‏"والحب شرٍ على حمّ الذرا قاسيات الكبود
‏وشلون مايجرح اللي قلبها ارّق من عينها؟".

‏المشهد الأول:أشوفك بكل الوجوه وبزحمة أفكاري أتوّه" المشهد الاخير:تاقف على طَرف الهدب ماتلمحك عيني" وهذه خلاصة الشخص الحنون إذا تخلى عن حنيته

‏"عيَنت قلبي قليل الفود؟ /
مالي خبر فيه.. وأنت أدرى"
- مساعد الرشيدي .

" يا صاحبي ما للمشاريه داعي ،
قدّام تفرض شرهتك شم يمناك
مشاعري ماهيب نقلٍ جماعي
أجمع بها حكيك واسوّي سواياك
العام قلت إنك طويل الذراعي
واليوم أبسحب كلمتي واتحداك
دافعت عنك ولا نفعني دفاعي
وسويت لك قيمه وكبّرت مركاك !
وما دام كل اللِّي فعلناه ضاعي
ما فيه شيءٍ نطلبه غير فرقاك "

"أتوارى خلف همٍ .. لا يحن ولا يسايف
‏في فؤادي مايطلّع جرته قصّاص مرّي".

‏مانويت الصد بس التلاعب فالغرام
‏يوجع اللي حبك ويغلي فواده غلي
‏َ
‏والله انّك فالمحبه غشيم ولاتلام
‏عندك ان مالك شبيهٍ ولا مثلك حِلي
‏َ
‏احسب ان قلبي معك لا يباع ولايسام
‏لين شفت انّك تذكيه ذكاة الطلي
‏َ
‏َوالله ان الرجعه اليوم في عيني حرام
‏مثل حرم الدم ولا حرام ابوي علي .

يارفيقي خاطري ماش وأفكاري شتات
‏خلني لـ مطاول الليل الاسود و السهر

‏والله أني ضايق الصدر من كل الجهات
‏وفاقد النوم الطبيعي لي اكثر من شهر

‏المداهيل القديمه وبعض الذكريات
‏اظهرت من عيني الخافي الي ما ظهر

‏وكان م الله عاضني فالليال المقبلات
‏مات حلمي قدام عيني ومت من القهر
ِ

كان تنزع قلبي المجنون شقّه بالتساوي
‏نص في غرب البلاد ونص في نجد العذيّه

‏مير لا عاقل درى عنّي ولا مجنون ياوي
‏كل من مر ولحظني راح وهو يقرا عليّه !

"لا سوّلت للنفس خطوات الطريق
‏تنتابني وجهة حراويها أرق

‏على شفا المجهول يالصدر الطليق
‏وعلى أمل غيمه وبارق مابرق

‏جاني من أبواب المسافه باب ضيق
‏محتوم مابيني وبينه مُفترق

‏كل الكلام اللي أقوله مايليق
‏دام السكوت اللي أشيله مافرق

‏من البحر دايم ينجون الغريق
‏المشكله باللي على الارض وغرق".

الكلام اللي ينكتب هنا ماهو حيّ الله /
" هذا مكان الهموم وهذه طعونك ،
وهناك اموتك حنين وكأني احيابك "

‏"اي والله ان ودي احاكيه وابعث له
‏لكن بعض الرسايل تبحث اوجاعي

‏هو خايف اني ماعاد ارجع وانا مثله
‏خايف من الرجعه اللي مالها داعي".

‏وش العذر ! لا سالت الدمعة على خدّي وبكيت ؟
‏والأرض مثل القبر .. ضاقت علي أوساعها

‏تزاحمت سود الهموم اللي عليها ما قويت
‏وأنا بنيّةٍ من بنات الغيم بيض أطباعها

‏تنشدني أمي كيف حال اللي لهم فالقلب بيت ؟
‏واصد عيني .. لجل ماتدري بخافي أوجاعها

وشلون اعلّمها وأنا اللي في حياتي ما شكيت ؟
‏وأنا اللي تطيع القدر لو القدر ما طاعها

‏"إنّي كثر ما أودّع أحبابي، من الوحشة غديت
‏بنتٍ ليا عانقتها تسمع صرير أضلاعها"

- بكرا يعوضني الزمن و عينك تشوف
خلك مقصر مابقى شي و أنساك . .

‏⁦ ماعلمك⁩ ⁦ صمتي⁩ ⁦ شكثر⁩ ⁦ فيني⁩ ⁦ كلام⁩
‏ولا انا بس اللي احسك واسمعك

‏ماذكرك مر الجفا بحلو الغرام
‏ولا انت بالثنتين ماتفرق معك؟

‏لايخدعك هالبعد لو مر بـ سلام
‏ترا اول ايامه حبيبي .. تخدعك

‏بكره بتجيك ايام ماتقدر تنام
‏بـ توله لذكرى وذكرى توجعك
ِ
البُعد ليله موحش وفيه انفصام
تضحك وبنفس الوقت تنثر مدمعك

وبتذكر ايامك معي .. وياحرام ،
حتى رجوعك وقتها ماينفعك !

كم قلت لك درب الجفا حزن وظلام
بيضيعك دربه .. وشوفه ضيّعك !

وجهك حزين وبسمتك فيها انهزام
ودك تجي ولا لك طريق يرجعّك ..

‏" مستاحشه الناس ما هو من صغر قدري
‏لكنّي ما عدت أحس إن جوّهم جوّي !
‏الشيب ماهو في شعري الشيب في صدري
‏كبّرني اللي أعيشه .. و إلاّ أنا توّي "

واحفظ قلبي عن الردى ومن لا يستحق وصُدَّ عني الدونَ كله وإن تجمّل بعيني وتقّرب لروحيّ - أمين

من لُطف الله: أنْ يرزقك اليقين والتّوكل عليه ودوام الافتقار إليه في وجود أمرٍ قد توفّرت أسبابه لك وقد صُرِف عنك، وفي آخرٍ قد حُجبَت أسبابه عنك وقد يُسِّر لك!

‏فإنْ الطّمأنية التي تحصل لك من الحال ليس كاليقين الذي تَناله من صِدْق المقال!

"أنا مقدر على الوصل الهزيل وخاطري مخنوق
وأصابعنا مع الغيبه نست وشلون تتشابك

عطيتك دمعةٍ تخفى ولا تظهر على مخلوق
وسترت الحزن في صدرٍ تحداني وهلّا بك

على مهل اللقاء باقي زمان بغيبتك مسروق
وبقايا عطري المجفي زمن تلقاه بثيابك

كثر ماخابت الهقوه سنين وماتحب تروق
أنا خسران لو أنه طموحي أكسب أعجابك

أنا آسف على عسف الشعور وقسوة المنطوق
يد التلويح لا ترقب صداها يطرق أبوابك

ترا أحبابك على موعد، وأنا ماني بناقص ذوق
عسى الله يستر جروح الزمان ويحفظ أحبابك".

"ماجيت أسمّعك الكلام اللي تبيه
‏جيت أودِع الذكرى القديمة فـ اللحد

‏خل الكلام الحاد والرأي الوجيه
‏يمكن يكون الاعتراف أقسى وأحد

‏ماكنت وجه وبس من ضمن الوجيه
‏إنسان عاهدني على شيء وجحد

‏أنت الشعور اللي ماقد حسيت فيه
‏وأنت الكلام اللي ماقد قلته لـ أحد".