🟦🟦

🇺🇿🇨🇳 O‘zDJTU talabalari Xitoyda

O‘zbekiston davlat jahon tillari universiteti talabalari ishtirokidagi xalqaro ta’lim dasturi Xitoyning Xi’an International Studies University rasmiy saytida yoritildi.

“Bilim bilan Sian sari – Ipak yo‘li yoshlari” dasturi doirasida talabalar Sian shahrining tarixiy va madaniy maskanlari bo‘ylab sayohat qildilar. Jumladan, shaharning diqqatga sazovor joylari, tarixiy obidalari hamda madaniy merosi bilan yaqindan tanishdilar.

Safar davomida yoshlar uchun Xitoy madaniyati bilan tanishish, mahalliy yoshlar bilan muloqot qilish va yangi taassurotlar orttirishga qaratilgan turli tadbirlar ham tashkil etildi.

Mazkur xalqaro dastur O‘zDJTU talabalari uchun nafaqat ta’lim olish, balki Xitoyning boy tarixi va madaniyatini bevosita o‘rganish imkonini berdi.

📌 Manba: Xi’an International Studies University rasmiy sayti⁠

🌐 Biz ijtimoiy tarmoqlarda:
Telegram | Instagram | Facebook | Sayt

O‘zbekiston–Xitoy ta’limiy hamkorligi natijasida Xitoyda o‘zbek tili bo‘yicha yangi bakalavriat yo‘nalishi ochildi

O‘zbekiston va Xitoy o‘rtasidagi strategik sheriklik doirasida ta’lim va gumanitar sohalardagi hamkorlik tobora kengayib bormoqda. Ikki mamlakat oliy ta’lim muassasalari o‘rtasida yo‘lga qo‘yilayotgan hamkorlik aloqalari o‘zbek tili va madaniyatini Xitoyda keng targ‘ib etish, malakali mutaxassislar tayyorlash hamda akademik almashinuvni rivojlantirishga xizmat qilmoqda.

Mazkur hamkorlikning amaliy natijalaridan biri sifatida Xitoy Xalq Respublikasidagi Xi’an xalqaro tadqiqotlar universitetida (西安外国语大学) 2026/2027-o‘quv yilidan boshlab “乌兹别克语” — “O‘zbek tili” to‘rt yillik mustaqil bakalavriat ta’lim yo‘nalishi sifatida faoliyatini boshladi.

Mazkur yo‘nalish universitetning 2026-yilgi bakalavriat dasturlariga yangi yo‘nalish sifatida kiritilgan bo‘lib, uning tashkil etilishida O‘zbekiston davlat jahon tillari universiteti (O‘zDJTU) bilan yo‘lga qo‘yilgan hamkorlik muhim ahamiyat kasb etdi.

O‘zDJTU va Xi’an xalqaro tadqiqotlar universiteti o‘rtasidagi hamkorlik 2025-yilda yangi bosqichga ko‘tarildi. 2025-yil iyun oyida bo‘lib o‘tgan O‘zbekiston–Xitoy innovatsion hamkorlik xalqaro forumida ikki universitet o‘rtasida rasmiy hamkorlik kelishuvi imzolandi. Ushbu kelishuv o‘quv dasturlarini ishlab chiqish, professor-o‘qituvchilar va talabalar almashinuvi, qo‘shma ilmiy loyihalarni amalga oshirish hamda konferensiyalar o‘tkazish kabi yo‘nalishlarni qamrab oldi.

Shuningdek, O‘zDJTU xalqaro hamkorlik bo‘yicha prorektori A. Nasirovning Xi’an shahriga tashrifi davomida Xi’an xalqaro tadqiqotlar universiteti prorektori Deng Ying bilan uchrashuv o‘tkazilib, ikki oliy ta’lim muassasasi o‘rtasidagi hamkorlikni amaliy mazmun bilan boyitish, xususan, Xitoyda o‘zbek tilini o‘qitish va ushbu yo‘nalishda mutaxassislar tayyorlash masalalari muhokama qilindi.

