◼️‌ဒီပဲယင်းမှာ စစ်အုပ်စုကို ပကဖ ပစ်ခတ်တိုက်ခိုက်ရာ တပ်ကြပ် ၁ ဦးသေဆုံးပြီး သေနတ် ၁ လက်သိမ်းဆည်းရရှိ

၅ စက်တင်ဘာ ||| နွေဦးအသံ |||

စစ်ကိုင်းဒေသ၊ ဒီပဲယင်းမြို့နယ်မှာ ရိက္ခာရှာထွက်လာတဲ့ အကြမ်းဖက်စစ်အုပ်စုကို ပကဖပူးပေါင်းတပ်ဖွဲ့က စက်တင်ဘာ ၂ ရက်၊ မနက် ၁၁ နာရီ ၄၅ မိနစ်မှာ ပစ်ခတ်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် တပ်ကြပ် ၁ ဦး သေဆုံးပြီး သေနတ် ၁ လက် သိမ်းဆည်းရရှိတယ်လို့ သိရပါတယ်။

မြို့ပေါ်မှ ရိက္ခာရှာထွက်လာတဲ့ စစ်အုပ်စုကို မြို့နယ်နဲ့ တိုက်နယ် ပကဖ ပူးပေါင်းတပ်ဖွဲ့တွေက
အသင့်စောင့်ဆိုင်း ပစ်ခတ်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် တပ်ကြပ် ၁ ဦး သေဆုံးပြီး ၁ ဦး အပြင်းအထန်ဒဏ်ရာရတယ်လို့ အသိပေးထားပါတယ်။

အဲဒီနောက် တိုက်ပွဲဖြစ်ပွားခဲ့တဲ့နေရာသို့ ပြည်သူ့ကာကွယ်ရေးအဖွဲ့တွေက သွားရောက်နယ်မြေရှင်းလင်းရာ တပ်ကြပ်အဆင့်ရှိ စစ်ကောင်စီတပ်ဖွဲ့ဝင် အလောင်းကို တွေ့ရှိခဲ့သလို MA1 ၁ လက်ကိုလည်း သိမ်းဆည်းရရှိခဲ့တယ်လို့ ရုပ်သံနဲ့တကွ ဖော်ပြထားပါတယ်။

ဒီပဲယင်းမြို့နယ် ပြည်သူ့ကာကွယ်ရေးအဖွဲ့ ပကဖ နဲ့ တိုက်နယ် (၁ ၊ ၂) ပြည်သူ့ကာကွယ်ရေးအဖွဲ့ ပကဖ တွေက ပူးပေါင်းတိုက်ခိုက်ခဲ့တာဖြစ်တယ်လို့ အဖြူရောင် ပကဖ (DPY) ဒေသပြည်သူ့ကာကွယ်ရေးတပ်ဖွဲ့က သတင်းထုတ်ပြန်ထားတာ တွေ့ရပါတယ်။

Photo | အဖြူရောင် D.P.Y (Screenshot)

©The Voice of Spring
#thevoiceofspring
#WhatsHappeningInMyanmar
#RejectMilitaryCoup

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌ကလေး-တမူးလမ်းမှာ အကြမ်းဖက်စစ်တပ်ကို စနိုက်ပါတိုက်ခိုက်မှု မှတ်တမ်းအချို့ AIF ထုတ်ပြ

၅ စက်တင်ဘာ ||| နွေဦးအသံ |||

ကလေး - တမူး လမ်း‌ပိုင်းမှာ ပြည်သူကို ဖမ်းဆီးနှိပ်စက်၊ ကျေးရွာတွေမီးရှို့ဖျက်ဆီးခဲ့တဲ့ အကြမ်းဖက်စစ်တပ်ကို AIF နဲ့ စုန်းမအဖွဲ့တို့က စနိုက်ပါစစ်ဆင်‌ရေးများ ဖော်ဆောင် တိုက်ခိုက်ခဲ့တယ်လို့ AIF Myanmar ရဲ့ စက်တင်ဘာ ၅ ရက် ထုတ်ပြန်ချက်အရ သိရပါတယ်။

