يالله اني بوجهك وبحق هاليوم الفضيل اني اطلبك الخلاص.

إكسر جدار الغرور وعايد احبابك
‏أنا إن تصبرت لين الصبح يا طيبي

‏فطرت قلبي في عيد الفطر بغيابك
‏أرجوك في عيد الأضحى لا تضحي بي

استانسو بالعيد من صبح لعصير
‏واخذو من الليل انشرَاحه ونَسمه

‏وانا اتركوني مثل ما يِترَك الطير
‏لا طاح ريش جناحه وطاح جسمه

‏انا طريقي غير وحكايتي غير
‏وما كل بسمه في محياي بسمه

‏العيد والله يوم اشوف امي بخير
‏والغايب اللي ماني بقايل اسمه

"أنا من عزته حلّت محل إشتياقه
‏شام عن قرة عيونه وفارق بلدها

‏عقب ما أهدا لها من ورد الابيات باقه
‏وعقب ماقبّل صْورها وسمى ولدها".

هلابك يا أول جروح الحشا و آخر حدود البال !
‏ هلا يا أول مشاريه المسيّر .. و آخر أماله

للعمر وسنينه وحبي أقترفت
‏ذنبٍ على ليلة معقبّها القمر

‏ونفسي خذتني للندم حتى عرفت
‏أنك من سنين العمر "زلة عمر"

ظهريّة بعنوان
"مد لي ظلّك .. خلّني تحته اقيّل
لي سنينٍ ما عرفت اهدا بروعي"

دربٍ سفاه السافي والخطوة مقيض
من بعد ما كان بمفاريعه .. ندي

كانت مواري ديمته فالارض فيض
في نوض براقٍ ومصبوب بردي

كيف استعيد الودّ.. والهجران غيض
على اللي قدره كان في نجم الجدي

المترف اللعوب .. أبو طرفٍ غضيض
العسجد اللي ما درى أنه عسجدي

في عوده المجمول .. قافي يستهيض
لا جيت أبوصف قلت يا وين أبتدي

كنت أحسب اني في مراتيعه حظيظ
وأشوفه المرام وغاية مقصدي

ما كنت اعرف ان الليالي في نقيض
لين انقضت جرحي وخلتني وحدي

عزاي إني تركتك دون تأنيب و قهر و قصور
‏و لا قلّلت من أبسط حقوقك في معاملتك

‏تجاهلتك وأنا ضايق شعور وخاطري مكسور
‏تخيّل قد ماني بـ حاجة وصالك تجاهلتك .

فات عيد الفطر ما شفت البعيد
وعيد الأضحى فــات مثله مثل إخيه

شفت في عيد الفطر حزن فريد
وشفت في الأضحى الحزن أمه وإبيه

فاتت أعياد السنه ذي عيد عيد
والشقي يـاكل من الحسـره يـديـه

مابقى للصبر في صدري رصيد
وكـل بيت قـد كتبتـه حـزن فيه

دام ما للعمر من يضمن مزيــد
يـا نجوم الليـل عنـي عــايـديه

قولي إن صويحبك عقبك وحيد
قــولـي إن النوم عيـا لا يجيــه

قولي إنه حــرم اللبـس الجديد
وقولي إنــه مـا نسـى العهد وعليه

وقولي إن الحال ينقص ما يزيد
والسبب كثــر انتظـــاره علميه

الانتظار أشد من سجن الحديد
احتريه الصبـح والليــل احتـريه

قولي إن العيــد كلن بـه سعيد
كـــود مــن خله بعيــد و يرتجيه

أبعده عني ضحى العيد الجديد
وإن فهـم مــاهي غريـبه من نبيه

عيده مبـــــارك إلى يوم الوعيد
خــــاف ياتي عيد ما اعــايده فيه

كنت اعتقد أن شخصًا مثله سيخرج من حياتي إثر عاصفةٍ شديدة، لكنه تداعى ببساطة..مثل أي برودةٍ تتسرب ليلاً أسفل بابٍ ما في بنايةٍ ما!

"جعل يسقى وقفتي قدّام بيته
‏وضحكةٍ تحيي ملامحها شجوني

‏علموه أني كبرت ومانسيته
‏وطمنوني وش هي أحواله بدوني ؟

‏أتسلّى في القصيد ولا سليته
‏حاضر بصحوي وفي إطباقة جفوني

‏لا يحسب أني رحلت ومابكيته
‏كل مافيني بكاه الا عيوني".

‏"بكيتك كنّ ماغيرك سكن من خلف هذا السّور
‏وأحس الدمع من جمَره ..يحرق راحة أيديني

‏قسم بالله من رحت تمنّيت : الصدور قبور
‏وأضمك في فضا صدري، بحفظ الله وإيميني"

كل لحظةٍ كانت بقربك عظيمه
‏عيا يكررها الزمن عقب ممشاك

‏ماعاد لـ التاريخ معنى و قيمه
‏عدى على قلبٍ عجز ماتعداك

‏مشاعري بين انتصار و هزيمه
‏من ليلةٍ فيها عرفتك لـ لفرقاك

‏ممنونة لــ كل الليالي القديمة
‏اللي بها صوتك ووجهك وملقاك

فتحت الملاحظات وجلست اقرأ اول قصايدي،واستشعرت كل شعور خلّاني اكتب لو شطر،ضحكت على وحده وبكيت بالثانيه واخذتني القوه وعزتي بنفسي بالثالثه وتعزويت بالرابعه،حسيت بكل شعور في كل كلمة كتبتها :(

" انا شجاع المفارق كان ماتدري
‏مفارق الحب عندي يووه ياهونه ".
‏- لحظة مكابر .

‏" افزعوا لي ياربوعي تراني ماقويت
‏ماقويت البعد عنه وقلبي في خطر ".
‏- عز انكسار .

( ما للغياب اعذار يا اللي تغيبون،
بلّوا معاذير الجفا واشربوها )