◼ အကြမ်းဖက် စစ်အုပ်စုကို ထိုင်းအစိုးရ အနေနဲ့ စစ်ဘက်ဆိုင်ရာ ပစ္စည်းများကူညီထောက်ပံ့ခြင်း လုံးဝမလုပ်ရန် အာဆီယံ အရပ်ဘက် အဖွဲ့ အစည်း ၂၁ ဖွဲ့တောင်းဆို

◼ မြန်မာဘက် တိမ်းရှောင် လာသူများကို ထိုင်းအစိုးရဘက်က လက်ခံပေးဖို့ အရပ်ဘက် ၂၁ ဖွဲ့တိုက်တွန်း

ဇူလိုင်(၄)ရက် | နွေဦးအသံ |

အကြမ်းဖက် စစ်အုပ်စုကို ထိုင်းအစိုးရအနေနဲ့ စစ်လက်နက်ခဲယမ်း မီးကျောက်ပစ္စည်းတွေနဲ့ လေယာဉ်ဆီတွေကို တိုက်ရိုက်ဖြစ်‌စေ၊ သွယ်ဝိုက်‌ သောနည်းဖြင့်ဖြစ်စေ ရောင်းချခြင်း ကူညီပံ့ပိုးခြင်းများ လုံးဝ မပြုလုပ်ရန် အာဆီယံ အရပ်ဘက် ၂၁ ဖွဲ့က ဇူလိုင် ၃ ရက်မှာ တောင်းဆို လိုက် ကြောင်းသိရသည်။

စစ်အုပ်စုရဲ့ အကြမ်းဖက်လုပ်ရပ်တွေကို ထိုင်းအစိုးရ အနေနဲ့ ရပ်တန့်အောင် မလုပ်ဆောင် နိုင်တာကိုလည်း အာဆီယံ အရပ်ဘက် ၂၁ ဖွဲ့က ပြစ်တင်ရှုတ်ချလိုက်ပါတယ်။ ဆက်လက်ပြီး မြန်မာနိုင်ငံက တိမ်းရှောင် ခိုလှုံလာသူတွေကိုလည်း ထိုင်းအစိုးရဘက်က မောင်းမထုတ်ဘဲ လက်ခံ‌ပေးထားရန် အရပ်ဘက် အဖွဲ့ အစည်း ၂၁ ဖွဲ့က တိုက်တွန်း ထားပါတယ်။

ဒါ့အပြင် ထိုင်းအစိုးရ အနေနဲ့ မြန်မာပြည်သူတွေကို လူသားချင်းစာနာမှု အကူအညီတွေ နယ်စပ်ဖြတ်‌ ကျော်ပြီးပေးမယ့် ဆောင်ရွက်ချက်တွေမှာ ပူးပေါင်းပါဝင်ဖို့ကိုလည်း ထုတ်ပြန်ချက်မှာ ဖော်ပြထားပါတယ်။

အာဆီယံဘုံသဘော တူညီချက် ၅ ရပ်ကိုလည်း အကြမ်းဖက် စစ်အုပ်စုဘက်က လိုက်နာအကောင်အထည်ဖော်ရန် ထိုင်းအစိုးရအနေနဲ့ အာဆီယံဘက်က ကူညီဆောင်ရွက်ပေးဖို့ လိုအပ်ကြောင်း တိုက်တွန်းထားသည်။

ထိုင်း-မြန်မာနယ်စပ်မှာ အကြမ်းဖက် စစ်အုပ်စုက MIG-29 တိုက်လေယာဉ်များဖြင့် ပစ်ခတ်တိုက်ခိုက်ခဲ့လို့ အရပ်သားပြည်သူတွေ ထိခိုက်ဒဏ်ရာရရှိမှုများဖြစ်ပွားခဲ့ပြီးနောက် ထိုင်း၊ မလေးရှားနဲ့ မြန်မာ ပါဝင်သည့် အရပ်ဘက် ၂၁ ဖွဲ့က ပူးတွဲကြေညာချက်ထုတ်ပြန်ကာ ထိုင်းအစိုးရကို ယခုကဲ့သို့ တောင်းဆို လိုက်ခြင်းဖြစ်သည်။

