နိုင်ငံတော်ယာယီသမ္မတကြီး ဒူဝါလရှီးလ က အရေးပေါ်မိန့်ခွန်းပြောပါတယ်။

မိန့်ခွန်းထဲမှာ နိုင်ငံတကာကို -

(၁)နိုင်ငံတကာက အကြမ်းဖက်စကစကို အသိအမှတ်ပြု ဆက်ဆံခြင်း လုံးဝ မပြုလုပ်ဖို့

(၂) အကြမ်းဖက်စကစရဲ့ အဓိက ပင်မဝင်ငွေကို ဖြတ်တောက်ရာမှာ ပါဝင်ပေးဖို့

(၃)အမျိုးသားညီညွတ်ရေးအစိုးရ ကို တရားဝင် အစိုးရအဖြစ် အသိအမှတ်ပြုပေးဖို့

(၄) တော်လှန်ရေးအစိုးရကို နည်းပညာ၊ လက်နက်၊ ငွေကြေးထောက်ပံ့ပေးဖို့

(၅)အကြမ်းဖက်စကစကို အရေးယူနိုင်ရေး နိုင်ငံတကာက ပူးပေါင်းဆောင်ရွက်ပေးဖို့

(၆) အာဆီယံအဖွဲ့ကြီးအနေနဲ့ ဘုံ(၅)ချက်ကို ပြန်လည်သုံးသပ်ဖို့

သမ္မတကြီးက အလေးအနက် တောင်းဆိုထားပါတယ်။

ပြည်သူများကိုတော့ သမ္မတကြီးက အသတ်ပေးခဲ့ကြသူအားလုံးရဲ့ သွေးသစ္စာကို တန်ဖိုးထားကြပြီး လှည်းနေလှေအောင်းမြင်းဇောင်းမကျန် တော်လှန်ရေးမှာ ဆက်လက်ပါဝင်ကြဖို့ တိုက်တွန်းသွားပါတယ်။

©အောင်နွေထက်
https://t.me/VOStelegram
https://youtube.com/c/TheVoiceOfSpringTV
#thevoiceofspring

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက် ရပ်တည်နိုင်ဖို့ The Voice Of Spring Youtube Channel ကို Subscribe လုပ်နိုင်ပါပြီ။

◾ အမျိုးသားညီညွတ်ရေးအစိုးရ ယာယီသမ္မတ နိုင်ငံတော်သို့ အရေးပေါ် အခြေပြ မိန့်ခွန်း ကို ပြောကြား

ဇူလိုင်(၂၈)ရက် | နွေဦးအသံ |

◾ တော်လှန်ရေး နောက်မဆုတ်ဘဲ ပိုမို အရှိန်ပြင်းစွာ တောက်လောင်မည်

အမျိုးသားညီညွတ်ရေးအစိုးရ ယာယီသမ္မတ က နိုင်ငံတော်သို့ အရေးပေါ် အခြေပြ မိန့်ခွန်း ကို ပြောကြား လိုက်ပါတယ်။မိန့်ခွန်းမှာ
အကြမ်းဖက် စစ်အာဏာရှင် မင်းအောင်လှိုင် ၏ စစ်ကောင်စီ ကို အပြီးတိုင်ချေမှုန်းသွားနိုင်ရေးအတွက် လက်နက်ခဲယမ်းအကူညီကို ထိရောက်စွာကူညီပေးကြဖို့ နိုင်ငံတကာကို အကူညီတောင်းခံလိုက်ပါတယ်။

ဦးကျော်မင်းယု(ခ) ကိုဂျင်မီ ၊ ကိုဖြိုးဇေယျာသော် ၊ ကိုလှမျိုးအောင် ၊ ကိုအောင်သူရဇော် စသည့် တော်လှန်ရေးရဲဘော် အာဇာနည် (၄)ဦး ကို သွေးအေးအေးဖြင့် ရက်စက်စွာ သတ်ဖြတ်ပြီးတဲ့နောက်မှာ နွေဦးတော်လှန်ရေးကို အရှိန်အဟုန်မြှင့်တင်နိုင်ဖို့ တွန်းအားကြီးတစ်ရပ်ဖြစ်စေခဲ့ပြီဖြစ်တယ်လို့ ထည့်သွင်းပြောကြားပါတယ်။

