"جيت بكامل شعورك، ليه رحت ؟
لا ريحتني من الهوى ولا أسترحت

أذكر أنك واقفٍ مثل الشواهق
ليه يوم أن المفارق هب طحت !

تحتريني أشرح شعوري بدونك ؟
ماني بشارحه شعوري لو شرحت

أسأل نفسك بعد رحلة هوانا
وش كتبت من عناي ووش مسحت ؟

لو لمحتني وحيده ومالمحتك
أبعد عني، كأنك مالمحت

اللي إعتاد الغرق يخشى المراسي
ليه ألومك وأنت أصلاً ماسبحت

افرح ، لا ترجعني لذكرياتك
لا يضيع العمر وأنت مافرحت

ياصغير ماخسرت العمر توّك
أنت أصلاً في تجافينا ربحت

ماحصل غير أنك أخترت التجافي
لا غدرت ولا قسيت ولا جرحت

وتسألني عن شعوري بعد هذا ؟
هو بقى فيني شعورٍ ماذبحت

الصدف كذبه قديمه جمعتنا
اتركني للحقيقه لو سمحت".

‏" ليلةٍ لو ردّها الله .. ما افترقنا ".

طالت مشاوير صمتي والقلوب الليان
‏ملّت من الورد .. والرسايل الوارده

‏في ليلةٍ ضمت من البرد ثوب الحنان
‏ماقلت أحبّك .. أخاف اقولها بارده

بايعٍ لجلك حياتي وانا احبّ الحياه
‏الحياه اللّي بدونك تجوز بدون روح .

‏أنا وحدي حبيبك لو قريتك في وجيه الناس
‏و لو وجهك ذنوبٍ مالها في سجدتي توبه .

ليت عمري ما يقفي مثل .. فكره بكر
‏اقتنصها شاعرٍ مايعرف .. يصيغها

لا ورب الذكريات اللي مثل طبعك عفيفه
‏ما ينسّيني غرامك لا وجوه ولا مسافه ..

خابرك لازادت جروحي ، تعالجني
‏شلون عاش المريض ومات دكتوره ؟

" ماتستحي لا ياقليل العذاريب
‏ لو تستحي ماتاخذ الطيب كله ! "

سرقتوا قلبي بحلو اختياراتكم 🤍🤍🤍🤍

الله لايخليني 💘💘💘

‏ياسيّد الذكريات احس فيني : خلل
‏من كثر ماحس بـ الوحده مع العالمين
‏ٰ
‏ألقاك بين الأماني .. حلم ما قد كمل
‏وتمرني مثل ضحكه بس وجهي حزين
‏ٰ
‏لو كان .. كثر إهتمامي حسّسك بالملل
‏فـ انا اكثر إنسان ملّ يعيش بعدك لمين
‏ٰ
‏من العذر ما خذل ، ومن الجفا ما قتل
‏أنا تعبت أنكسر .. متى يموت الحنين ؟

لا والله الا اخلفوك العواذل
وشانت اطباعك وكل مافيك :)

عليه من الـ أفا ربح العواذل وأنكسار الـ لوّ
‏وعليه من الرضا روح توفت حُب ، وارتابت

نستك الخطاوي في متاه الشقى منهار
ياعمرٍ سرقْه البال لـ أوجع تفاصيله

تغنّي من الضيقه ويرقص حمام الدار !
مثل طفلٍ يلعب فـ العزاء مع ربع جيله

هقاوي نهرها اليائس شايف ضميري ثار
وشرهاتي أثقل من شجاع وكبا خيله

يشح الصبر "أقلط" نكافح قسى المشوار
وأمر العزيز اللي جروحه تنادي له !

على سكة النسيان ماهيّض التذكار
سوا مجلس الشايب عيونك فناجيله

سهيت فـ عذوبة بسمةٍ حلّت الأمرار
ونحرٍ يشيل الديم لا أرهت مخاييله

تشين الملامح لا بدا شوفها تكرار
عدا وجهٍ يدلّ الظلام لـ قناديله

بعيده مثل سرٍ بـ جوف الرجل مابار
قريبه مثل ذكرى تسامرني الليله !

حكيم الحزن يومه دخيلٍ في صدور كبار
درى بـ أحضن طعونه وأهيجن تعاليله

وخاب اللقى خيبة قصيده بـ حس النار
يصفّق لها المسرح وهي تبلّ منديله !

ياجرح لو يموت الذاكره تحييه
‏احبه لو يشوف الجرح تسلايه

‏انا من دونه احس بشعور التيه
‏يخليني وانا في غيبته تايه

‏ويعودني على لبيه،، طيب ليه !
‏ترا لبيه شايه والهلا شايه

‏اشوفه غير لكن ماسالت شفيه
‏لقى صبر عشانه ماله انهايه

‏على الحاضر يقديني حلو ماضيه
‏يوديني وانا راضي،، بودايه !

صاحبي والبوح شريان الغرام
‏بيني وبينك ماودي ينحبس

‏والله أن حالي أبد ماهو تمام
‏مثل غصنٍ هزه البرد ويبس

‏"تبي تلقى أحد غيري ولكن ويش جاب لجاب /
و انا ضلعي يميل اكثر .. وداد و عشق و حميّة"