Shu bilan birga, Xi’an xalqaro tadqiqotlar universiteti delegatsiyasining O‘zbekistonga tashrifi davomida ikki tomonlama hamkorlikni yanada mustahkamlashga qaratilgan memorandum imzolanishi ham mazkur jarayonning muhim bosqichlaridan biri bo‘ldi.

Ushbu kelishuvlar natijasida o‘zbek tilini Xitoyda mustaqil ta’lim yo‘nalishi sifatida rivojlantirish, uning o‘quv-uslubiy bazasini shakllantirish va sohada malakali kadrlar tayyorlash uchun zarur akademik zamin yaratildi.

Bu jarayonda O‘zDJTU professori, pedagogika fanlari doktori Shahlo Shukrullaevna Yuldashevaning ilmiy-pedagogik faoliyati ham alohida ahamiyatga ega. U 2026-yil 1-martdan boshlab Xi’an xalqaro tadqiqotlar universitetida ilmiy-pedagogik xizmat safarida bo‘lib, yangi yo‘nalish uchun o‘zbek tilini o‘qitishga oid o‘quv dasturlari va o‘quv-uslubiy adabiyotlarni yaratish ishlarida ishtirok etdi.

Yangi bakalavriat dasturi talabalarda o‘zbek tili bo‘yicha tinglash, gapirish, o‘qish, yozish va tarjima qilish ko‘nikmalarini shakllantirish bilan bir qatorda, O‘zbekistonning tarixi, adabiyoti, madaniyati, siyosati, iqtisodiyoti, ijtimoiy hayoti va boshqa sohalari haqida kompleks bilim berishga qaratilgan.

Dastur bitiruvchilarni diplomatiya, tashqi iqtisodiy va savdo munosabatlari, madaniy almashinuv, matbuot va nashriyot, ta’lim hamda ilmiy-tadqiqot sohalarida faoliyat yuritishi uchun zarur kompetensiyalar bilan ta’minlashni maqsad qiladi.

Xi’an xalqaro tadqiqotlar universitetida o‘zbek tilining mustaqil bakalavriat yo‘nalishi sifatida yo‘lga qo‘yilishi nafaqat ikki universitet o‘rtasidagi hamkorlikning amaliy natijasi, balki O‘zbekiston va Xitoy o‘rtasidagi ta’limiy, ilmiy va madaniy-gumanitar aloqalarning yangi bosqichga ko‘tarilayotganining muhim ko‘rinishidir.

🌐 Biz ijtimoiy tarmoqlarda:
Telegram | Instagram | Facebook | Sayt

Xi’an xalqaro tadqiqotlar universiteti prorektori O‘zDJTU professorini qabul qildi

Xitoy Xalq Respublikasining Xi’an xalqaro tadqiqotlar universitetida (西安外国语大学) 2026/2027-o‘quv yilidan faoliyatini boshlagan “乌兹别克语” — “O‘zbek tili” to‘rt yillik mustaqil bakalavriat ta’lim yo‘nalishida dars berayotgan O‘zbekiston davlat jahon tillari universiteti professori, pedagogika fanlari doktori Shaxlo Shukurlaevna Yuldashevani Xi’an xalqaro tadqiqotlar universiteti prorektori, professor Deng Ying qabul qildi.

Uchrashuvda yangi bakalavriat yo‘nalishining istiqbollari, uning tashkil etilishiga sabab bo‘lgan omillar hamda o‘quv jarayonini rivojlantirish masalalari muhokama qilindi.

Professor Deng Yingning ta’kidlashicha, 2026-yilda Shansi provinsiyasida 34 ta asosiy sanoat tarmog‘i zanjiri bo‘yicha “Bakalavriat yo‘nalishlarini rivojlantirish bo‘yicha yo‘l xaritasi” e’lon qilingan. Mazkur hujjat universitetda gumanitar va texnik fanlarni o‘zaro integratsiyalash jarayonini jadallashtirishga xizmat qilmoqda.

Sanoat va iqtisodiyot sohalarida o‘zbek tilini biladigan mutaxassislarga ehtiyoj ortib borayotgani sababli XISUda “O‘zbek tili” to‘rt yillik bakalavriat yo‘nalishi tashkil etilgani qayd etildi.

