“Ayol – qadriyatlar davomchisi” tadbiri o‘tkazildi

Joriy yilning 1-may kuni Uchtepa tumani Oila va xotin-qizlar bo‘limi tomonidan “Ayol – qadriyatlar davomchisi” mavzusida ma’naviy-ma’rifiy tadbir tashkil etildi.

Mazkur tadbirda O‘zbekiston davlat jahon tillari universitetining xotin-qizlar masalalari bo‘yicha rektor maslahatchisi F. Ashurova, Ingliz filologiya fakulteti xotin-qizlar masalalari bo‘yicha dekan maslahatchisi Z. Bannopova hamda Ingliz tili 1-fakulteti dekani G. Ergasheva faol ishtirok etib, nutq so‘zladilar.

Ular o‘z chiqishlarida ayollarning jamiyatdagi o‘rni, milliy qadriyatlarni asrab-avaylash, shuningdek, yosh avlod tarbiyasidagi beqiyos hissasi haqida atroflicha fikr bildirdilar.

Tadbir davomida universitet talabalari ham faol qatnashib, sahna ko‘rinishlari va ijodiy chiqishlari orqali yig‘ilishga o‘zgacha ruh bag‘ishladilar.

Tadbir yakunida ishtirokchilarga esdalik sovg‘alari topshirildi.

🌐 Biz ijtimoiy tarmoqlarda:
Telegram | Instagram | Facebook | Sayt

O‘zbekiston Milliy universitetida “Global ta’lim va umuminsoniy qadriyatlar: muammo va yechimlar” mavzusidagi xalqaro ilmiy-amaliy anjuman yuqori saviyada tashkil etildi.

Mazkur anjuman zamonaviy ta’lim tizimidagi dolzarb muammolarni muhokama qilish, ilg‘or pedagogik tajribalarni ommalashtirish hamda innovatsion yondashuvlarni joriy etishga qaratildi.

Anjumanda O‘zbekiston davlat jahon tillari universiteti Ingliz tili 3-fakulteti Ikkinchi chet tili kafedrasi dotsenti Musayeva Sevinj faol ishtirok etib, ilmiy ma’ruza bilan chiqish qildi. U o‘z nutqida global ta’lim tendensiyalari, umuminsoniy qadriyatlarning ta’lim jarayonidagi o‘rni, shuningdek, innovatsion metodlar asosida ta’lim samaradorligini oshirish masalalarini keng yoritib berdi.

Musayeva Sevinjning chiqishi ishtirokchilar tomonidan katta qiziqish bilan qarshi olinib, muhokamalar davomida dolzarb ilmiy va amaliy takliflar ilgari surildi. Anjuman doirasida xalqaro hamkorlikni kengaytirish, tajriba almashish hamda ta’lim sifatini oshirishga qaratilgan muhim g‘oyalar ilgari surildi.

Mazkur xalqaro ilmiy-amaliy anjumandagi faol ishtiroki va mazmunli ma’ruzasi uchun Musayeva Sevinj sertifikat bilan taqdirlandi. Bu esa uning ilmiy salohiyati va kasbiy mahoratini yana bir bor namoyon etdi.

🌐 Biz ijtimoiy tarmoqlarda:
Telegram | Instagram | Facebook | Sayt