©ကျော်ဇေယျ
ဓာတ်ပုံ ၊ ထိုင်းစစ်တပ်မှ လုံခြုံရေး ယူထားသည့်မြင်ကွင်း
ကိုးကား | RFA
https://t.me/VOStelegram
https://youtube.com/c/TheVoiceOfSpringTV
#thevoiceofspring

◼ အသက်၅၀ကျော် NLDပါတီဝင်၂ဦးကို အကြမ်းဖက် စစ်အုပ်စု ဖမ်းဆီး သတ်ဖြတ်
◼ အကြမ်းဖက် စစ်အုပ်စုက ဖမ်းဆီးထားတဲ့ ဘီးလင်းပြည်နယ် လွှတ်တော်အမတ် ၁၃ရက်ကြာသည်အထိ မိသားစု နှင့် အဆက်အသွယ်မရ

ဇူလိုင်(၄)ရက် | နွေဦးအသံ |

မွန်ပြည်နယ်၊ ဘီလင်းမြို့နယ် အမျိုးသားဒီမိုကရေစီအဖွဲ့ချုပ်ပါတီ (NLD) ရဲ့ အသက်၅၀ကျော် ပါတီဝင် ၂ဦးကို အကြမ်းဖက်စစ်အုပ်စုက ရက်ရက် စက်စက် ဖမ်းဆီး သတ်ဖြတ်ခဲ့တယ်လို့ ဒေသခံတွေရဲ့ ပြောဆိုမှုအရ သိရပါတယ်။

ပြီးခဲ့တဲ့ ဇွန်၂၂ရက်က ဘီးလင်းမြို့နယ်၊ ပြည်နယ်လွှတ်တော်အမတ် ဦးကျော်မျိုးမင်းနဲ့အတူ စစ်အုပ်စုရဲ့ ဖမ်းဆီးခြင်း ခံလိုက်ရတဲ့ အသက်၅၀ကျော်အရွယ် ပါတီဝင်နှစ်ဦးရဲ့ ရုပ်အလောင်းတွေကို ဇူလိုင် ၂ ရက်မှာ ပြန် လည်တွေ့ရှိခဲ့တာဖြစ်ကြောင်းသိရသည်။

စစ်အုပ်စုရဲ့ သတ်ဖြတ်တာကို ခံလိုက်ရသူတွေကတော့ NLD ပါတီဝင်တွေဖြစ်တဲ့ အသက် (၅၅) နှစ်အရွယ် ဦးပန်းမြင့်နဲ့ အသက် (၅၂) နှစ်အရွယ် ဦးကိုကိုမောင်တို့ဖြစ်ပါတယ် ။

အကြမ်းဖက် စစ်အုပ်စုရဲ့ ဖမ်းဆီးခြင်း ခံထားရတဲ့ ဘီးလင်း ပြည်နယ်လွှတ်တော်အမတ် ဦးကျော်မျိုးမင်းနဲ့လည်း ယခုချိန်အထိ အဆက်အသွယ် မရရှိသေး ဘဲ ၎င်းကို မည့်သည့် နေရာတွင် ဖမ်းဆီးထားသည် ဆိုသည်ကိုလည်း မသိရှိ ရ သေး ကြောင်း မိသားစုဝင်တွေကစိုးရိမ်ပူပန်လျက်ရှိကြောင်းသိရသည်။

©ကျော်ဇေယျ
ဓာတ်ပုံ | မွန်ပြည်နယ်၊ ဘီလင်းမြို့ အဝင်မြင်ကွင်း
ကိုးကား | RFA
https://t.me/VOStelegram
https://youtube.com/c/TheVoiceOfSpringTV
#thevoiceofspring

◼ အကြမ်းဖက် စစ်အုပ်စုရဲ့ လေကြောင်းတိုက်ခိုက်မှုကြောင့် မုန်းမြို့နယ်ထဲက အပြစ်မဲ့ ပြည်သူ (၄)သောင်းဝန်းကျင် ထွက်ပြေးတိမ်းရှောင်နေရ

ဇူလိုင်(၄)ရက် | နွေဦးအသံ |

◼ မုန်းမြို့နယ်အတွင်း ကရင်စစ်ဘေးရှောင်တွေရဲ့ ကျန်းမာရေး နှင့် စားဝတ်နေရေးအခက်အခဲကြုံ‌တွေ့နေရ

