"‏منت لاقي مثل درّي و ياقوتي
‏و روحي اللي بذاكرتك مخلدها
‏فارقه كلمة احبك على صوتي
‏صعب حتى صدى صوتي يقلدها"

‏فمان الله ادري ما وراها غير نزف جروح
‏وترحال الضياع اللي على الاطلال يبكيني

‏فمان الله ياجمر الكفوف وصوته المبحوح
‏يانظرات الوداع اللي على الفرقا تواسيني

‏فمان الله ياللي من بعدك احيا وانا مذبوح
‏وضيعت الكلام إلا .. " دخيلك لا تخليني "

‏نشيب و رموش الليالي ما تشيب
‏و نعفّ و صدوف الليالي ما تعفّ
‏كم خاب ظنٍ كنت أظنّه ما يخيب
‏و كم باروا الأصحاب فينا للأسف

‏- مساعد الرشيدي ♥️

‏"أيامه السود خلّت قلبه الأبيض
‏يصد عن كل حاجه خاطره فيها"

‏بتزين اللياليٌ ونتلاقى على التيسير
‏نسولف تحت قمرا التعاليل و نغنّي.

خيبة ورا خيبة خيبة ورا خيبة .. إلى متى ؟

والله يا اصحاب من قساوة الشعور ما أرضاه حتى على عدوّ، لما تعيشون تحت خيبة هالتساؤل:
" يعني على كثر الغلا اللي جاه ماسدّه؟ "

توصيات كثيرة مرت عليك كقصائد
‏لكن: " لا تخلّيني تراني ما أتخّلا "
‏خذها على محمل الجد دائمًا.

اثاريني احرث بذور ارضٍ ماهي ارضي !
ياخيبة الهااااقي صدق.

وجودي على شوفه وداره وزين احكاه
وجودٍ تحطّم صلب الأضلاع من دونه

ناسٍ تخطي عليها وتنسى خطاياك،
___وناس تشقى لجل تركبك الخطايا.

كنت استغرب دائمًا ليه يربطون الشوق بالاهتزاز ؟
مثل " هزّني الشوق إليك "
اكتشفت ان معنى كلمة " هزّ " هنا :
( أَثَّر تَأْثيرًا شديدًا وأَحْدَث اضْطِرابًا نَفْسيًّا قَويًّا )
آه من روعة اللغة العربية يا أصدقاء

‏" تمادى بيّ جفاف الماء و أنا ابني من حنيني بيت ، أدوَر قلب يشبهني ومر العمر ما نلّته ! "

‏تزعلني . . وأنا ما يوم زعلتك ؟
وترحل دون سبَّه كنِّي المخطي
َ
وأنا اللي رغم تقصيرك تحمَّلتك
كثر ماكنت أجي للموعد ، وتبطي
َ
لك الله لو تقفِّي ما توسلتك
مثل ما جابك الله .. الله المعطي .

‏ألا يا طيب العشره صبرنا لك عدة شهور
______‏ولا قلنا ولا نلنا ولا "بانت حراوينا"
‏( بنينا لك بوسط القلب بيتٍ مايحدّه سور
‏وتركت البيت واهل البيت ما كنك مخاوينا )
‏وشيّدنا لك الدنيا عماير حُب .. ثم قصور
‏وعرفنا إنك تبي الفرقا وتبي تخيِّب هقاوينا .

من البارح ، وانا بين الكلام وصمتي المعهود
‏احرر لك عبارات المعاتب : وارجع اسجنها

‏حبيبي ي اكبر اطفال المشاعر واخر العنقود
‏تحت عيني كبرت ، ووسط قلبي تامر وتنهى

‏ماحز بخاطري : غير الكلام الجارح المقصود
‏لو انها " رميةً من غير رامي " ماعلي منها

‏على راحتك ماعاد في المقبلات جروح
____‏فلا للزعل طاري ولا للعتب مرسى
‏تراني ما احب اللي بكيفه يجي ويروح
‏__ولانيب احب اللي يسامح ولا ينسى .

‏"ولأن الجرح له قيمه ، تعادل قيمة الجارح
‏قدرت أسامح عداي/وعجزت أسامح أصحابي"

‏" هذا حقك علي وهذا حق هقواتي
‏على أوهامي "
‏- نهاية مشوار .

تموت اللهفه وعذر الغياب اللي أخافه ظروف
‏وانا مالي سوى وينك ..وامانه لا تخليني !