O‘zDJTUda italiyalik talabalar uchun “Yozgi maktab” loyihasi boshlandi

O‘zbekiston davlat jahon tillari universiteti Tarjimonlik fakulteti Italyan tili tarjima nazariyasi va amaliyoti kafedrasi tashabbusi bilan universitetning xalqaro nufuzini yanada mustahkamlash hamda xalqaro hamkorlik aloqalarini kengaytirish maqsadida Milan zamonaviy tillar va kommunikatsiyalar universiteti talabalari uchun “Yozgi maktab” loyihasi tashkil etildi.

Loyiha doirasida 18 nafar talaba va 4 nafar professor-o‘qituvchidan iborat delegatsiya 2026-yil 30-may kuni Toshkent xalqaro aeroportida tantanali kutib olindi. Mehmonlar uchun 30–31-may kunlari Toshkent shahrining tarixiy obidalari, madaniy maskanlari hamda diqqatga sazovor joylariga sayohatlar uyushtirildi.

30-maydan 8-iyunga qadar davom etadigan “Yozgi maktab” dasturi ishtirokchilarga o‘zbek tili, madaniyati, urf-odatlari va milliy qadriyatlarini yaqindan o‘rganish imkoniyatini yaratadi. Dasturdan o‘zbek tili va madaniyatiga bag‘ishlangan darslar, seminar-treninglar, madaniy tadbirlar hamda Samarqand va Buxoro kabi tarixiy shaharlarga tashriflar o‘rin olgan.

Mazkur loyiha xalqaro akademik hamkorlikni rivojlantirish, talabalarning madaniyatlararo muloqot ko‘nikmalarini boyitish hamda O‘zbekistonning boy tarixiy-madaniy merosini xorijiy yoshlarga keng targ‘ib etishga xizmat qiladi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTU delegatsiyasi Nukus shahriga yetib bordi

O‘zbekiston davlat jahon tillari universiteti delegatsiyasi Samarqand davlat veterinariya meditsinasi, chorvachilik va biotexnologiyalar universitetining Nukus filialida tashkil etiladigan tadbirlarda ishtirok etish maqsadida Nukus shahriga yetib bordi.

Delegatsiya a’zolari Nukus temiryo‘l vokzalida tantanali kutib olindi. Tashrif davomida universitet vakillari uchun qator uchrashuv va tadbirlarda ishtirok etish rejalashtirilgan.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

3-bosqich talabalari uchun yakuniy imtihonlar boshlandi!

O‘zbekiston davlat jahon tillari universitetining 😊Ingliz tili ikkinchi fakultetida 3-bosqich talabalari uchun yakuniy nazorat imtihonlari boshlandi.

Talabalar o‘quv yili davomida egallagan nazariy bilim va amaliy ko‘nikmalarini imtihonlar orqali namoyon etishmoqda. Imtihon jarayonlari belgilangan tartib asosida, shaffoflik va adolat tamoyillariga amal qilingan holda tashkil etilmoqda.

Jarayon davomida mas’ullar tomonidan imtihonlarning tartibli va xolis o‘tishi nazorat qilinib, talabalarga barcha zarur sharoitlar yaratilgan. Bu esa ularning bilimlarini erkin va to‘liq namoyon etishlariga xizmat qilmoqda.

Yakuniy imtihonlar tasdiqlangan jadval asosida davom etadi. 3-bosqich talabalari uchun barcha sinovlarda ulkan muvaffaqiyatlar va yuqori natijalar tilaymiz!

😊 Ingliz tili 2 fakulteti ishtimoiy tarmoqlardagi sahifalariga a’zo bo’ling.!

❤️Telegram 🧐 Instagram


🌿Orolbo‘yi hududida ilmiy ekspeditsiya o‘tkazildi

27–28-may kunlari universitetning Ekologiya va yashil resurslar kafedrasi professor-o‘qituvchilari tomonidan ilmiy-tadqiqot ishlari rejasiga muvofiq Orolbo‘yi hududiga ilmiy ekspeditsiya tashkil etildi.

Ekspeditsiyaning asosiy maqsadi Orol dengizining qurigan tubi ekologik holati, tuproq va o‘simlik qoplami xususiyatlari hamda hudud ekotizimining zamonaviy holatini o‘rganishdan iborat bo‘ldi.

Tadqiqotlar davomida ekspeditsiya a’zolari Mo‘ynoq shahrida bo‘lib, Orol dengizi tarixi muzeyi (Kemalar qabristoni muzeyi) hamda Mo‘ynoq mayog‘iga tashrif buyurdilar. Mutaxassislar Orol dengizining qurishi natijasida yuzaga kelgan ekologik va ijtimoiy-iqtisodiy jarayonlar bilan yaqindan tanishdilar.

Shuningdek, Ustyurt platosi kanyonlari, ko‘chmanchilar maqbarasi va tarixiy-arxeologik yodgorlik hisoblangan Qurg‘on-Qal’a majmuasida kuzatuvlar olib borildi. Hududning tabiiy landshaftlari hamda cho‘llanish jarayonlari o‘rganildi.

Sudochye ko‘li hududida suv-botqoqlik ekotizimlarining biologik xilma-xilligi bo‘yicha dala kuzatuvlari amalga oshirildi. Tadqiqotlar davomida flamingolar va boshqa suv qushlarining mavjudligi qayd etildi.

Ekspeditsiya doirasida Orol dengizi atrofidagi turli masofalardan tuproq namunalari olinib, laboratoriya tahlillari uchun yig‘ildi. Bundan tashqari, saksovul va boshqa cho‘l o‘simliklarining namunalari to‘planib, ularning qurg‘oqchil va sho‘rlangan muhitga moslashuv xususiyatlarini o‘rganish uchun ilmiy materiallar shakllantirildi.

Mazkur ekspeditsiya natijalari Orolbo‘yi hududining ekologik holatini baholash, ilmiy ma’lumotlar bazasini boyitish hamda ekologiya yo‘nalishida mutaxassislar tayyorlash jarayonida foydalaniladi.

🌐 Biz ijtimoiy tarmoqlarda:
Telegram | Instagram | Facebook | Sayt