ကရင်အမျိုးသား အစည်းအရုံးKNUထိန်းချုပ်နယ်‌မြေ၊ မုန်းမြို့နယ်အတွင်းက ကျေးရွာပေါင်း(၂၆)ရွာမှ အပြစ်မဲ့ပြည်သူ လေးသောင်းဝန်းကျင်သည်အကြမ်းဖက် စစ်အုပ်စု၏ လေကြောင်းမှ ဗုံးကျဲတိုက်ခိုက် ခြင်း ၊ လက်နက် ကြီးများဖြင့် ဒေသခံများရှိရာ ရွာများထဲသို့ ရမ်းသမ်း ပစ်ခတ်နေခြင်း တို့ကြောင့် ဒေသခံပြည်သူများ ထွက်ပြေးတိမ်းရှောင်နေရကြောင်းကို KNU ဗဟို က ဇူလိုင်၃ရက် နေ့ နေ့စွဲ ဖြင့် ထုတ်ပြန်ထားကြောင်းသိရသည်။

မုန်းမြို့နယ်အတွင်းရှိ အကြမ်းဖက် စစ်အုပ်စု၏ တပ်စခန်း ၅ ခုကို တပ်မဟာ(၃) ကရင်အမျိုးသားလွတ်မြောက်ရေး ပူးပေါင်းတပ်ဖွဲ့က ဇူလိုင်၂ရက်မှာ တိုက်ခိုက်သိမ်းပိုက်ပြီးသည့်နောက် အကြမ်းဖက် စစ်အုပ်စုဘက်က လေကြောင်ဖြင့် ဗုံးကျဲခြင်း ၊ လက်နက်ကြီးများဖြင့် ရွာတွင်းသို့ ရမ်းသမ်း ပစ်ခတ်ခြင်း အစရှိသည်များကို ရည်ရွယ်ချက်ရှိရှိလုပ်ဆောင်နေကြောင်းသိရသည်။

ယင်းအပြင် ကော့ပြင်းကျေးရွာ၊ကြောင်ပြာကျေးရွာနဲ့ ပနာဝါးပလော ကျေးရွာ၊ နိုခိုထီးကျေးရွာ တွေကို အကြမ်းဖက် စစ်အုပ်စုက လက်နက်ကြီးနဲ့ ဆက်တိုက် ပစ်ခတ်ခဲ့ပြီး အောင်းလောင်းစိန်ရွားသား (၂ )ဦး ကိုလည်း အကြမ်းဖက် စစ်အုပ်စုက ဖမ်းဆီးနှိပ်စက် ခဲ့ကြောင်း KNUဗဟိုရဲ့ ထုတ်ပြန်ချက်တွင် ဖော်ပြထားသည်။

အကြမ်းဖက် စစ်အုပ်စုရဲ့ ရည်ရွယ်ချက်ရှိရှိ တိုက်ခိုက်မှု တွေကြောင့် ထွက်ပြေး တိမ်းရှောင်နေရတဲ့ ကရင်ပြည်သူ (၄) သောင်းဝန်းကျင်တွင် အမျိုးသမီးများ၊ကလေးသူငယ်များ နှင့် သက်ကြီးရွယ်အိုများ အများဆုံးပါဝင်‌ နေပြီး စားဝတ်နေရေးနဲ့ ကျန်းမာရေး အခက်အခဲတွေ ကြုံတွေ့ နေရကြောင်းသိရသည်။

©ကျော်ဇေယျ
ဓာတ်ပုံ | ကရင်စစ်ဘေးရှောင် ပြည်သူများကိုတွေ့ရစဉ်။
𝗞𝗮𝗿𝗲𝗻 𝗡𝗮𝘁𝗶𝗼𝗻𝗮𝗹 𝗨𝗻𝗶𝗼𝗻 (KNU)
ကိုးကား | KNU
https://t.me/VOStelegram
https://youtube.com/c/TheVoiceOfSpringTV
#thevoiceofspring

◼ သထုံမြို့ နယ်အတွင်းက နေအိမ် (၆၁)လုံး၊ဘုန်းကြီးကျောင်း နှင့် ကျေးရွာစာသင်ကျောင်းကို အကြမ်းဖက် စစ်အုပ်စု မီးရှို့ဖျက်ဆီး

