أقفت وعيني تناظـر والغلا لازال
‏ساكن حدب الضلوع وطاويته حبالها
‏عقبها صارت عيوني للسهر مدهال
‏وخلت متوني تشيل من الحمول ثقالها

"ملامح غيبتك بانت بوجه التايه المحتار
‏ثلاث سنين وأحداقي تعيش بخيبة أحلامي

‏تغافلت الشعر مده ولكن هالعلوم كبار !
‏صحى هاجس يهيجن عبرتي وإرتعشت أقلامي".

"عليم الله عن الخافي وأنا ماني عديم شعور
‏بغيتك بس ماشفت الليالي جات في صفّي".

"قالت فمان الله لي سبع مرات
وأنتي بحفظه مانطقها لساني

ياعلتي من هول يومي ولا فات
لا الشمس غابت به ولا الليل جاني

يانور عيني سيد كل العفيفات
تضحك وأنا طاري الفرقا طواني !

ياقوّ عزمك يوم قفيت بـ سكات
كانه وطاك من الغلا ماوطاني".

‏أحب الطمأنينة اللي تجتاح صدري وتمليه بعد ما أصلي الفجر,أحب هذي المشاعر المريحه اللي بكل مره أعتبرها طبطبه وضماد لكل شي زعلني وحصل لي بالليله اللي قبلها يارب أجعل هذي الطمأنينة تحوف قلوبنا حوف ولا تفارقها يارب.

"لا قلب لا صحبه ولا صبح وأحباب
جيتك وأردد "علّها تحتريني"

روفي علي، لليوم تايه ومنصاب
أمشي وأدوزن في ظنوني يقيني

أكتب وأشقق من عبث لوعة أسراب
وأبعثر أوراقي جهل من يميني

والفرحه اللي دونها أبواب وأبواب
أغفى وأردد .. علّ باكر تجيني

هايم وأشوف أن الشعر لي محراب
ولا ضقت شفت أن القصيد يحديني

واللي خلقني شخص شاعر وكذاب
أصد وأنكر وأنزوي عن حنيني

الوجد من شفته هاك الليل مرتاب
هو دربي اللي من بدا ينتهيني !

وعر الطريق اللي به الياس حطّاب
ردي قصيده ثانيه وإبتديني

ويغرد القُمري صباحات وأحباب
الله لو كانك تحسين فيني".

‏صباح الخير :
‏"كل ما طلّ النهار .. وفَزّ نورك
‏_تبتسم هالأرض و تتضايق وسايِد".

" يوم جيتني بين موجة ومجداف
كنك معاذير الزمان الآسفـه "

‏خليتني بين الوعود ورحت كنك مانويت
‏وانا بقيت بنيّة اني مرجعك يامرجعي

‏بكيت فالثلث الاخير احتار دمعي واستحيت
‏مابين تقصيري معَ ربي وتقصيرك معي!

وياقلب لا تجزع من اللي جرى جاريه
‏وما قدر الله قابلينه من الـواالي ..

‏حداني على البيت المطرفّ غلا راعيه
‏ولا يمتكن جناب بيته وهو غااالي :(

‏غشاه الحلا والنور يوم الغلا مغليه
‏يعيش النظر شوفه بليا تعدالي !

الكرامَه فَرض يوم الحب سنَّه
‏نَحشم أنفسنا و يعجبنا التغاضي
‏
‏من جرحنا نَعذره و نصد عنَّه
‏ما نضيّع وقتنا في شي فاضي
‏
‏بَعد ما نعطيه فوق اللي يظنَّه
‏نبعد و نكتب على صفحته ماضي

‏العطايا وافيـه ، من غيـر مِنَّه
‏لو يقابـلها جحـودٍ و اعتـراضي .

ثقيل الحزن لاصار في كل ليله ضيف ،
‏ليا رحت أدوّر لـ الفرح درب يمسكني !

