‏أشد العتب هو اللي يقتلك دون شتيمة أو شرهة أو استنقاص ، مثل ابن عياد يوم قال لرفيقه:
‏"لك عِدّة أيّام ما تطري على بالي"
‏هذا العتب وان كان مُهذّب إلا أنه قتّال

‏مافيه داعي نذكر اللي فات ونعيد الكلام
‏لو منت مثل عيوني الثنتين ما هميتني

‏بيّنت لك ضعفي و انا ماني بحب الأنهزام
‏و حنّيت روحك من مشاريهي ولا حنّيتني

كيف أخبي الجرح لا طوّل سكوتي
‏وأتظاهر بالفرح لا من بغيت

‏وأمي تعرف الحزن بأطراف صوتي
‏ونجد تعرف ضيقتي لا من سريت !

"الا يالزمان المقبل إقبل علي بزين
أنا سايلك بالله لا تلحق على الباقي

أنا من قبل يومين وأكثر إلين الحين
لا عينّت لي مخرج ولا زانت أخلاقي !

غدا كل شيء فـ العين ماعاد يملا عين
ولا عاد والله عندي في لحية أرزاقي

أدوّر شتات أوراق ضاعت قبل عامين
وأنا يالله ألقاني قبل أدور أوراقي

خريطة حياتي وقفتني على سيدين
تحيّرت كن القيد فـ يدي وفي ساقي !

أنا عارف أن الصمت إبن سته وستين
ما أعده من أعدائي ولا ضمن عشاقي

لكن حالفٍ بالله ثلاث وقطعت يْمين
ما أعوّد على دربٍ نثر صافي أحداقي

أنا مامعي وجهين ولا ألعب على الحبلين
واذا جيت أعاتب شخص أعاتبه بفراقي

أغيب بهداوّه .. لين حتى الامور تزين
مع كامل الحب ومع خالص أشواقي

اذا الله كتب نرجع سوا زينٍ على زين
واذا عادك بتبقى كذا كمّل الباقي".

"راح أكثر العمر مابين السفر والقصيد
‏مع كل طاري يغافلني أسوق قدمي

‏واليوم ماعادني الاوّل ولا به جديد
‏ياوجد روحي على المسرى ووجد قلمي".

" ان ‏كان ماجابك ضميرك من غلاي،
‏الله ( يرحم والدينك ) لا تجي "

" ليت قلبيّ يتعض "

"ودها لا كرّبت تنخى عتيبة .. ياعتيبة"

‏يابالي .. الذكرى تهون أحزانها
‏تشبه كثير الدم في مجرى الوريد

‏من قال مسراها لـ بالٍ خانها ؟
‏مساري النسناس لغصون الجريد

‏بعض السنين أقدر على خذلانها
‏وأنسى لياليها وأنا اللي مستفيد

‏وبعض السنين أسهل بدل نسيانها
‏أني أموت .. ويولدوني من جديد !

على الهدب كيف أتوارى عن الشوف ؟
كنك السراب .. اللي عثى بـ الصحاري

دونك مشاوير ومتاهات وحتوف !
وليلٍ حلوك .. وذكريات ومساري

كم ساقني لك قدرك اللي ورا الجوف
وليتك عن اللي ورا الجوف داري

ماني على هذي المُعاناة مكلوف
وماكان هذي رغبتي وإختياري

واقف على سفح المقابيل وأشوف
ضوح الحتوف ووقفتي وإنهياري

جفّت عروق الذاكرة خوف وظروف !
ومنهو يرد من السنين إعتباري ؟

وجه أعرفه .. بس ماعاد مألوف
كنه تلاشى في سديم الطواري !

كم ليلةٍ جيت فيك ورحت منّك غريب
‏ يا شين طعم التغرّب .. في ربوع البلاد !

( ماني براعية تالية ياراعِ الأوله )

ماغبني في زماني سوا مخلف وعود
‏واحدٍ حطيت فيه الثقه واثره ردي

‏يوم شبعته وفاء شفت منه البيض سود
‏بعد ما داويت جرحه وانا جرحي ندي

‏غرني منسب خواله وعمه والجدود
‏مادريت ان به رديين من صلب اجودي !

والسلوم تردنا والعوايد .. والقيّود
عن بعض الاشياء وياسود الايام اشهدي !

صدري اللي يشيل الجروح .. ليه باقي يشيلك !
شكل كثر الجروح ما كفّته ، اخ

ابي ابكي عشان ارتاح ، لكن حتى الدمع استكثر انه يطيح عليك .. تخيل !

"ياليت الله خذاني قبل لا تدري إني جاي
ولا تسمع رجا قلبٍ شراك وجدد البيعه

حبيبي وشلون أنادي وأنت ماتدري عن مناداي !
وأنا أدري وش يمر بخاطرك حتى قبل ذيعه

تصد بعز .. ماكانت بك الهقوّه مصير دعاي
وتبعد عن مرابيع الغرام وعن مواضيعه !

أحبك، ضلعٍ أجوف عاشت سنينه برجوى ناي
ولا تدري حزن هالكون واحد من أصابيعه !

تأكد .. وإن تغناك الحنين اللي على ليلاي
أنا أطهر ماهطل شوقك على خيرة مرابيعه".