ဇူလိုင်(၄)ရက် | နွေဦးအသံ |

◼ ဘုန်းတော်ကြီးတပါး ၊မသန်စွမ်း တဦး အပါအဝင် အပြစ်မဲ့ ပြည်သူ (၃)ဦးကို စစ်အုပ်စု ရက်ရက်စက်စက်သတ်ဖြတ်

အကြမ်းဖက် စစ်အုပ်စုသည် ပြီးခဲ့သည့် ဇွန် (၂၅) ရက်နေ့က ၊ ကရင် အမျိုးသားအစည်းအရုံး KNU ထိန်းချုပ်နယ်မြေ၊ သထုံမြို့နယ်မြေအတွင်းရှိ
ထုံးဘိုလေးကျေးရွာကို မီးရှို့ ဖျက်ဆီးခဲ့ကြောင်းသိရသည်။ ယင်းသို့ မီးရှို့ ဖျက်ဆီးမှုကြောင့် လူနေအိမ် (၆၁)လုံး၊ ဘုန်းတော်ကြီးကျောင်းအပါအဝင် ကျေးရွာစာသင်ကျောင်းများ ပျက်ဆီး ဆုံးရှုံး ခဲ့ ကြောင်း KNUဗဟို က ထုတ်ပြန်ထားကြောင်းသိရသည်။

သေဆုံးသူများမှာ အသက် (၃၉) နှစ်အရွယ် ခြေထောက်တစ်ဖက်မရှိသည့် မသန်စွမ်း စောဆာမူး၊ အသက် (၅၅) နှစ်အရွယ် စောမောင်လူပျို နဲ့ သက်တော် (၅၄) နှစ်ရှိ ဦးဇင်း တီးထို့ပဝီးတို့ဖြစ်ကြောင်းသိရသည်။ သေဆုံးသူ(၃) ဦး ဟာပြီးခဲ့သည့် ဇွန် (၂၅)ရက်နေ့ ကစတင် အဆက်အသွယ်မရပဲ ပျောက်ဆုံးနေတာ ဖြစ်ကြောင်း ထုတ်ပြန်ချက်မှာ ဖော်ပြပါတယ်။

ထုံးဘိုလေးကျေးရွာကို မီးရှို့ဖျက်ဆီးခြင်း နှင့် ဒေသခံပြည်သူတွေများကို အကြမ်းဖက် သတ်ဖြတ်ခဲ့သည့် အဖွဲ့မှာ အကြမ်းဖက်စစ်တပ်၏ တပ်မ (၄၄)၊ တပ်မ (၂၂) လက်အောက်ခံတပ် များ အပြင် ၊(BGF)ပူးပေါင်းတပ်များကပါ ပါဝင် သတ်ဖြတ်ခဲ့ ကြောင်း KNUဗဟိုရဲ့ ထုတ်ပြန်ချက်အရ သိရပါတယ်။

©ကျော်ဇေယျ
ဓာတ်ပုံ | အကြမ်းဖက်စစ်တပ်၏ နေအိမ်များကို မီးရှို့ ဖျက်ဆီးထားမှု မြင်ကွင်းများ။
𝗞𝗮𝗿𝗲𝗻 𝗡𝗮𝘁𝗶𝗼𝗻𝗮𝗹 𝗨𝗻𝗶𝗼𝗻 (KNU)
ကိုးကား | KNU
https://t.me/VOStelegram
https://youtube.com/c/TheVoiceOfSpringTV
#thevoiceofspring

◼ရာဇဝင်ကို
ငါတို့ အသက်နဲ့ ရေးထိုးတယ်

လူထုထံမှောက်
အာဏာပြန်ရောက်ရမယ်လို့
ပေါက်ဖေါ်က ဆော်သြသလို
အာဆီယံက မျှော်မောနေတယ်။

၂၀၀၈ အပင်းကို
ပြန် အသက်မသွင်းကြနဲ့
တို့ ပြည်သူ တက်နင်းလို့
ပျက်ယွင်းခဲ့တာ ကြာပြီ ။

အမြင်အကြားမှာ
ဒီလောက် ထင်ရှားနေတာကို
ဘယ်လိုတရားနဲ့
ရင်ကြားစေ့ပါလို့ ပြောနေတာလဲ ။

နှစ်ထပ်ရှိမှ
မှတ်မိအောင် ထပ်ပြောလိုက်မယ်...
တပ်ကိုတော့ မဆုတ်ခိုင်းဘဲ
အရပ်ကိုပဲ ရုပ်ခိုင်းနေတာ
ဘာသဘောလဲ ။

