Navbatdagi ko'rik-tanlov muvaffaqiyatli tashkil etildi!

104- umumta’lim maktabi o‘quvchilari o‘rtasida ingliz tiliga bo‘lgan qiziqishni oshirish, ularning bilim va ko‘nikmalarini aniqlash hamda iqtidorli yoshlarni qo‘llab-quvvatlash maqsadida 22- aprel kuni “You are best” nomli ingliz tili bo‘yicha ko‘rik-tanlov tashkil etildi. Tadbir yuqori saviyada, ko‘tarinki ruhda va faol ishtirok bilan o‘tkazildi. Tanlov Ingliz tili birinchi fakulteti Ingliz tilini o'qitish metodikasi N1 kafedrasi o'qituvchisi Juraboyeva Gulmira tomonidan tashkil etildi.

Mazkur tanlovda o‘quvchilar o‘z bilimlarini sinovdan o‘tkazish imkoniyatiga ega bo‘ldilar. Tanlov test shaklida bo‘lib, 2 qismdan iborat etib tashkil qilindi. Birinchi qismda ishtirokchilarning ingliz tili grammatikasi bo‘yicha bilimlari sinovdan o‘tkazildi. Ushbu bosqichda zamonlar, gap tuzilishi, modal fe’llar, artikllar va boshqa grammatik mavzular yuzasidan savollar berildi.

Ikkinchi qism esa o‘quvchilarning ingliz tilidagi lug‘at boyligini aniqlashga qaratildi. Bu bosqichda so‘z boyligi, sinonim-antonym topish, tarjima qilish hamda berilgan so‘zlardan to‘g‘ri foydalanish bo‘yicha topshiriqlar taqdim etildi. Ishtirokchilar mazkur bosqichda ham o‘z bilim va salohiyatlarini namoyon etdilar.

Tanlov yakunlariga ko‘ra, barcha ishtirokchilarning natijalari adolatli baholanib, eng yuqori ball to‘plagan 2 nafar o‘quvchi g‘olib deb topildi. G‘oliblar tashkilotchilar tomonidan esdalik sovg‘alari bilan taqdirlandilar.

Mazkur tanlov o‘quvchilarning ingliz tiliga bo‘lgan qiziqishini yanada oshirish, ularni izlanishga undash hamda bilimli yoshlarni rag‘batlantirishda muhim ahamiyat kasb etdi. Kelgusida ham shu kabi tanlovlarni muntazam ravishda tashkil etish rejalashtirilgan.

🌐 Biz ijtimoiy tarmoqlarda:
Telegram | Instagram | Facebook | Sayt