ဆုံးရှုံးနယ်မြေတွေကို ပြန်လည်သိမ်းပိုက်ဖို့ ပြီးခဲ့တဲ့ ဇွန်၊ ဇူလိုင်လအတွင်း အင်အားအလုံးအရင်းနဲ့ ထိုးစစ်ဆင်ခဲ့တဲ့ စစ်တပ်စစ်ကြောင်းတွေကို မဟာမိတ်တပ်တွေနဲ့အတူ ပါဝင်တိုက်ခိုက်ခဲ့တယ်လို့ AIF Myanmar က စနိုက်ပါစစ်ဆင်ရေး ရုပ်သံမှတ်တမ်းအချို့နဲ့အတူ အသိပေးထားတာပါ။

စနိုက်ပါနဲ့ ပစ်ခတ်တိုက်ခိုက်ရာမှာ အဆိုပါတပ်ဖွဲ့တွေမှ ရဲဘော်တွေက မီတာ ၅၀ မှ ၈၀၀ အထိ စစ်ကောင်စီတပ်ဖွဲ့ဝင်တွေ ထင်မှတ်မထားတဲ့ အခြေအနေတွေမှာ အလစ်အငိုက်တိုက်ခိုက်ခဲ့တယ်လို့ ဖော်ပြထားပါတယ်။

စစ်တပ်စစ်ကြောင်းတွေဟာ စစ်ကြောင်းထိုးရာမှာ ရွာသူရွာသားတွေကို အကြောင်းမဲ့ ဖမ်းဆီးတာ၊ ညှင်းပန်းနှိပ်စက်တာ၊ ပစ္စည်းတွေလုယက်တာ၊ ကျေးရွာတွေကို မီးရှို့ဖျက်ဆီးတာအပြင် အရပ်သားတွေကို မခွဲခြားဘဲ ဗုံးကြဲတိုက်ခိုက်မှု များစွာပြုလုပ်ခဲ့တယ်လို့ ဆိုပါတယ်။

စစ်အာဏာရှင်စနစ် ပျက်သုဉ်းတဲ့အထိ တော်လှန်ရေး မဟာမိတ်တပ်ဖွဲ့တွေနဲ့အတူ တိုက်ပွဲတွေကို ဆက်လက်ဆင်နွှဲသွားမှာ ဖြစ်တယ်လို့ AIF Myanmar က အသိပေးထားတာ တွေ့ရပါတယ်။

Video | AIF Myanmar

©The Voice of Spr
#thevoiceofspring
#WhatsHappeningInMyanmar
#RejectMilitaryCoup

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️ထိန်းချုပ်နယ်မြေအတွင်း ခွင့်ပြုချက်မရှိဘဲ လက်နက်ကိုင်ဆောင်ခြင်းမပြုဖို့ CDF-Mara တားမြစ်
‎
‎၆ စက်တင်ဘာ ||| နွေဦးအသံ |||
‎
‎ချင်းလဲန်းကာကွယ်ရေးတပ်ဖွဲ့ (မရာ) CDF - Mara ရဲ့ ထိန်းချုပ်နယ်မြေအတွင်း ကြိုတင်အကြောင်းကြားတာမရှိဘဲ လက်နက်ခဲယမ်း ကိုင်ဆောင်/သယ်ဆောင်ပြီး လှုပ်ရှားသွားလာခြင်းမပြုဖို့ ကန့်သတ်တားမြစ်လိုက်ကြောင်း အဆိုပါတပ်ဖွဲ့ရဲ့ ထုတ်ပြန်ချက်အရ သိရပါတယ်။

