عسى هالصبح يلفي بخير ويكون الامل فيه متواصل ويتحقق مارجيته وخططت له.

"عوّد لو إن الجرح فيني .. ومنّي
‏البعد .. ماوفّى لـ نفسي غرضها

‏لو كنت مستمتع فـ غيبتك عنّي ؟
‏ماصارت الايام .. تشبه بعضها".

خب دمعك عن وجيه الناس دمعك مايفيد
‏لو يفيد الدمع جابك سيل ما وقف وراك
‏يسألوني ليه وش صاير؟ وش العلم الأكيد؟
‏وانا لو اعرف علومك ماصدمني مستواك
‏أيييه يا الحب الحقيقي و النهائي و الوحيد
‏بعتني برخيص؟ ولا غيري بقيمه شراك؟
كنت احسبك لـ الثقيل وكنت اعدّك لـ الشديد
‏وكنت اشوف العمر كله في سعادتك ورضاك
‏كنت في طوعك و تدبيرك والبّي لك واعيد
‏من عيوني، حاضر، ابشر، تم، يا جعلي فداك
‏لو تروح من الاماكن والاغاني والقصيد
‏وين ترحل من دفا حضني ليا هزك بكاك؟
مانفعني طيب قلبي فعلك بـِ قلبي شهيد
‏ولو نفعني زين وجهي ماخذاك اللي خذاك
‏من جعل قلبك حبيبي قاسي وصلف وعنيد؟
‏من قدر يدفن طهر طيبك ويظهر لي رداك؟
‏كنت غالي تعرف الغالي ولا يغويك كيد
‏حسبي الله لـ آخر الدنيا على طعنة جفاك
ليت قلبي مثل قلبك واعتبر فرقاك عيد
‏كان ماوقف معك ضدي وبرّر لي خطاك
‏دامك اخترت الفراق وكنت مرتاح وسعيد
‏بكره تدور الدّواير فيك وتلاقي جزاك
‏خَب دمعك والله انه لايسر ولا يفيد
‏يكفي ان الله معاي ويكفي ان ماني معاك :(

"تغاضى قد ما تقدر ما دام إن العمر محدود
ولا تحزن على الفايت، رحاب الأرض ممدوده"

مانفعني طيّب قلبي .. فعلك بـ قلبي شهيد
‏لو نفعني " زين وجهي " ما خذاك اللي خذاك.

‏يشهد عليّ الباب والبوَّاب ومناوب النوبة اني حاولت،
‏لكن المردود ماهو على قد العطا.

ِ

بقلبي قصايدكم واختياراتكم 🤍🤍🤍🤍.

"على وجهٍ تحب الناس جياته .. ولا ينمل
مضی فجرين وأفكاري تلّم وتحضن أبياتي

يضيع الإتجاه من الظلام اللي غشى وأدل
على مشرق صباحاتك دروبي وإتجاهاتي

تراك المشكلة اللي مالها حل وتراك الحل
وتراك أنت إنكسار عداي وأنت جروح شماتي

أخاف لوهلة تصير الخلل من بعد ما أنت الخل
وينساق الحزن لا صد قلبي وإنكسر ذاتي

حبيبي جابك الله عن شموس الكارهين الظل
أضيّع لجلك سنيني وأسابيعي وساعاتي".

‏"تعبت أمد الصوت في صمت إمتلى بالتايهين
‏وتعبت أدوّر لـ الجواب اللي خنق هـ الأسئلة

‏عايش على قيد الأمل ماني على قيد اليقين
‏أكبر من الأحلام وأصغر من غموض المرحلة".

النظر لقطر المطر ببرود وهدوء جرح ،
للبنت اللي كانت تحت المطر رقصاتها.

"الى يومك وأنا هادي مغمض مافتحت شفاه
على نفسي ومن نفسي عليها أنطفي وأشتب

أنا لله أحب الناس .. وأكرهم كذا لله
حسافه ليتني لله منهم .. أنكره وأنحب

كسوني ثوب جردني من أحلام الطفوله ياه
كبرت ! وذاك في صدري الى البارح وهو يلعب

خذوني طفل ماكدَّت أماني شعرهم لولاه
رموني صبّ متهالك ، مشرّد شاعر وأعزب !

يايمه قولي إن قالوا نبي قربه عشان الله
عشان الله خلوني تراني من بعيد أقرب

أنا بي جرح مدري مين أبوه وليه ماسمّاه ؟
أنا لي وجه خلاّه الجفاف السرمدي أشهب

عليه أعتب إذا شفت الوجيه من الوجيه أشباه
أعرفه يستحي مثلي ومن مثله عليه أعتب

عشان أرتاح قلت أشطب فصدري بالكتابه أه
كأني ماشطبت وماكتبت إلا عشان أتعب".

‏القهوه اللي تقلّب طعمها الذكريات
‏من فقدك المرّ ولا المرّ من بنّها .

حسبت إني قمر ليلك ، وأثر شوفك تعدّاني.

عرفت إن لو جفافك يسكن بْوجهك ثلاث فْصول
‏بقى وجهك ربيع .. و رمش عينك سيفٍ تْسله

‏تميل بْعودك المبري وانا كل ما لعب مجدول
‏اجوّد قلبي المهياف .. اخاف اطلع من المله

كفر قلبي بغيرك يوم زولك ما يعوضه زول
‏لأنك لو سقيته كوثرك، بيقول ياااااااااا قلّه

علّمني النسيان كيف اتذكّر
‏بين الصور والأخيلة والأماني

‏كنّك ورى بسمتك .. طيرٍ محذّر
‏كلْ ماقتربت ارتاب صوت الاغاني