صار أكثر حكانا مشاريه وعتاب ،
وصار التواصل بس لاصار فاقه
وصار الزعل من بينا ماله أسباب
وعلى الرضى ماعاد للقلب طاقه
وقلت سوالفنا عقب ذاك الاسهاب
وراح التودّد واصطناع اللباقه !
طاحت مناعة حُبنا والغلا شَـاب
( وهذه مواري قرب موت العلاقة ! )

الى متى وانا اتسامح واخفي الوجه الحزين،
والى متى عوجاك تتمرّد على سماحتيّ !

عطيتك الجنّه لجل تهنى بجنة عاشقين
وتركت كل اطيابها وأكلت من تفاحتي ..

انا رسمتك حلم يزهى لوحتي طول السنين
( ومثل ماهذه ريشتي هذه بعد مسّـاحتي )

ماقويت أنسى محبتك .. والله ماقويت
كيف أبقوى وأنت في حلم نوم تمرني؟

والله إني في قطاعة وصالك ما أهتنيت
مادريت إن الجفّى له عذاب إيضرني ،

لبتدى ليلي وأنا مع قصيدي أبتديت
وبتدى باب الحزن والجروح التجرّني

وقبلت ذكراه وأنا أحسبني قد سليت
لعنبو ذكرى … تجي ماتبيّ تسرني

‏عليك العوض ياقلب ماجيتني بقصور
‏تهقويت في شخصٍ ماهو قد هقواتي ..

"عطيتك كل ماتملك يديني مابقى مذخور
‏ولكن خاب ظنّ اللي قضى عمره وهو هاقي".

ً

‏كان الأمل فـ مواجهي له توّقف
‏عليه مايوقف شعوري وهو غير

‏ماكان لي قبله مع الحب موقف
‏ولا كان لي قصّة حزينه مع مطير ..

" كيف نركع للمقفي فالحياة وحنا
‏ما ركعنا للمقفي في صلاة الميّت؟ "

رحت أدوج وادفِن خيبتي وامْخَش ضميري /
واتفيّا في ظلال السهو عن قيظ الندامة ..

ودي أعيش العمر كله بالإحساس ،
اللي أحسّه بعد ما أصلي الفجر 🤍.

"تفهّق الليل الأدلم و الهوا ساكن
و انا هنا يا سبب همِّي و تسهيدي".

"كل هالدنيا شوارع.. كل هالدنيا مقاهي
‏ماتصادفنا بشارع ولا شربنا كوب شاهي؟"

"تطيح الناس من عيني وأنا رغم الـ أفا واقف".

صباحية اليوم نثرت فيها اخر دمعة حب كانت تشيلك وطحت من قلبي معها …
" فمان الله ياحبٍ اخذ من عمري خمس سنين "

"سكت وطوّفت له جفاه وفعوله
الين ملّ السكات وفجّر شراييني".

بعنوان "حملت من جور العنا، فوق ما أطيق"
‏ولا زلت الوجه الضحوك

" إسهر بين ذكراك ودفا حلمك
‏ودل النوم لامرك .. على عيني

‏لين وجه الظلام يذكرك ظُلمك
‏ولين شمس الصباح تذكرك فيني".

من سالف الصمت والياس القديم القديم
‏من منطلق كل كلمه مقدر أقولها

‏مافات غير الحياه بعين صبر الحليم
‏ولا هان غير القلوب الخِضر وحمولها

‏ياليت للحظ وقفه فالمصير العتيم
‏ماكان شحّت لنا الفرحه بهملولها

‏لو يعرف الوقت وش معنى الفرح والنسيم
‏ماشان وجه الدروب بوجه مجهولها !