အာဆီယံလည်း
ကြားခံ မစတေးနဲ့...
ပေါက်ဖေါ်ကြီးလည်း
ကျားကန် မပေးနဲ့
ပြည်သူတွေမှာ အားမာန်စွေးလို့
ဓားရေးလှံရေး ပြင်ထားတယ်။

©ဒေါင်းသွေး
နွေဦးအသံ ||| ကဗျာကဏ္ဍ
#thevoiceofspring #poem

◼ တိုင်းပြည်အာဏာကို ပြည်သူတွေလက်ထဲ ပြန်ထည့်နိုင်ဖို့ တရုတ်နှင့်အာဆီယံ ပူးတွဲ၍ တွန်းအားပေးမည်

ဇူလိုင်(၄)ရက် | နွေဦးအသံ |

တရုတ်နိုင်ငံ နိုင်ငံခြားရေးဝန်ကြီး ဝမ်ရိနဲ့ ကမ္ဘောဒီးယားနိုင်ငံ ၊ နိုင်ငံခြားရေးနဲ့ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး Mr. Prak Sokhonn တို့ ဇွန်(၃)ရက်က ပုဂံမြို့မှာ တွေ့ဆုံပြီး ပတ်သတ်ပြီး တရုတ်နိုင်ငံရဲ့ မျှော်လင့်ချက်သုံးရပ်ကို အလေးပေးပြောကြားခဲ့ကြောင်း မြန်မာနိုင်ငံဆိုင်ရာ တရုတ်သံရုံးရဲ့ ထုတ်ပြန်ချက် အရ သိရပါတယ်။

ပထမအချက်ကတော့ ဖွဲ့စည်းပုံအခြေခံဥပဒေနဲ့ ဥပဒေမူဘောင်တွေထဲကနေ မြန်မာ့နိုင်ငံအရေး ပြန်လည်သင့်မြတ်ဖို့ တရုတ်နဲ့ အာဆီယံ ပူးတွဲ တွန်းအားပေးလုပ်ဆောင်ဖို့အတွက် တရုတ်နိုင်ငံဘက်က မျှော်လင့်တယ်ဆိုပြီး ထုတ်ပြန်ချက်မှာ ဖော်ပြပါတယ်။

ဒုတိယအချက်မှာတော့ မြန်မာနိုင်ငံရဲ့ ဒီမိုကရေစီအသွင်ကူးပြောင်းရေးလုပ်ငန်းစဉ် ပြန်လည်စတင်နိုင်ပြီး တိုင်းပြည်အာဏာကို ပြည်သူတွေလက်ထဲ ပြန်ထည့်ပေးနိုင်ဖို့ တရုတ်နဲ့ အာဆီယံ အတူတွန်းအားပေး လုပ်ဆောင်မယ်လို့ ပါရှိတာပါ။

တတိယအချက်ကတော့ အာဆီယံက “အာဆီယံနည်းလမ်း” ကို လက်ကိုင်စွဲပြီး ပြည်တွင်းရေး ဝင်ရောက်စွက်ဖက်မှုမရှိဘဲ ပေါင်းစပ်ညှိနှိုင်းရေးမူဝါဒနဲ့ အာဆီယံရဲ့ “တူညီဆန္ဒငါးရပ်”（five-point consensus）ကို အပြုသဘောဆောင် အကောင်အထည်ဖော်သွားမယ်လို့ သိရပါတယ်။

©ကျော်ဇေယျ
ဓာတ်ပုံ | အာဆီယံအထူးကိုယ်စားလှယ်နှင့် တရုတ်နိုင်ငံခြားရေးဝန်ကြီး
https://t.me/VOStelegram
https://youtube.com/c/TheVoiceOfSpringTV
#thevoiceofspring