‏ومن كثر ماني فاقد الضحك مدري كيف ؟
‏تمنيت .. لو شر " البليّه " يضحّكني (:

"صمتٍ لبس من مشلح الليل وسواس
عن قصةٍ بين الجفون وهدبها

أجر صوتي كني أجر الانفاس
فـ الليله اللي كان صدري حطبها

مرتني الضحكه بلا روح وإحساس
من ثقلها كنت أحس بطربها

بين إرتجافي والهدو أثمر الياس
وجدٍ عناقيده تفرعٍ تعبها

من الوله لا جاب ذكراه نسناس
زفيت له حبر الشجون وعتبها

في داخلي سجن ومنافي وحراس
وقلبٍ يدوّر ضحكةٍ يغتربها

مثل الكلام اللي حبس بين الاقواس
قُيّد وهو ماله ذنوب إرتكبها

للناس شرهه مالها فالمدى ساس
أنا الوحيد اللي يصالي لهبها

للبدو في جوف المواويل مجلاس
عن غصةٍ لا ينكشف وش سببها

وأنا ماجيت لديرة الشعر عساس
لو المطر يسقي ظوامي عربها

أنا بدوي "متن" وجدودي "الراس"
قصايدي متأصلّه في نسبها

أن تاهت بكار الفرايد مع الناس
ماضاعت الفكره وحرفي جنبها

الغالي اللي هجره أقطع من الفاس
مافيه فرحه غاليه مانهبها

طعني برمشٍ مثل حد الامواس
وأقفى وخلاني أنادم نشبها

من عقبها وضلوعي السمر يبّاس
والارض ضاقت في عيوني رحبها

ياليتني ماقلت متجرّد إحساس
الغيبه اللي توجع القلب غبها".

هالفترة ماشية على بارت :

" قلبي اللي حبك وصانك الى حد إستماته يرتوي طعم الهماج ولا يقرب سلسبيلك
هذا هو شعري زكاةٍ لك وافكاري بناته من كتبته فيك صارت اجمل ابياته تشيلك
باقي لك وسط خافق كان حبك به حياته السلام وحشمة العشره وشعرٍ ينتمي لك
وإلا انا مقفي وعيبٍ ع الذي يقفي إلتفاته لو تصوت ما سمعت ولو سمعتك ما اجي لك "

"تعاتبنا وشدّينا الرحال مفارقين أحباب
‏وتعاهدنا على حفظ الجميل وطيّب السيره

‏وتوادعنا وشفٍ في الصدور لبعضنا ماطاب
‏وقلنا جعلها خيره وندري ماهي بخيره".

"أنتي سرقت من عمري كم سنه
وزودٍ على عمري سرقت العافيه".

"يانبض الغلا اللي حبك يغذي الخفاق
‏لاتقفي وأنا روحي على شوفتك شفقه

‏حصيلي من الفرقى حنين وسهر وإرهاق
‏وذكرى سببها دمعة العين مندفقه

‏أوقف على الاطلال وأرجع وأنا مشتاق
‏وأنادي وأظنك لا تداري ولا تفقه

‏عسى اللي جعل لك منزل داخل الاعماق
‏يردك علي .. ولا ينسيني الرفقه".

"ليه أترك الحلم وأذرف من وراه الدموع
‏وأحلام الانسان توخذ غصب ماتنعطى

‏تشكّلي ياظروف الدهر ومن أي نوع
‏بجيك هادي ومتوازن وواثق خُطى

‏القلب ضد الكسر والراس ضد الخضوع
‏والمتن للشيل واليمنى لبذل العطا

‏ياللي شعارك مع الايام لا للرجوع
‏كل الاماكن ترحّب فيك غير الوطى".

المحبه غاليه بس المشاعر ماتثمّن
‏والتهور في دروب الحب يبغى له جراوه

‏ياحبيبي ودي اسأل لاتخاف ابغى اتطمّن
‏هو غلا والا كلامك بس من باب الفضاوه

‏خايفٍ اسخي ⁧ شعوري⁩ في دروب الحب ثمّن
‏يطلع الناتج من الاحداث خذلان وقساوه

‏كلمة احبك كذا من غير فعلٍ ماتسمّن
‏كنها ارحب من بخيلٍ مايلحقها حفاوه

أطوي أرصفة الدروب بْلا هدف
‏من أمان الليله اليا خوفها

‏كم لي أتحرَّى على أسوار الصدف
‏بسمةٍ .. عيّا الزمان أشوفها !

"بعد طالت مشاوير الحياة وسجوّا السالين
‏نويت أعيش فـ الدنيا وأسايرها ولا أمداني

‏ترجعني لـ خيبات الظنون وزلة الغالين
‏وأطوفها على شان الهوى ماهو على شاني

‏وأنا ماني غشيمٍ فـ التعامل وأعرف الغاوين
‏أجامل وأتشيّم والخطأ ماهو بـ يخفاني

ولكن كل مافيه ذعذع هواك أشوف شوف العين
‏ملذات السنين وما بقى من عمري الفاني

‏تحاليت الجروح اللي تجيني من إيدينك لين
‏دريت إن كل جرحٍ في حشاي أغلى من الثاني".