من يفك عقال حزني من مراح العذاب
‏كل مادكت بـ صدري همومٍ مجهده

‏عندي أتبع فـ أشهب اللال لمعات السراب
‏أهون من أتبع مقفيٍ ماجاء عند وعده

‏كل ما أخذت المكابر تعزز وإحتساب
‏في عيوني دمعةٍ بالمطيح مهدده !

لو قضيت الوقت أقارن بالبشر وأجرّب
‏كل وجهٍ لو أصفه جنب وجهك؟ عادي

‏لك مسيرة بالجمال وبالحسن متشرّب
‏هايمٍ بك يا حبيبي قبل أطب الوادي

‏لو يصير اللي يصير وجيتني متغرّب
‏قل زبنت اللي أحب وبالضلوع بلادي

"وتاخذك الليالي في كنفها لين
‏شوي شوي تتعوّد على الفرقا".

"وإذا يعني رحلت وتاه قلبي وأقفوا الجلاس ؟
‏وطاح الليل في كبد العصر والشوق ولعني ؟

‏عسى تلحقني الشرهه مصير الدمع للقرطاس
‏يبللّ بيت فرقاه وأغني له .. ويوجعني !

‏تداعيت المزوح وكانت أيامي تحد اليأس
‏بعد كنت اليقين اللي يدين الشك تقطعني !

أمر الذكريات اللي تمر الخاطر الحسّاس
تبدد كل وقفة كبرياء .. كانت تجمّعني !

تهادى ياسجين البال زعفر دلّة الهوجاس
وحرر قيد تمتمتي .. وقنّد حزني المعني

عرفته قبل ما الغطوه يلاعبها هوى النسناس
وقبل مايكتب .. الخوف وجهاته تروعني !

وكثر مايلعن الشاعر ضياعه بين جمع الناس
وكثر مانادت أمي فـ المسافه لا تضيعني !

حسافه ليه تسري بي وأنا تخنقني الأنفاس ؟
‏وتتركني رهينة صمت والذكرى تنازعني ؟

‏أقل اللي تمنيته تسيّل مهجة الوسواس
‏أو أنك قبل ماترحل أقل حاجة توادعني

‏وإذا يعني رحلت وتاه قلبي وإنطفى نبراس ؟
‏ مصير الليل يتشرّه على كلمة "وإذا يعني".

"كنت أحسب أني صلف ماهِل العبْار
‏لين هزمتني عيني .. وهليتها

لا قلت يادمعي من الطيحه مجْار
‏قال الطويله ليت ماذبيتها

‏يكبر بي المنقود من كبر الوقار
‏على أمورٍ مابعد سويتها

‏خانت بي عزومي وأنا عزومي كبار
‏طاحت وأثر صيت الرجل من صيتها

‏لو أتعزز من عزيمه وإعتبار
‏بانت بي الخله ولو مابديتها

آمنت بالله والخساره بالعمار
‏بموت وشفوف العرب مارضيتها

‏قلبي دليلي لا بغيت الشور شار
‏والراي راي النفس لا ماليتها

‏وأنا مع الشعار لي أسم وأشعار
‏لو شبت من ساحتهم وخليتها

‏أسمي الحقيقي محتميه المستعار
‏اللي فعول أسمي عليه أسميتها

لو يجهل الأسهاب فضل الأختصار
‏سمحت من طوالها وأنهيتها

‏يوم إحتدى الطاري على المسرا وسار
‏عنتني الذكرى وأنا عنيتها

‏ياعمري اللي مل هامش الإنتظار
‏من ضيعة الفرصه ومن تفويتها

‏لو شوفة الأطلال ورسوم الديار
‏تثر على مثلي الى مريتها

لا زال لك في خافقي بيتٍ يزار
‏تنِبه الأشواق كنه بيتها

‏لا هبه الطاري سلام وياعمار
‏تباشر أسواره الى هبيتها

‏تعال ولا تشيل هم الأعتذار
‏وأنا علي أن جيتني عديتها

‏حنا كبار ولا ندقق فالصغار
‏تفداك زلاتك الى زليتها

من قبل أعرفك ماعرف قلبي خضار
‏لين أستنخت أركابك ودكيتها

‏ترا العمر فوات وسنينه قصار
‏كافي السنين اللي معك عانيتها".

كنت اشوف وسط هالظلما نهار
وكنت اظن .. وصار ظني مايسّر !

يابزوغ الفجر بيّن وأخمد الجوف بـ سلام
‏وأنحر الليل بـ شروق أم الجبين العسجدي

‏من ركى كوع العمر بال التعب والانفصام
‏مارسمت الغيم نازف والسبب رجـفة يدي !

"وتاخذك الليالي في كنفها لين
‏شوي شوي تتعوّد على الفرقا".

"ودي أرجع عن غرامك وأشتري عافيتي
‏بس عمر الوقت مايرجع ليا عديته

‏لا قناعاتي ولا أخلاقي ولا تربيتي
‏تسمح أخذ منك قلبي عقب مامديته".

‏وشلون أودّعك وأنا أشوفك بلادي ..
وأنا بلادي مُحال إني أودّعها

"من كثر ما ليلة وداعك طويله
ماطاحت دموعي أنا طحت كلي

ياليت جرحي طير وأخلي سبيله
لكني أجهل وش يكون التخلي

كل شيء أبلقى في حياتي بديله
الا أنت وليل العتب والتغلي

وأيامنا اللي بالمحبه طويله
والله ماكانت فراغ وتسلي".

‏" غلطة مرت في حياتي
جرح سطحي يا حياتي
ما ترك آثــار
كن ما شي صار "

والله ان قد لي وانا ماني بطيّب
‏مونسٍ خلف الضلوع العوج حره

‏أتغاضى واتغيشم واتسيب
‏واتظاهر بالأمور المستقره

‏من نشدني من بعيد ومن قريّب
‏قلت ما فيه أطيب من الحال مره

‏وأظهر الهيبه على العالم وأغيّب
‏ضيقةٍ حطت لها فالصدر جره

شلون ؟

"ذكرياتك لو بـ أسولفها وأعدد
‏كل موقف ماخذ بـ قلبي مجاله

‏الشعور اليا تجاهلته .. تجدد
‏لو شعورك مع مرور الوقت داله

‏ودي أرسل لك رسالة وأتردد
الكرامة بيني وبين الرساله".

رجعنا لطاري ياللي …….

يحزنني انه حتى بُكائنا نخاف لا ينسمع

تعبت أعيش الامل بالمزنه الغرّا
‏وأرضي قتلها الجفاف وغيمها باخل

‏وش فايدة ضحكةٍ للناس من برى
‏وأنا جروحي تبكيني من الداخل ؟

‏"سرى ليل وطلع فجر وعبر مابينهم عمري
‏تحايلت الفرح لكن تعرّى خوفي المرتاب".