မြန်မာ့အရေးတွင်ထိရောက်မှု မရှိသော အာဆီယံ ဘုံသဘောတူညီချက် (၅)ရပ်ကို ပြန်လည်သုံးသပ်ပြီး အာဏာရှင် ဖယ်ရှားနိုင်ရေး အတွက် ဆက်လက်ပံ့ပိုးပေးကြဖို့ အာဆီယံ အသိုက်အဝန်းကို တိုက်တွန်းပြောကြားလိုက်ပါတယ်။

ဦးကျော်မင်းယု(ခ) ကိုဂျင်မီ ၊ ကိုဖြိုးဇေယျာသော် ၊ ကိုလှမျိုးအောင် ၊ ကိုအောင်သူရဇော် စသည့် တော်လှန်ရေးရဲဘော် အာဇာနည် (၄)ဦး ကို နိုင်ငံတော်က ဝမ်းနည်းခြင်းကြီးစွာနဲ့ ဂုဏ်ပြုအပ်ပါကြောင်း ၊ စစ်ကောင်စီ ၏ ရက်စက်ယုတ်မာသတ်ဖြတ်ခြင်းကြောင့် နွေဦးတော်လှန်ရေးဟာ နောက်မဆုတ်ဘဲ ပိုမို အရှိန်ပြင်းစွာတောက်လောင်လာတော့မှာ ဖြစ်တယ်လို့ ပြောကြားပါတယ်။

နိုင်ငံသူ နိုင်ငံသားများအနေဖြင့် လှည်းနေလှေအောင်း မြင်းဇောင်းမကျန် တော်လှန်ရေးမှာ ပါဝင်ကြဖို့ တိုက်တွန်း ပြောကြားခဲ့ပါတယ်။

©မျိုးဇော်
https://t.me/VOStelegram
https://youtube.com/c/TheVoiceOfSpringTV
#thevoiceofspring
✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက် ရပ်တည်နိုင်ဖို့ The Voice Of Spring Youtube Channel ကို Subscribe လုပ်နိုင်ပါပြီ။

| မဖြစ်မနေ ဖြိုလှဲရမည့် ဒေါက်တိုင်များကို ဖော်ထုတ်သွားမှာ ဖြစ်ပါတယ်။ ©နွေဦးအသံ ( The Voice Of Spring ) |

◼သက်တမ်းရင့်ဒေါက်တိုင် တရားသူကြီး

သူ့ဆန်စားရဲရ ဆိုတာထက် သူက ပိုပါတယ်။

ကိုယ်တိုင်က ဒီမိုကရေစီဘက်တော်သားတွေကို ဝမ်းတွင်းက ကြိတ်ပြီး မုန်းတီးစိတ်ပြင်းထန်လှသူ အဖြစ် ရင်းနှီးသူတွေက မှတ်ချက်ပြုကြပါတယ်။

နာမည်က မြင့်ဆန်း လို့ ခေါ်ပါတယ်။

◼ဘယ်လိုလူမျိုးလဲ

ဦးရွှေမန်းလွှတ်တော်ဥက္ကဌလက်ထက်တုန်းက ဒုတိယအကြိမ်အခြေခံဥပဒေခုံရုံးဥက္ကဌအဖြစ် ဆောင်ရွက်ခဲ့တဲ့ ဦးမြသိန်း ရဲ့ ညီတော်စပ်သူပါ။

အမှုတွေကို အဂတိကင်းစင်စွာ မှန်မှန်နဲ့မြန်မြန် စစ်ဆေးစေမယ်လို့ NLD အစိုးရလက်ထက်မှာ မီဒီယာတွေကတဆင့် အာမခံခဲ့ဖူးပါတယ်။

