‏"حييّت ياساعي الذكرى .. عليك السلام
‏لا إنفضّ سمّار ليلي طاب معك السَمَر

‏شعوري البارحة .. ماكان قد المقام
‏البارحة كانت الساعة بحسبة عمر

كيف أختزل جوهر المعنى بقالب كلام ؟
‏الا إني أنزف مداده من عروقي حبر !

قد قلت لي خذني لحربك حمامة سلام
‏وقد قلت لك خذني لمُجدَب شعورك مطر

‏كنت أدري أني وسيلة وأدري أنك مرام
‏قبل أستميح الليالي .. وأستميحك عذر".

"بين ضيقٍ مانتهى وبين جوٍ ماصفا
‏لي قلبٍ كل نسمة هبوب تْحركه

‏مر عامٍ فيه شي من التعب والجفى
‏مايخلي القلب ميت وموته يربكه

‏لا هدا لي بال ولا جفني أرتاح وغفى
‏بين فكري والمشاعر حروب ومعركه

‏التناقض في شعوري مطوّل مانتفى
‏غير زاد الضيق في صدري إلين أهلكه

والحماس اللي ملا لهفتي ثم إنطفا
‏صار لونه مثل لون الليالي الحالكه".

"أبطيت تحت المطر، ماتبلَلْت
من جفافٍ وسط جوفي شكيته".

لي ساعة واقفه تحت المطر والحريق اللي بجوفي ما طفا !

النظر لقطر المطر ببرود وهدوء وجرح ،
للبنت اللي كانت تحت المطر رقصاتها.

أنا ماني سفينة نوح أشيل من الحزن حزنين
حزن واحد من أحبابي تعدّه روحيّ بعشرة

‏من يقول اللي يحب بْتستره كومة ثيابه ؟
‏والله انّك واضح بوجهي ولو شافوني لاهي
‏ٓ
‏ريحتك فيني مثل ريح الارض بعد السحابه
‏بعد ماباس المطر وجناتها قامت تباهي
‏ٓ
‏صح مابيني وبينك رابطة دم وقرابه
‏بس يربطني معك قلبي "وهو آمر وناهي".

“ترى يوم المطر وقف دقيقه ثم رجع وانهل/
لمحك وراح مستعجل يسولف عنك للغيمه".

شلوووون !!

يحزنني ان المطر اللي كان كل اسباب مسراتي مافك عقدة حاجبي ولا اروى جفافي هالمره.

ثم يحدث أن تتقيأ جثث كل الفراشات التي شعرت بنعومة أجنحتها في معدتك بعد موت الحب.

كنت الجرىء في تفاصيل الكبر لحظة فراقي
‏وانا الشجاعه اللي ترعرعت في مشاوير الخطر

‏عنيده .. واقوى كلّ شيّ الّا شعوري واشتياقي !
‏ومن يوم غبت قلبي اعلن لي عزوفه وانفطر

‏قم نعيد الصدفه اللي صارت بيوم التلاقي
‏مافيه احنّ من الرجوع اللي يجي بليلة مطر

فداك العمر، واشجان الليال ولمّة السمّار
‏يا صوتٍ علّم عيون المعنّى لوعة المسرى
‏وانا والله يا روح القصايد ما عرفت الدار
‏اهيمك كل ما هب النسيم وليلتي غدرى

‏يسود الصمت وديان القصيد ومدمعي ثرثار
‏سهجت الدرب وعتادي حنين وتمتمة عذرى

ياضعف الشخص اللي اذا درا عن معاناتك في ماضيك قام يدقك فيها.

الحمدلله قدرنا نشغل صارحني من جديد❤️.

القصيدة خطفت قلبي❤️❤️❤️❤️.

"قصر بال، وشح وصل، وقل دبره
‏والسؤال أجاوبه بـ أدري ومدري

‏والله أني حاسده مثقاب الابره
‏يومه أوسع للهواء من ضيق صدري".

"سولفت للغيمه عن البعد الطويل
‏ودمع السما في ديرة الفقد إنتشى

‏كان الهوى بير وجفافه مستحيل
‏دلو الوصال اليوم مقطوع الرشا

‏ماقلت لك حظّي من الدنيا قليل ؟
‏وسيف الحنين يدل عنوان الحشا

‏من قال باقي عزم للـ حمل الثقيل
‏عزمي معك سلّم على القلب ومشى".

"جيت بكامل شعورك، ليه رحت ؟
لا ريحتني من الهوى ولا أسترحت

أذكر أنك واقفٍ مثل الشواهق
ليه يوم أن المفارق هب طحت !

تحتريني أشرح شعوري بدونك ؟
ماني بشارحه شعوري لو شرحت

أسأل نفسك بعد رحلة هوانا
وش كتبت من عناي ووش مسحت ؟

لو لمحتني وحيده ومالمحتك
أبعد عني، كأنك مالمحت

اللي إعتاد الغرق يخشى المراسي
ليه ألومك وأنت أصلاً ماسبحت

افرح ، لا ترجعني لذكرياتك
لا يضيع العمر وأنت مافرحت

ياصغير ماخسرت العمر توّك
أنت أصلاً في تجافينا ربحت

ماحصل غير أنك أخترت التجافي
لا غدرت ولا قسيت ولا جرحت

وتسألني عن شعوري بعد هذا ؟
هو بقى فيني شعورٍ ماذبحت

الصدف كذبه قديمه جمعتنا
اتركني للحقيقه لو سمحت".