‎စစ်အုပ်စုက လေကြောင်းတိုက်ခိုက်မှုတွေအပြင် မြေပြင်မှာလည်း သတင်းပေး(ဒလန်)တွေ သွားလာလှုပ်ရှားနေတာကြောင့် ထိန်းချုပ်နယ်မြေအတွင်း စက်တင်ဘာ ၅ ရက်မှစတင်ပြီး ဘယ်လက်နက်ကိုင် အဖွဲ့အစည်းမဆို ကြိုတင်အကြောင်းမကြားဘဲ လက်နက်ခဲယမ်း ကိုင်ဆောင်/သယ်ဆောင်ပြီး လှုပ်ရှားသွားလာခြင်းမပြုဖို့ CDF - Mara က ကြေညာထားတာပါ။

အဆိုပါတားမြစ်ချက်ကို လိုက်နာဆောင်ရွက်ခြင်းမရှိပါက ဖြစ်ပေါ်လာမယ့် အခြေအနေတွေအတွက် မိမိတာဝန်သာဖြစ်ကြောင်းကိုလည်း CDF - Mara က ထုတ်ပြန်ချက်မှာ ဖော်ပြထားပါတယ်။

ဒါ့အပြင် စစ်အာဏာရှင်မြစ်ပြတ်ချေမှုန်းပြီး ဖက်ဒရယ်ဒီမိုကရေစီရရှိရေးအတွက် မရာလူမျိုးအခြေပြု နွေဦးတော်လှန်ရေးတပ်ဖွဲ့ တဖွဲ့ဖြစ်တယ်လို့ CDF - Mara က အသိပေးထားတာ တွေ့ရပါတယ်။

Photo | CDF - Mara
‎
‎©The Voice of Spring
‎#thevoiceofspring
‎#WhatsHappeningInMyanmar
‎#RejectMilitaryCoup
‎
‎✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️ရန်သူ့လက်နက်ကိုယ့်လက်နက်ဖြစ်လာပါက အသုံးချနိုင်ဖို့ နောက်တန်းမှာလည်း လေ့ကျင့်နေဟု ပဲခူး ပကဖ အသိပေး
‎
‎၆ စက်တင်ဘာ ||| နွေဦးအသံ |||
‎
ပဲခူးခရိုင် ပြည်သူ့ကာကွယ်ရေးအဖွဲ့မှ ရဲဘော်တွေအနေနဲ့ နောက်တန်းစခန်းတွေမှာ အနားယူနေချိန် အကြမ်းဖက်စစ်တပ်ရဲ့ စစ်လက်နက်ပစ္စည်းတွေ သိမ်းဆည်းရရှိတဲ့အခါ ပြန်လည်အသုံးပြုနိုင်ဖို့ သင်တန်းတွေဖွင့်လှစ်ပြီး အဆက်မပြတ်တက်‌ရောက်လျက်ရှိတယ်လို့ သိရပါတယ်။

ပကဖ ရဲဘော်တွေက တပ်စု၊ တပ်ဖွဲ့၊ တပ်စိပ်အလိုက် အခြေခံဆက်သွယ်ရေးသင်တန်း၊ အခြေခံလက်နက်ကြီးသင်တန်းနဲ့ ရုံးလုပ်ငန်းပိုင်းဆိုင်ရာသင်တန်းတွေကို အဆက်မပြတ် ဖွင့်လှစ်လုပ်ဆောင်လျက်ရှိကြောင်း အဆိုပါတပ်ဖွဲ့က စက်တင်ဘာ ၆ ရက်မှာ ဓာတ်ပုံမှတ်တမ်းအချို့နဲ့အတူ အသိပေးထားတာပါ။

ဒီသင်တန်းတွေဟာ တိုက်ပွဲတွေ ဖော်ဆောင်နိုင်ဖို့၊ သိမ်းဆည်းရရှိလာတဲ့ ရန်သူ့လက်နက်တွေကို ပြန်လည်အသုံးချပစ်ခတ်နိုင်ဖို့နဲ့ ဘယ်လို ဆက်သွယ်ရေးစက်အမျိုးအစားမဆို အသုံးပြုနိုင်ပြီး မိခင်တပ်ရင်းတပ်ဖွဲ့တွေနဲ့ ချိတ်ဆက်ဆောင်ရွက်နိုင်ဖို့အတွက် လေ့ကျင့်ပေးနေတာဖြစ်တယ်လို့ ဆိုပါတယ်။