Shuningdek, universitetda “til + mintaqashunoslik + soha + raqamli texnologiyalar” modeli asosida mutaxassislar tayyorlash yo‘lga qo‘yilayotgani, mazkur yondashuv “Bir makon, bir yo‘l” tashabbusi doirasidagi davlatlar uchun zamonaviy va ko‘p yo‘nalishli kadrlar tayyorlashga xizmat qilishi ta’kidlandi. Markaziy Osiyoga ochilgan muhim ta’limiy darvoza sifatida Shimoli-g‘arbiy hududda joylashgan XISUning bu boradagi imkoniyatlari keng ekani qayd etildi.

Suhbat davomida professor Shaxlo Shukurlaevna Yuldasheva XISUda o‘zbek tili mashg‘ulotlari to‘liq immersiv yondashuv asosida tashkil etilayotganini ta’kidladi. Ya’ni ma’ruza va amaliy mashg‘ulotlar, shuningdek, talabalar bilan muloqot jarayonida vositachi tildan foydalanmagan holda o‘zbek tili muhiti yaratilmoqda.

Professor, shuningdek, mazkur metodika asosida “O‘zbek tili amaliyoti I” darsligini XISUda sinovdan o‘tkazgani va nashrga tayyorlaganini ma’lum qildi.

Uchrashuv yakunida O‘zDJTU va XISU o‘rtasidagi hamkorlikni rivojlantirish, o‘zbek tilini o‘qitish metodikasini takomillashtirish hamda yangi bakalavriat yo‘nalishining ta’limiy imkoniyatlarini kengaytirish bo‘yicha hamkorlikni davom ettirish muhimligi qayd etildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTU Tarjimonlik fakultetida 1-kurs talabalarini kutib olish marosimi bo‘lib o‘tdi

Bugun O‘zbekiston davlat jahon tillari universitetining Tarjimonlik fakultetida 1-kurs talabalarini kutib olishga bag‘ishlangan tantanali marosim bo‘lib o‘tdi.

Tadbirda universitet rektori Ilxomjon Tuxtasinov ishtirok etib, yangi o‘quv yilini boshlagan yoshlarni samimiy tabrikladi. Rektor o‘z nutqida talabalik davridan unumli foydalanish, xorijiy tillarni puxta o‘zlashtirish, bilim va ko‘nikmalarni muntazam rivojlantirish muhimligini ta’kidladi.

Marosimda Tarjimonlik fakulteti dekani, professor-o‘qituvchilar hamda talabalarning ota-onalari ishtirok etdi. Fakultet faoliyati, ta’lim jarayoni, yangi o‘quv yilidagi vazifalar va talabalar uchun yaratilgan imkoniyatlar haqida ma’lumot berildi.

Tadbir yakunida eng yuqori ball bilan talabalikka qabul qilingan 1-kurs talabalariga tashakkurnomalar topshirildi.

Shuningdek, yangi o‘quv yilining ilk kunida talabalar uchun “Kelajak soati”ning 1-mavzusi — “Yagona Vatan, yagona xalq bo‘lib, yangi hayot va kelajak yaratamiz!” mavzusida dars tashkil etildi.

Dars davomida talabalar universitetning o‘quv xonalari, ta’lim jarayoni va mavjud imkoniyatlari bilan yaqindan tanishtirildi. Ularga universitet hayoti, ichki tartib-qoidalar, ta’lim olish imkoniyatlari hamda talabalik davridan unumli foydalanish bo‘yicha zarur ma’lumotlar berildi.

Shuningdek, dars jarayonida talabalar bilan ochiq muloqot o‘tkazilib, ularning fikr va takliflari tinglandi. Yoshlarni vatanparvarlik, ma’rifatparvarlik, mas’uliyat va faol fuqarolik pozitsiyasi ruhida tarbiyalashga alohida e’tibor qaratildi.

🌐 Biz ijtimoiy tarmoqlarda:
Telegram | Instagram | Facebook | Sayt