◼ NUG Pay ကို (၄၈)နာရီ စမ်းသပ်အသုံးပြု၍ လှူဒါန်းခြင်းဖြစ်

ဇူလိုင်(၄)ရက် | နွေဦးအသံ |

ဥကရစ်ထ စခန်းသိမ်းတိုက်ပွဲဆင်နွဲနေသည့် တော်လှန်ရေးရဲဘော်များကို ထောက်ပံ့ရန် NUG Pay အသုံးပြု၍ စမ်းသပ်ငွေလွှဲမှု အစီအစဉ်ပြုလုပ်ခဲ့ရာ (၄၈)နာရီအတွင်း ကျပ်ငွေ (၄၆)သိန်းကျော်ကို ကော်ပရာစစ်ကြောင်းက လက်ခံရရှိပြီး ဖြစ်ကြောင်း သိရသည်။

ဇွန် ၂၆ ရက်ကစတင်ပြီး အကြမ်းဖက်စစ်ကောင်စီ၏ ဥကရစ်ထစခန်းကို KNDO ၊ ကော်ဘရာစစ်ကြောင်းနှင့် PDF များက စခန်းသိမ်းတိုက်ပွဲ ဆင်နွဲနေခြင်း ဖြစ်သည်။

ဇူလိုင်(၄)ရက်တွင် ကော်ဘရာစစ်ကြောင်းက ဥကရစ်ထ စခန်းတွင်း အကြမ်းဖက်စစ်ကောင်စီ တပ်သားများ သေဆုံးနေသည့်ပုံကို ဒရုန်းနှင့်မှတ်တမ်းရိုက်ယူထားသည်များကို အသိပေးထုတ်ပြန်ခဲ့သည်။

©လင်းယုန်နွေ
ဓာတ်ပုံ | ကော်ပရာစစ်ကြောင်းဂုဏ်ပြုလွှာ
https://t.me/VOStelegram
https://youtube.com/c/TheVoiceOfSpringTV
#thevoiceofspring

◼ KNLA တပ်မဟာ (၅)နယ်မြေအတွင်းက AA တပ်စခန်း ကို အကြမ်းဖက် စစ်အုပ်စု လေကြောင်းဖြင့် ဗုံးကြဲ တိုက်ခိုက်

ဇူလိုင်(၄)ရက် | နွေဦးအသံ |

◼ AA တပ်ဖွဲ့ဝင်အချို့ ကျဆုံး

ကရင်ပြည်နယ် မြန်မာ-ထိုင်းနယ်စပ်အနီးတွင်ရှိသည့် KNLA တပ်မဟာ (၅)နယ်မြေအတွင်းက ရက္ခိုင့်တပ်တော် AA ၏ တပ်စခန်းတခု ကို
အကြမ်းဖက် စစ်အုပ်စုက ဂျက်လေယာဉ် (၂) စီးနဲ့ ဗုံးကြဲ တိုက်ခိုက်ခဲ့ကြောင်းသိရသည်။ ယင်းသို့ တိုက်ခိုက် မှုကြောင့် AA တပ်ဖွဲ့ဝင်အချို့ ထိခိုက်ကျဆုံး ခဲ့ကြောင်း ရက္ခိုင့်တပ်တော် AA ကထုတ်ပြန်ထားသည်။

ဇူလိုင် ၄ ရက် ၊နေ့လယ် ၁၂ နာရီခွဲ ဝန်းကျင်မှာ အကြမ်းဖက် စစ်အုပ်စုက လေကြောင်း ဖြင့် တိုက်ခိုက်ခဲ့ခြင်း ဖြစ်ပြီး ဆေးရုံဆေးခန်းနဲ့ အလုပ်ရုံအပါ အဝင် အဆောက်အအုံအချို့ ပျက်စီးဆုံးရှုံးခဲ့ကြောင်း AAရဲ့ ထုတ်ပြန်ချက်တွင် ဖော်ပြပါရှိသည်။

အကြမ်းဖက် စစ်အုပ်စုရဲ့ ဂျက်လေယာဉ် ၂ စီးသည် ဗုံးကြဲတိုက်ခိုက်ပြီးနောက် ထိုင်းနိုင်ငံ လေ ပိုင်နက် အတွင်းသို့ ဝင်ရောက်သွားခဲ့သည် ဟု AA ၏ ထုတ်ပြန်ချက် တွင် ဖော်ပြပါရှိသည်။

©ကျော်ဇေယျ
ဓာတ်ပုံ | AA သတင်းနှင့်ပြန်ကြားရေး
ကိုးကား | AA သတင်းနှင့်ပြန်ကြားရေး
https://t.me/VOStelegram
https://youtube.com/c/TheVoiceOfSpringTV
#thevoiceofspring

