"تعبت من التعب والهم والآلام والضيقه
‏تعبت من الرحيل اللي على وين ما أدري

‏تعبت من الشتات اللي جمعني في معاليقه
‏تعبت من الضياع اللي خطفني للأسى بدري

اليا مني نهضّت القلب وأنتفضت مسابيقه
عرفت أن الهزيمه من نصيبي قبل لا تطري".

تذكر كل موعد جبت لك شوقي و جيت
‏و تذكر كل غيبه بيننا لو كانت قصيره

‏و كل نظره من عيوني يوم قلبي فيك ميت
‏و تذكر أحبك بـ خوف و دهشه و حيره

‏كثر ما حاولت أشتت وحشتك و أزريت
‏و كثر ما سرّاني الشوق في مشاويره

بغى قلبي يفضفض لـ الزمن عن وضعه و عييت
‏أنا عاشق ليا من ضاق صدره صك أزاريره

" ياما على غيبته قد عبّرت عيني ،
واخص به الدعاء عصريّة الجمعه "

صدري الليله توشّح مشلح الليل المظلّم
‏فيه رهبه قبل نطق الحكم مع قرع الثواني

‏كنّه يدف النسم من داخليّه فوق سلّم
‏ياكثر مايمتلي صدر الكتوم اللي يعاني

‏ليتني لا ثقلت ضلوعي من الشوق أتكلّم
‏لِمتى وأشتقت لك تذبل قبل توصل لساني !

"الى حزني رساله من حبر وأعذار
‏الى آخر طريق يترجم وضوحي

‏حبيبي كان صوتك ضحكة الزّوار
‏تفاصيلك تمر وترتعش روحي

‏أناديلك وأنا خايف من اللي صار
‏أخاف أقول وينك وتزعل جروحي".

"بين البعاد وبين حزن التفاصيل
لقيت ذاتي بين الاضلع وحيده

غنت وسط جدران صدري مواويل
للذكريات الموجعات العنيده

أحس فيها مثل ماحس بالسيل
نبتٍ غرق مابلل الماء وريده

الصمت يخنق رغبتي بالتعاليل
والبوح عن هم الضماير يزيده

مهما يمر الصبح أنا أشعر بـ ليل
ليلٍ بليا سامرين أو قصيده !

من أول أحلامي لعمري قناديل
واليوم مابه حلمٍ يمد إيده

ماكان للعتمه معي غير تبجيل
تبجيل بشرني بـ شدة وعيده !

ينزل مداد الروح وحي وتراتيل
أعيده .. وياليتني ما أعيده

شفت الوضوح يقص كف التآويل
ماكنت أظن الحر يحميه قيده

لله .. مدري للثرى والمقابيل
بس الوكاد أحتاج روحٍ جديده".

‏على مبدأ الفراق المر ياخلي فمان الله
‏و على مبدأ فمان الله يا خلي تذكرني .

‏"يارب خارجني .. إذا خاطري طاب
‏وأطفت رياح الياس هقوة سراجي".

"كنت أحسب إن لي عندهم خاطرٍ زين
وأثر الخويطر ماش محدٍ درابه".

"حصيلي منه طعنات الكلام وحسرة سنيني".

اليوم قريت جملة ماراح انساها طول حياتي
‏لا يؤتمن من استطاع أن ينام و هو يعلم أنه تسبب لك في ضيق ، لا يؤتمن من مضي و نسي العشرة و لم يتردد للحظة.. لا يؤتمن حتى و إن عاد

هالمرة بتصير قولاً وتطبيقا :

" قلبي اللي حبك وصانك الى حد إستماته
يرتوي طعم الهماج ولا يقرب سلسبيلك

هذا هو شعري زكاةٍ لك وافكاري بناته
من كتبته فيك صارت اجمل ابياته تشيلك "

اشعاري وقصايدي غاليه علي جداً ولا تطلع الا في شخص يعني لي بالحيل ..
لكن للاسف جت في شخص ماقدرها ولا شافها شي
- تحز بالخاطر جداً

"خايف من الفرقا ولا ودي أخاف
‏من خاف له من علةٍ مات منها"
-سعيد بن فارع.
Vs
"أنا اخاف من طاري المفارق بشكلٍ عام
مثل ما تخاف الجن من رقية الرَّاقي"
-سفر الدغيبلي.

كل عام وانتم بصحة وعافيه يارب🤍
"كملت معاكم 5 سنوات 😢🤍"

على عين المِشقَّى يالسهر بشويش
‏ترا ماعاد به شده على هالليل وظنونه
‏جزت عينه وغيره تنعم في وساد الريش
‏وجحد همه ولابيَّح لغيرالله مكنونه

غنت الأرض و الطاري لا ذعذع نسيمه
‏ قمت أغنيك و الشتويّه أول شهرها

‏يا عسى وين ماوجهت تلحقك ديمه
‏ووين ماجيت لك ديره ، يرشّرش مطرها .

‏"حييّت ياساعي الذكرى .. عليك السلام
‏لا إنفضّ سمّار ليلي طاب معك السَمَر

‏شعوري البارحة .. ماكان قد المقام
‏البارحة كانت الساعة بحسبة عمر

كيف أختزل جوهر المعنى بقالب كلام ؟
‏الا إني أنزف مداده من عروقي حبر !

قد قلت لي خذني لحربك حمامة سلام
‏وقد قلت لك خذني لمُجدَب شعورك مطر

‏كنت أدري أني وسيلة وأدري أنك مرام
‏قبل أستميح الليالي .. وأستميحك عذر".

"بين ضيقٍ مانتهى وبين جوٍ ماصفا
‏لي قلبٍ كل نسمة هبوب تْحركه

‏مر عامٍ فيه شي من التعب والجفى
‏مايخلي القلب ميت وموته يربكه

‏لا هدا لي بال ولا جفني أرتاح وغفى
‏بين فكري والمشاعر حروب ومعركه

‏التناقض في شعوري مطوّل مانتفى
‏غير زاد الضيق في صدري إلين أهلكه

والحماس اللي ملا لهفتي ثم إنطفا
‏صار لونه مثل لون الليالي الحالكه".