Фармацевтика тармоғини ривожлантириш агентлигида энергияни тежаш, ундан оқилона фойдаланиш ва энергия самарадорлигини ошириш масалаларига бағишланган йиғилиш бўлиб ўтди

Тадбирда энергия ресурсларидан фойдаланишда исрофгарчиликни камайтириш, объектларда энергия самарадорлигини ошириш, энергия ресурсларидан оқилона фойдаланишни тизимли йўлга қўйиш ва бунинг устидан қатъий назоратни таъминлаш масалалари муҳокама қилинди.

Бу борада, Агентликда қилиниши керак бўлган вазифалар ижроси бўйича “йўл харитаси” тасдиқланганлиги, шунингдек, ушбу йўналишда ишларни мувофиқлаштириш учун масъул ходим бириктирилганлиги таъкидланди.

“Йўл харитаси”да энергияни тежаш ҳамда самарадорликни ошириш, ресурслардан оқилона фойдаланиш учун қилиниши керак ишлар, электр ва иссиқлик энергияси ресурсларидан тежамли ва самарали фойдаланиш вазифалари ва қоидалари белгилаб берилган.


📱 Website | 📱 Telegram |📱 Instagram | 📱 Facebook | 📱 Youtube

Кореялик инвесторлар Ўзбекистонга инвестиция киритиш учун катта қизиқиш билдирмоқда

Жорий йилнинг 23 июл куни Кореянинг "UNIMED" компанияси вакиллари фармацевтика тармоғини ривожлантириш агентлиги мутахассислари ва "Tаshkent Pharma Park" кластери масъул ходимлари билан биргаликда Тошкент шаҳрида жойлашган "ROMPHARM NS" қўшма корхонаси заводида бўлишди.

Ташриф давомида, корхона вакиллари томонидан "ROMPHARM NS" компанияси раҳбарияти, делегация аъзоларига ишлаб чиқариш заводи, сифат назорати бўлими ва лаборатория фаолияти билан таништирилди.

"ROMPHARM NS" CО (Руминия) қўшма корхонаси ва Навбаҳор Холдинг (Ўзбекистон) компаниялари билан биргаликда ташкил этилган фармацевтика корхонаси бўлиб, ампулаларда инъекцион дори воситаларини ишлаб чиқариш, тадқиқ этиш ва савдо қилиш бўйича иш олиб боради. 2021 йил сентябр ойида ташкил этилган компания томонидан ушбу завод 2023 йилда қурилиб ишга туширилди.

Ўзбекистонга "UNIMED" компанияси вакиллари ташриф буюришидан мақсад, "Tаshkent Pharma Park" инновацион илмий-ишлаб чиқариш фармацевтика кластери ҳудудида "кўз томчилари, гиалурон кислотаси ва жигар касалликларини олдини олиш учун ўсимлик сиропи ишлаб чиқариш бўйича фармацевтика заводи қурилиши" лойиҳасини тасдиқлаш ва ишга туширишдан иборатдир.


📱 Website | 📱 Telegram |📱 Instagram | 📱 Facebook | 📱 Youtube

"Turk Ilaç ve Serum Sanayi" туркиялик ҳамкор вакиллари билан бизнес-учрашув

Бугун, Фармацевтика тармоғини ривожлантириш агентлиги директори Абдулла Азизов “SHOX INTERNATIONAL HOSPITAL” МЧЖ компанияси ва Turk Ilaç ve Serum Sanayi A.S'. туркиялик ҳамкор вакиллари ўртасида бизнес-учрашув бўлиб ўтди.

Музокаралар чоғида томонлар «Tashkent Pharma Park» инновацион илмий-ишлаб чиқариш фармацевтика кластери худудида инфузион эритмалар ишлаб чиқаришни йўлга қўйиш бўйича маълумот алмашинилди.

Шу билан бирга “SHOX INTERNATIONAL HOSPITAL” корхонаси томонидан кластер худудида қон олиш учун вакумли пробиркалар, улар учун прессқолиплар, коронар стентлар, гематологик суюқ препаратлар, кардиомагнил таблеткаси, травматологик фиксаторлар, томчилатиб юбориш тизими ва протезлар ишлаб чиқаришни амалга ошириш режалаштирилмоқда.



📱 Website | 📱 Telegram |📱 Instagram | 📱 Facebook | 📱 Youtube

Фармацевтика тармоғини ривожлантириш агентлиги ва Покистоннинг “CCL Pharmaceuticals" компанияси вакиллари билан учрашув

23 июл куни Фармацевтика тармоғини ривожлантириш агентлиги директори Абдулла Азизов ва Покистоннинг “CCL Pharmaceuticals" компанияси вакилллари ўртасида учрашув бўлиб ўтди.

Дастлаб Покистон компанияси вакиллари ўз фаолияти ҳақида маълумот бериб, Ўзбекистонда фармацевтика соҳасига инвестиция киритиш тўғрисида қатор таклифлар билан мурожаат қилди.

Учрашув давомида, Агентлик директори Ўзбекистон фармацевтика соҳасининг бугунги ҳолати, инвестиция киритиш тартиблари, юртимизда ҳорижий компанияларга яратилган имкониятлар, енгиллик ва имтиёз масалаларига тўхталиб ўтди.

Сўнгра, томонлар биргаликда янги лойиҳалар ишлаб чиқиш мақсадида келгусида учрашув ташкил қилишга келишиб олдилар.


📱 Website | 📱 Telegram |📱 Instagram | 📱 Facebook | 📱 Youtube

Ўзбекистон Республикаси Президентининг 2024-йил, 23-январдаги “Фармацевтика соҳасини тартибга солиш бўйича қўшимча чора-тадбирлар тўғрисидаги” ПФ-20-сон фармони ва Ўзбекистон Республикаси Вазирлар Маҳкамасининг 2019-йил 18-сентябрдаги “Фармацевтика соҳасига зарур амалиётлар (GxP) талабларини жорий этиш бўйича қўшимча чора-тадбирлар тўғрисида” ЎРВМ-788-сон қарорини ижроси бўйича амалдаги ҳаракатлар


Навоий вилоятидаги улгуржи корхоналар томонидан амалга оширилаётган ишлар юзасидан Фармацевтика тармоғини ривожлантириш агентлиги ва Зарур амалиётлар маркази GxP мутахассислари билан ҳамкорликда ўрганишлар олиб борилди.

Бир қатор масъуллар томонидан “Навоий Дори-Дармон” акциядорлик жамиятида ижтимоий аҳамиятга эга дори воситалари билан таъминланиши ва зарур амалиётлар маркази талабларига мувофиқлаштириш ишлари билан танишилди.


📱 Website | 📱 Telegram |📱 Instagram | 📱 Facebook | 📱 Youtube