نستك الخطاوي في متاه الشقى منهار
ياعمرٍ سرقْه البال لـ أوجع تفاصيله

تغنّي من الضيقه ويرقص حمام الدار !
مثل طفلٍ يلعب فـ العزاء مع ربع جيله

هقاوي نهرها اليائس شايف ضميري ثار
وشرهاتي أثقل من شجاع وكبا خيله

يشح الصبر "أقلط" نكافح قسى المشوار
وأمر العزيز اللي جروحه تنادي له !

على سكة النسيان ماهيّض التذكار
سوا مجلس الشايب عيونك فناجيله

سهيت فـ عذوبة بسمةٍ حلّت الأمرار
ونحرٍ يشيل الديم لا أرهت مخاييله

تشين الملامح لا بدا شوفها تكرار
عدا وجهٍ يدلّ الظلام لـ قناديله

بعيده مثل سرٍ بـ جوف الرجل مابار
قريبه مثل ذكرى تسامرني الليله !

حكيم الحزن يومه دخيلٍ في صدور كبار
درى بـ أحضن طعونه وأهيجن تعاليله

وخاب اللقى خيبة قصيده بـ حس النار
يصفّق لها المسرح وهي تبلّ منديله !

ياجرح لو يموت الذاكره تحييه
‏احبه لو يشوف الجرح تسلايه

‏انا من دونه احس بشعور التيه
‏يخليني وانا في غيبته تايه

‏ويعودني على لبيه،، طيب ليه !
‏ترا لبيه شايه والهلا شايه

‏اشوفه غير لكن ماسالت شفيه
‏لقى صبر عشانه ماله انهايه

‏على الحاضر يقديني حلو ماضيه
‏يوديني وانا راضي،، بودايه !

صاحبي والبوح شريان الغرام
‏بيني وبينك ماودي ينحبس

‏والله أن حالي أبد ماهو تمام
‏مثل غصنٍ هزه البرد ويبس

‏"تبي تلقى أحد غيري ولكن ويش جاب لجاب /
و انا ضلعي يميل اكثر .. وداد و عشق و حميّة"

‏"كم لك تمر أرضي بغيمة وهتـان
‏ولا سقيت أرضٍ تحرت سحابـك

‏وأنا لو إني في مكان السحب كان
‏فليت مجدول المطر في ترابـك".

‏من يقول اللي يحب بْتستره كومة ثيابه ؟
‏والله انّك واضح بوجهي ولو شافوني لاهي
‏ٓ
‏ريحتك فيني مثل ريح الارض بعد السحابه
‏بعد ماباس المطر وجناتها قامت تباهي
‏ٓ
‏صح مابيني وبينك رابطة دم وقرابه
‏بس يربطني معك قلبي "وهو آمر وناهي".

بغى قلبي يفضفض لـ الزمن عن وضعه و عييت
‏أنا عاشقه ليا من ضاق صدري صكيت أزاريري

"يانديمه وأشعل الصمت الكلام
‏دام صبري في تناهيدي شَرق

‏كان قلبي في دهاليز الظلام
‏شاعر وغاوي تدَثره الأرق

‏وكانت أقلامي إذا كبر الملام
‏تشكي آثار الثماله لـ للورق

‏وأكتبك، وأعانق حدود الغمام
‏وأرتوي وأضماك وأهوى وأغرق".

في وقت حزني
" مامسح دمعي غير يدي
ولا حضنت الا الوسادة "

مهما تعطي ومهما تستنزف نفسك للناس ومهما تحب بكل مافيك وتكون معهم بكل لحظه
" والله لا طحت ماتلقى احد " كلهم كلام كلام كلام وش نبي بالكلام بلا فعل؟

لا تقسى وأنا اللي حط ماودّك فـ يمناك
‏وحط فـ يسارك راحته "وانحرم منها "

‏لك الله يا أحّن المخاليق وش قسّاك؟
‏وش اللي نزع ضِحكة لقانا وكفّنها

‏وش اللي تغيّر آخر أيّامنا وش جاك؟
‏وش اللي حداك لكلمةٍ ماتثمنها

‏و على الروح ياقطعة الروح من قوّاك
‏وهي " روحٍ " أدنى ماتسوّيه يطعنها .

يا نبرة الخاطر الموهون .. بـ سكاته
‏تعبت اغنّي جروحي باعذب الحاني

‏حفظت درب الحنين و كلّ عثراته
‏والليل والذكريات ومطلع احزاني

‏وين النهار القديم و وين ذرواته
‏الظاهر انّ السنا مختار ينساني

‏قلبي يبي له زمانٍ .. ما بعد فاته !
‏العمر يركض وانا احتاج لعمر ثاني

بيوت الكرم والا بيوت القصيد الزين
‏ " معازيبها حنّا وشعّارها حنّا "

‏"مرات أقول اني المخطي لو اني مصيب
‏__ ومرات ماعاد أطيق ذعذاع النسايم علي"

شاركوني قصايدكم لعلها تفك عقدة حاجبي.

حالي يشابه لأزرق العود لافاحي
‏يفوح طيب وجوفه النار مشعلته
‏ياوجد حالي وجود الورق لاناحي
‏من الاول ياشي"ن" تحملته

إليا متى ودموع عيني محابيس ؟
‏لابد من يومن تهامل دموعي

المشكله بأني احبه جعل تفداه الرخوم
ودي اعالج خافقه واعرف وشنهي حكايته
حبة غلا قبل الزعل والثانيه عند اللزوم
شهرين يبقى عالدوى لما نشوف نهايته
ياهيه قولوا للغضي عن شي (ن) فبالي يحوم
واكيد ماشال الكتاب الا يعرف قرايته