NLD အစိုးရလက်ထက်မှာ နှစ်ကြိမ်တိတိ ရာထူးတိုးခဲ့ပေမဲ့ တရားရေးဌာနကို ပြုပြင်ပြောင်းလဲရေး အားစိုက်ခဲ့တဲ့အစိုးရခေတ်မို့ သူ့ပုံစံက တက်တက်ကြွကြွ မရှိပါဘူး။

ငွေကြေးမက်မောလွန်းသူအဖြစ် နာမည်ကြီးပြီး ရာထူးရဖို့ကလွဲရင် ဘာမှ ထည့်မတွက်ပါဘူး။

ဒီလို အရည်အချင်းတွေနဲ့ စစ်တပ်နဲ့ နီးစပ်မှုကြောင့် (၂၀၁၆)ခုနှစ်မှာ ညွှန်ကြားရေးမှူးအဆင့်နဲ့ ညီမျှတဲ့ တိုင်းဒေသကြီး တရားရေးဦးစီးမှူးတဦး ဖြစ်လာပါတယ်။

အဲဒီနောက် (၂၀၂၀)ခုနှစ်၊ မေလ (၂၈)ရက်မှာ မန္တလေးတိုင်းဒေသကြီး တရားလွှတ်တော် တရားသူကြီး အဖြစ် ခန့်အပ်တာကို ခံခဲ့ရပါတယ်။

◼ဘယ်သူ့ကို စစ်ဆေးနေသလဲ

ဒီမိုကရေစီခေတ်မှာ မီဒီယာတွေအနေနဲ့ တရားရုံးသတင်းရယူခွင့်နဲ့ပတ်သက်ပြီး သူ့ဆီက အလွယ်ကူဆုံး ဖြစ်အောင် ဆောင်ရွက်ပေးမယ်လို့ ကတိပေးခဲ့ပေမဲ့ လက်ရှိမှာတော့ စစ်တပ်အလိုကျ သဘောထားအတင်းမာဆုံး တရားသူကြီး ဖြစ်လို့နေပါပြီ။

ဒါကြောင့် နိုင်ငံတော်အတိုင်ပင်ခံပုဂ္ဂိုလ်ကို မတရားစွပ်စွဲထားတဲ့ အဂတိအမှုတခုမှာ မြင့်ဆန်း ကို မင်းအောင်လှိုင်က စစ်ဆေးစေပါတယ်။

◼ဘယ်လိုတွေ ပညာပြသလဲ

ပုံမှန်အားဖြင့် ရုံးချိန်းတွေကို တရားသူကြီးတွေက မလာရောက်နိုင်ဘူးဆိုရင် ကြိုတင်အသိပေးလေ့ရှိပါတယ်။

ဒီလို လေးစားမှုမျိုးကအစ အကြိမ်ကြိမ် ပျက်ကွက်လေ့ရှိသူပါ။

တနာရီကျော်အထိ တရားရုံးထဲ ထိုင်စောင့်စေပြီးမှ သူခွင့်ယူထားတာကို သိစေပါတယ်။

အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုကအစ မောက်မာစွာ ဆက်ဆံတယ်လို့ တရားရေးဌာနရဲ့ ဖရဲသီးတွေက သတင်းပေးကြပါတယ်။

◼သက်တမ်းရင့် ဒေါက်တိုင်

မြင့်ဆန်း ကို ဗိုလ်နေဝင်းက စစ်အာဏာသိမ်းတဲ့ (၁၉၆၂) မှာ မွေးဖွားခဲ့ပါတယ်။

ဒါကြောင့် မြင့်ဆန်းဟာ သူ့ရဲ့ ဖွားဖက်တော် စစ်အာဏာရှင်စနစ်ကို သိပ်ချစ်ပါတယ်။

ရန်ကုန်တက္ကသိုလ်ကနေ ဥပဒေဘွဲ့ကို (၁၉၈၄)မှာ ရယူခဲ့ပြီး (၁၉၈၅)ခုနှစ်မှာ တရားရေးအရာရှိအဆင့်(၄)နေရာကနေ တရားရေးလောကကို ဝင်ရောက်ခဲ့တာပါ။