ဒါ့အပြင် ဒီလို နည်းပညာနဲ့ အချက်အလက်ဆိုင်ရာ လေ့ကျင့်မှုတွေဟာ အကြမ်းဖက် စစ်အုပ်စု ကျဆုံးရေးအတွက် အရေးပါတဲ့ တိုက်ခိုက်ရေး လုပ်ငန်းစဉ်တွေဖြစ်တယ်လို့ ပဲခူးခရိုင် ပြည်သူ့ကာကွယ်ရေးအဖွဲ့ (ပကဖ) က အသိပေးထားတာ တွေ့ရပါတယ်။

Photo | ပဲခူးခရိုင် ပကဖ
‎
‎©The Voice of Spring
‎#thevoiceofspring
‎#WhatsHappeningInMyanmar
‎#RejectMilitaryCoup
‎
‎✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️ဩဂုတ်လ စတုတ္ထပတ်အတွင်း စစ်တပ်ထံမှ စစ်သုံ့ပန်း ၆ ဦး တော်လှန်ရေးတပ်များ ဖမ်းမိ
‎
‎၆ စက်တင်ဘာ ||| နွေဦးအသံ |||
‎
နိုင်ငံတဝှမ်းမှာ အကြမ်းဖက်စစ်တပ်ထံမှ စစ်သုံ့ပန်း ၆ ဦးကို တော်လှန်ရေးအင်အားစုတွေက သြဂုတ်လ စတုတ္ထပတ်အတွင်း အရှင်ဖမ်းမိခဲ့တယ်လို့ စက်တင်ဘာ ၅ ရက်၊ ပြည်သူ့ပန်းတိုင်အဖွဲ့ရဲ့ ​ထုတ်ပြန်ချက်အရ သိရပါတယ်။

တော်လှန်ရေးအင်အားစုတွေ အရှင်ဖမ်းမိခဲ့တဲ့ စစ်ကောင်စီတပ်ဖွဲ့ဝင် စစ်သုံ့ပန်း ၆ ဦးဟာ ရှမ်းပြည်နယ်မှာ ၁ ဦးနဲ့ မကွေးတိုင်းမှာ ၅ ဦးတို့ဖြစ်ကြပြီး အဲဒီအထဲမှ ၂ ဦးဟာ စစ်မှုထမ်းတပ်သားသစ်(ပစ)တွေ ဖြစ်တယ်လို့ ကောက်ယူထားတဲ့မှတ်တမ်းတွေအရ ဖော်ပြထားပါတယ်။

ပြီးခဲ့တဲ့ ရက်ပိုင်းမှာလည်း ရွှေကူမြို့နယ်အတွင်း စစ်သင်္ဘောတွေ နစ်မြုပ် ပျက်စီးခဲ့ပြီး KIA ပူးပေါင်းတပ်တွေထံ အများအပြား အလံဖြူထောင်လက်နက်ချခဲ့တဲ့ စစ်သားတွေအနေနဲ့ အသက်ရှင်ခွင့်ရသွားပြီ ဖြစ်တာကြောင့် စစ်ကောင်စီတပ်ဖွဲ့တွေ အလင်းဝင်၊ လက်နက်ချကြဖို့ ပြည်သူ့ပန်းတိုင်အဖွဲ့က အသိပေးတိုက်တွန်းထားတာ တွေ့ရပါတယ်။

