من يصدّق بانهياري خلف هالوجه الصبوح؟
‏وضحكتي تسبق بكاي وبسمتي تسكن فمي"

هيبة قوي الباس مقفي على عوق
ما خلّت لتالي الوداعات هيبة ..

طيفك اللي مشغل(ن) قلب العنا
‏وش ابي به دام شوفك مستحيل ؟

لَكِنْ ليه الحياة الجايرة ما تعرف الانصاف !
‏-ياكيف احلى الليالي معْك تَسقى بمالح دْموعي؟-

يا ربّ، والبرد يلسع داخلي كلّه..
‏عطني من الحب ما يغفر لـ تقصيري

‏ومن الشعور السعيد المرتوي جُلّه
‏ومن الرضا ما يبلّل صدري و طيري.

اما غرام يشرح الصدر طاريه
ولا عسانا ياعرب ماعشقنا.

تنْشد عن أَحوالي وأنَا أقُول لك: زين
ما غير جُرحٍ و آخر عِلاجَه الكَيّ
أتعَبَني إن الحُب ما بيننا بين
والمُجْتَمع باقِي عَلى وَصِلنا عيّ

يفتقدك الصبح و أنسام الشتا و الطيور
‏و الليله الشاتيه .. و الغيمه الماطره

‏و الخاطر اللي بعد ما مرّ ذاك الشعور
‏طاحت جميع أمنيات العمر من خاطره

لاضاقت الخواطر نجيب الصبر من وين
تحسبون مفتاح الصبر في مخباي ؟
- نايف المطيري.

العمر : موحش .. من غيابك وداكن
‏وصاحبْك يتمنّى .. ترجّع سنينه !
‏.
‏وإن كان شفته بعض الأحيان ساكن
‏ترى الضجيج بـ داخله .. من حنينه
‏.
‏أنا أفتقدت أحباب عمر .. وأماكن !
‏غريب والذكرى .. بـ صدري مدينه
‏.
‏رغم إنّها .. " ذكرى جميلة ".. ولكن :
‏على كثر .. ماهي جميلة .. " حزينة "

انا تجارب تستحق الاحترام
‏اصحى عقول العباد الغافلين

‏ارمم الاحساس لو قلبي .. حطام
‏و افرح ليا شفت البشر متفاهمين

‏مذنب وبيني وبين زلاتي انسجام
‏على رغم ذلك احب الصالحين

‏اخطائي المتكرره على الدوام
‏خلتني اتقبل خطايا الاخرين

‏من غير لا اسمع عذر و لا ملام
‏احب اكون اسف بكل الحالتين .

"طلّي علي من شرفه القصر من فوق
‏وتبسّمي لي وأضحكي في وداعي

‏أومي بكفين الغلا وأشعلي الشوق
‏في قلب شيخٍ جاك في ثوب راعي

‏حده غلاك يجيك يا شيخة الذوق
‏لو كان ما للحب والذوق داعي

‏وأقفى يتل القلب معلوق معلوق
‏في درب فرقاً ما وراها إجتماعي

ما يتبع المقفين يا كود مطفوق
‏وأنا رصيدي ما تحوشه ذراعي

‏لو كنت ضايع كل مطرود ملحوق
‏يكفيني إنك كنت سبة ضياعي
-‏ضيدان بن قضعان.

ماطاح من النجوم اخف للسماء.

من حمام امنياتي ما بقى الا حمامه
‏وجهها ما يطمن والجناح متقصّف
‏ٰ
‏طارن المبطيات ولا ارجعن بالسلامه
‏عاد مدري العمر فـ اتلاه والا متنصّف
‏ٰ
‏من دروس الزمن عندي علوم وعلامه
‏كني الشاطر اللي جالسٍ بـ اخر الصّف
‏ٓ
‏دايماً مبتسم واللي ورا الابتسامه
‏دمعةٍ ما تشاف وضيقةٍ ما توصّف