နအဖ ခေတ်တလျှောက်လုံး စစ်တပ်ရဲ့အလိုကျ ထူးထူးချွန်ချွှန် ဆောင်ရွက်တတ်သူမို့ လုပ်သက်(၃၅)နှစ်ကျော်ကာလမှာ ရာထူးအဆင့်ဆင့် တိုးမြင့်လာခဲ့ပါတယ်။

◼ကွာကျလာတဲ့မျက်နှာဖုံး

တချိန်က တရားသူကြီးကျင့်ဝတ်နဲ့အညီ နေကြ ထိုင်ကြပြီး ပုဂ္ဂိုလ်တဦးချင်းအလိုက်ပါ ပြုပြင်ပြောင်းလဲဖို့ မီဒီယာတွေကတဆင့် အပြောကြွယ်ပြခဲ့သူပါ။

အဲဒီလို ကျင့်ဝတ်စည်းကမ်းနဲ့ညီညွတ်တဲ့ တရားသူကြီးမျက်နှာဖုံးက အကြာကြီး မခံခဲ့ပါဘူး။

အကြမ်းဖက်စကစ ရဲ့ တရားရေးဌာနမှာ သက်တမ်းရင့် အမာခံ ဒေါက်တိုင် တရားသူကြီးဘဝကို ကျေကျေနပ်နပ်ကြီး ခံယူထားတဲ့အစွယ်နှစ်ချောင်းနဲ့အတူ စစ်တပ်လိုလားတဲ့ ဥပဓိရုပ်အမှန်က မဖုံးဖိနိုင်အောင် ပေါ်ထွက်လာပါတော့တယ်။

အိမ်ထောင်ရှိသူဖြစ်ပြီး မိသားစုဝင်တွေနဲ့ ပတ်သက်တဲ့အချက်အလက်တွေကိုတော့ စုံစမ်းအတည်ပြုနေဆဲပါ။

| သူနဲ့ သူ့မိသားစုဝင်တွေက စစ်တပ်နဲ့ ဘယ်လိုပတ်သက်ကြသလဲ၊ ဘယ်လောက်ရင်းနှီးကြသလဲ၊ ဘယ်လိုစီးပွားရေးလုပ်ငန်းတွေ ပိုင်ဆိုင်သလဲ၊ ဘယ်မှာနေပါသလဲ စသဖြင့် Comment မှာသော်လည်းကောင်း၊ Chat Box သို့လည်းကောင်း ဖြည့်စွက်ကူညီပေးပို့နိုင်ပါတယ် |

©အောင်နွေထက်
https://t.me/VOStelegram
https://youtube.com/c/TheVoiceOfSpringTV
#thevoiceofspring

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက် ရပ်တည်နိုင်ဖို့ The Voice Of Spring Youtube Channel ကို Subscribe လုပ်နိုင်ပါပြီ။

◼တော်လှန်ရေးကို သိပ်ကြာကြာအချိန်ဆွဲထားလို့မရဘဲ အမြန်အောင်မှ ဖြစ်မည်ဟု သရုပ်ဆောင်မင်းမော်ကွန်း သတိပေး

ဇူလိုင်(၃၀)ရက် | နွေဦးအသံ |

◼ဝေဖန်မှုတွေကို ဂရုစိုက်နေမှာမဟုတ်၊ စိတ်နှစ်ပြီး ခွန်အားပိုထည့်၍ လုပ်ဆောင်သွားမည်

"ကျနော်တို့ တော်လှန်ရေးကို သိပ်ကြာကြာအချိန်ဆွဲထားလို့မရတော့ဘူး၊ တော်လှန်ရေးကို မြန်မြန်ပြီးမှ အောင်မြင်မှကို ဖြစ်တော့မယ်၊ ဒီစစ်မိစ္ဆာတွေက ပြည်သူကို အကြောက်တရား ထည့်ချင်တာနဲ့ ကျနော်တို့ရဲ့ သူရဲကောင်းတွေ တယောက်ပြီးတယောက်ကို ကြက်ကလေး ငှက်ကလေးလို အမှည့်ခြွေ ခြွေနေတာကို အကြာကြီး စောင့်နေလို့ မရတော့ပါဘူး၊ ကျနော်တို့ တော်လှန်ရေးမြန်မြန်အောင်ကို အောင်မှ ဖြစ်မှာပါ"