Photo | စကစ စစ်သုံ့ပန်းများ
‎
‎©The Voice of Spring
‎#thevoiceofspring
‎#WhatsHappeningInMyanmar
‎#RejectMilitaryCoup
‎
‎✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️နတ်မောက်မှာ စစ်တပ်ရဲ့ ယာဉ် ၂ စီးကို တော်လှန်ရေးပူး‌ပေါင်းတပ်များ မိုင်းဆွဲတိုက်ခိုက်
‎
‎၆ စက်တင်ဘာ ||| နွေဦးအသံ |||
‎
မကွေးဒေသ၊ နတ်မောက်မြို့နယ်မှာ အကြမ်းဖက်စစ်အုပ်စု ယာဉ် ၂ စီးကို တော်လှန်ရေးပူး‌ပေါင်းတပ်ဖွဲ့တွေက စက်တင်ဘာ ၆ ရက်၊ မနက် ၁၀ နာရီခွဲခန့်မှာ မိုင်းကွင်း ၂ ကွင်း ကြိုတင်ပြင်ဆင်ထားပြီး အောင်မြင်စွာ ဖောက်ခွဲတိုက်ခိုက်ခဲ့တယ်လို့ သိရပါတယ်။

ကမ်းပြိုကျေးရွာမှ ကုလားရှင်ကျေးရွာဘက်သို့ ထွက်ခွာလာတဲ့ စစ်တပ်ရဲ့ အင်အား ၂၀ ဦးခခန့်ပါ ယာဉ် ၂ စီးကို မိုင်းကွင်း ၂ ကွင်းနဲ့ တိုက်ခိုက်ခဲ့ရာ ပထမယာဉ်မှာ Jammer ကြောင့် မိုင်းမကွဲခဲ့သော်လည်း ဒုတိယယာဉ် ရောက်လာချိန်မှာ ဒုတိယမိုင်းကွင်းနဲ့ အောင်မြင်စွာ ဖောက်ခွဲတိုက်ခိုက်ခဲ့တယ်လို့ ဆိုပါတယ်။

တိုက်ခိုက်ခံရပြီးနောက် စစ်အုပ်စုဟာ လမ်းတလျှောက် သေနတ်နဲ့ ရမ်းသမ်းပစ်ခတ်သွားခဲ့ပြီး တော်လှန်ရေးရဲဘော်တွေ အထိအခိုက်မရှိခဲ့သလို စစ်ကောင်စီတပ်ဖွဲ့ဝင် သေဆုံးထိခိုက်မှု အခြေအနေကို အတည်မပြုနိုင်သေးဘူးလို့ ဗိဿနိုးပြည်သူ့ကာကွယ်ရေးတပ်မတော် စစ်ဦးစီးတပ်က ထုတ်ပြန်ထားတာပါ။

မိုင်းဆွဲတိုက်ခိုက်မှုအပြီးမှာ ကုလားရှင်နဲ့ ကမ်းပြိုရွာရှိ စစ်တပ်က အင်အားသုံးပြီး လမ်းတလျှောက် ကင်းပုန်းချတာ၊ စစ်ကြောင်းထိုးရှာဖွေစစ်ဆေးတာတွေ ပြုလုပ်လျက်ရှိတာကြောင့် ပြည်သူများ သတိပြု ရှောင်ရှားသွားလာကြဖို့ကိုလည်း တိုက်တွန်းနှိုးဆော်ထားပါတယ်။

အဲဒီတိုက်ခိုက်မှုကို ဗိဿနိုးပြည်သူ့ကာကွယ်ရေးတပ်မတော် စစ်ဦးစီးတပ်နဲ့ မြို့သစ်မြို့နယ်ပြည်သူ့ကာကွယ်ရေးတပ်ဖွဲ့ (မြို့သစ် ပကဖ) တို့က ပူးတွဲဆောင်ရွက်ခဲ့တာဖြစ်ပြီး တိုက်ခိုက်ရာမှာအသုံးပြုတဲ့ Remote နဲ့ Receiver တွေကို Anonimus Group (Yangon) က ထောက်ပံ့ပေးခဲ့တယ်လို့ အသိပေးထားတာ တွေ့ရပါတယ်။

Photo | စစ်ဦးစီးတပ်
‎
‎©The Voice of Spring
‎#thevoiceofspring
‎#WhatsHappeningInMyanmar
‎#RejectMilitaryCoup
‎
‎✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။