◼အကြမ်းဖက် စစ်ကောင်စီယာဥ်တန်း မိုင်းဆွဲတိုက်ခိုက် ခံရ ၊ စစ်အုပ်စု ဘက်မှဒုဗိုလ်မှူးကြီး အပါဝင်(၉) ယောက်သေဆုံး

ဇူလိုင်(၄)ရက် | နွေဦးအသံ |

အကြမ်းဖက် စစ်ကောင်စီ ၏ ယာဉ် (၁၀) စီးပါ ယာဉ်တန်း ကို KNLA နှင့် ပြည်သူ့ကာကွယ်ရေးတပ်မတာ်(PDF) အပါအဝင် ပူးပေါင်းတပ်များက ဇူလိုင် လ (၃) ရက်နေ့က ဘီးလင်းမြို့နယ် အတွင်း မိုင်းဆွဲတိုက်ခိုက်ခဲ့ရာ အကြမ်းဖက်စစ်ကောင်စီဘက်မှ ဒုတိယဗိုလ်မှူးကြီးတစ်ဦး အပါအဝင် တပ်သား (၉) သေဆုံးခဲ့ကြောင်းသိရသည်။

အကြမ်းဖက် စစ်ကောင်စီ ၏ ကား တစ်စီးမှာ မိုင်းတိုက်ရိုက်ထိမှန်သဖြင့် လုံး၀ပျက်စီးသွားခဲ့ကြောင်း NUG ကာကွယ်ရေးဝန်ကြီးဌာန က ထုတ်ပြန်ထားသည်။

အဆိုပါ အကြမ်းဖက် စစ်ကောင်စီ ယာဉ်တန်းသည် မိုင်းဆွဲခံရမှုကြောင့် စစ်ကြောင်း ရှေ့ဆက်မသွားတော့ဘဲ အစီအစဉ်များကို ဖျက်သိမ်းလိုက်ရကြောင်း သိရသည်။

ပြည်သူ့အာဏာကို မတရားသိမ်းပိုက် လုယူထားသော အကြမ်းဖက် စစ်ကောင်စီတပ်ဖွဲ့ နှင့် ၎င်းတို့ ၏ နောက်မြှီးဆွဲ များကို ပြည်သူ့ကာကွယ်ရေး တပ်မတော် (PDF) အနေဖြင့် သက်ဆိုင်ရာ မဟာမိတ်အဖွဲ့အစည်းများနှင့်လက်တွဲပြီးရင်ဆိုင်တိုက်ခိုက် ခြေမှုန်းလျက်ရှိသည်ဟု ထုတ်ပြန်ထားသည်။

©အောင်နွေထက်

ဓာတ်ပုံ | ပြည်သူ့ကာကွယ်ရေးတပ်မတော်သားများ ကို အမျိုးသားညီညွတ်ရေးအစိုးရ ယာယီသမ္မတ ဒူဝါလရှီးလ လာရောက် စစ်ဆေးနေစဉ်။

ကိုးကား | NUG ကာကွယ်ရေးဝန်ကြီးဌာန

https://t.me/VOStelegram
https://youtube.com/c/TheVoiceOfSpringTV
#thevoiceofspring

◼ဒီပဲယင်းမြို့နယ်မှာ ဒေသခံ PDF နှင့် စကစတို့ တိုက်ပွဲများ ပြင်းထန်လာနိုင်

ဇူလိုင်(၅)ရက် | နွေဦးအသံ |

အကြမ်းဖက် စစ်အုပ်စုက စစ်ကိုင်းတိုင်း၊ ဒီပဲယင်းမြို့နယ်၊ သိမ္ဘာရွာမှာ ဇူလိုင် ၄ ရက် ညနေ ၄ နာရီခွဲလောက်က ရဟတ်ယာဉ် ၃ စီးနဲ့ တပ်သား တွေလာချသွားတယ်လို့ ဒီပဲယင်း PDF အဖွဲ့ ထံက သိရပါတယ်။

အကြမ်းဖက် စစ်အုပ်စုက သိမ္ဘာရွာမှာ ရဟတ်ယာဉ်နဲ့ အင်အားဖြည့်တင်းသွားတဲ့အတွက် ဇူလိုင် ၅ ရက်ကနေ နောက်ရက်တွေအတွင်း တိုက်ပွဲတွေ ဖြစ်လာနိုင်တယ်လို့ ဒီပဲယင်း PDF အဖွဲ့ ခေါင်းဆောင်က ပြောပါတယ်။