ဩစတြေးလျနိုင်ငံ မဲလ်ဘုန်းမြို့မှာ ပြုလုပ်တဲ့ အကြမ်းဖက်စကစရဲ့ သေဒဏ်စီရင်မှု ရှုတ်ချပွဲမှာ သရုပ်ဆောင် မင်းမော်ကွန်းက ပြောလိုက်တာပါ။

"ကျနော် အသိပေးချင်တာကတော့ ကျနော် ဒီတိုင်းပြည်မှာ ရောက်နေပြီဆိုတဲ့အကြောင်းကို ဒီမှာ ရှိတဲ့ ပြည်သူတွေတင်မဟုတ်ဘဲနဲ့ တကမ္ဘာလုံးမှာရှိသမျှ ပြည်သူတွေ အားလုံးကို တရားဝင် အသိပေးပါတယ်"

ဩစတေတြးလျနိုင်ငံသို့ ရောက်ရောက်ချင်း အသိမပေးရတာက ဝေဖန်ပုတ်ခံသံတွေကို စိုးရိမ်ကြောက်ရွံ့နေလို့ မဟုတ်ဘဲ ပြည်တွင်းမှာ ကျန်ရှိခဲ့တဲ့ မိဘများရဲ့ လုံခြုံရေးအခြေအနေကြောင့်လို့ ဆိုပါတယ်။

"ကျနော် ရောက်ရောက်ချင်းကတည်းက အသိမပေးရခြင်းကလဲ ကျနော် ဝေဖန်သံတွေခံရမှာစိုးလို့ ပြောဆိုသံတွေ ခံရမှာစိုးလို့ ပုတ်ခတ်သံတွေ ခံရမှာစိုးလို့ ကြောက်လို့ ကျနော် ငြိမ်နေခဲ့တာ မဟုတ်ပါဘူး"

ပြီးတော့ တော်လှန်ရေးအချိန်မကြာဖို့အတွက် စိတ်နှစ်ပြီးတော့ ဆက်လက်အားထုတ်သွားမယ့်အကြောင်းလည်း သရုပ်ဆောင် မင်းမော်ကွန်းက ကတိပေးပြောသွားပါတယ်။

"ဝေဖန်မှုတွေကိုလည်း ဂရုစိုက်မှာ မဟုတ်ဘူး။ တော်လှန်ရေးအတွက် လုပ်စရာရှိတဲ့အလုပ်ကို စိတ်နှစ်ပြီးတော့ ဒီထက်ခွန်အားတွေ ပိုထည့်ပြီးတော့ လုပ်မှာ ဖြစ်တဲ့အတွက် ဒီဟာတွေကို ကျနော် ဂရုစိုက်မှာ မဟုတ်ပါဘူး"

၈၈ မျိုးဆက်ကျောင်းသားခေါင်းဆောင် ကိုဂျင်မီ၊ အန်အယ်လ်ဒီ လွှတ်တော်အမတ်ဟောင်း ဦးဖြိုးဇေယျာသော်၊ ကိုအောင်သူရဇော်နဲ့ ကိုလှမျိုးအောင်တို့ကို အကြမ်းဖက်စကစက သေဒဏ်စီရင်မှုခဲ့တဲ့အပေါ် ကန့်ကွက်ရှုတ်ချပွဲတွေကို တကမ္ဘာလုံးအနှံ့ပြုလုပ်နေကြတာ ဖြစ်ပါတယ်။

©နွေသူရ
https://t.me/VOStelegram
https://youtube.com/c/TheVoiceOfSpringTV
#thevoiceofspring

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက် ရပ်တည်နိုင်ဖို့ The Voice Of Spring Youtube Channel ကို Subscribe လုပ်နိုင်ပါပြီ။