လက်ရှိမှာတော့ အကြမ်းဖက် စစ်အုပ်စုက ကျွန်းတောကြီးနဲ့ ကျွန်းတောလေးရွာတွေမှာ တပ်စွဲ ထားလို့ လေးရွာ၊ ကျွန်းတောကြီးရွာ၊ ခြုံရွာ၊ ဘုတ်ထမ်းရွာ၊ အိုးထိိန်းကွင်းရွာ၊ ဆပ်ပြာကျင်းရွာ၊ ဘုတ်ရွာ၊ အိုးတင်ရွာ၊ ကြည်ရွာစတဲ့ရွာပေါင်း ကိုးရွာခန့်က ထောင်နဲ့ချီတဲ့ပြည်သူတွေ နေ့ရောညပါ ထွက်ပြေးတိမ်း ရှောင်နေရတာပါ။

လက်ရှိမှာတော့ ထွက်ပြေးတိမ်းရှောင်လာတဲ့ ပြည်သူတွေကို ဒေသခံပြည်သူ့ကာကွယ်ရေး တပ်ဖွဲ့တွေက လုံခြုံရေးယူပေးထားတယ်လို့သိရပါတယ်။

©ကျော်ဇေယျ
ဓာတ်ပုံ | Google စကစရဟတ်ယာဉ်
ကိုးကား | RFA
https://t.me/VOStelegram
https://youtube.com/c/TheVoiceOfSpringTV
#thevoiceofspring

◼ အဝေးထိန်း မိုင်း ဖြင့်ဖောက်ခွဲ ခံရ သဖြင့် အကြမ်းဖက် စစ်ကောင်စီ ဗိုလ်ကြီးအဆင့် (၁) ဦး ပြင်းထန်ဒဏ်ရာ ရရှိ

ဇူလိုင်(၄)ရက် | နွေဦးအသံ |

◼အကြမ်းဖက် စစ်ကောင်စီ တပ်သား (၂) ဦးသေဆုံး ကာ
အများအပြားဒဏ်ရာရ

ယနေ့ဇူလိုင်လ(၄)ရက်နေ့က အကြမ်းဖက် စစ်ကောင်စီတပ်များ တပ်ဆွဲထားသော ရေဦးမြို့၊ တိုင်းရင်းဆေးရုံအတွင်းသို့ အဆင့်မြင့် အဝေးထိန်း ဖောက်ခွဲရေး မိုင်းတစ်လုံးဖြင့် ဖောက်ခွဲတိုက်ခိုက်ခဲ့ ကြောင်း SNAKE EYES LPDF က သတင်းထုတ်ပြန်သည်။

အဆိုပါ တိုက်ခိုက်မှုကြောင့် အကြမ်းဖက် စစ်ကောင်စီ ဘက်မှ ဗိုလ်ကြီးအဆင့် (၁) ဦး အပါဝင် (၁၀)ဦးခန့်ဒဏ်ရာရရှိ ပြီး (၂) ဦးသေဆုံးကြောင်း သိရသည်။ အပြင်း အထန် ဒဏ်ရာရရှိသော ဗိုလ်ကြီးအဆင့်တစ်ဦးနှင့် အလောင်းနှစ်လောင်းကို နေ့လည်(၃)နာရီခွဲဝန်းကျင်တွင် ရဟတ်ယာဥ်ဖြင့် လာရောက်သယ်ဆောင်သွားကြကြောင်း သိရသည်။

အဆိုပါ မြိုပြစစ်ဆင်ရေးကို SNAKE EYES LPDF၊ Non Profit Soldiers Ye.U နှင့် City Hunter (ပ.က.ဖ ရေဦး)တိုမှ ပူးပေါင်းဆောင်ရွက်ခဲ့ကြောင်း SNAKE EYES LPDF က ထုတ်ပြန်ထားသည်။

©မျိုးဇော်
ဓာတ်ပုံ | SNAKE EYES LPDF
ကိုးကား | SNAKE EYES LPDF
https://t.me/VOStelegram
https://youtube.com/c/TheVoiceOfSpringTV
#thevoiceofspring