O‘ZBEKISTON DAVLAT JAHON TILLARI UNIVERSITETI HUZURIDAGI PEDAGOG KADRLARNI QAYTA TAYYORLASH VA MALAKASINI OSHIRISH TARMOQ MARKAZI

🌎🎓 Xalqaro qo‘shma malaka oshirish kurslarining Malayziya bosqichi muvaffaqiyatli yakunlandi

🇺🇿🇲🇾 O‘zbekiston davlat jahon tillari universiteti huzuridagi pedagog kadrlarni qayta tayyorlash va malakasini oshirish tarmoq markazi hamda Malayziyaning Kuala-Lumpur shahridagi INTI International University o‘rtasida tashkil etilgan xalqaro qo‘shma malaka oshirish kurslarining Malayziya tomonida amalga oshirilgan 72 soatlik o‘quv bosqichi muvaffaqiyatli yakunlandi.

📚 O‘quv jarayonlari davomida tinglovchilar uchun zamonaviy ta’lim metodikalari, innovatsion pedagogik texnologiyalar, xalqaro ta’lim tizimidagi ilg‘or tajribalar hamda amaliy mashg‘ulotlar tashkil etildi.

🤝 Tinglovchilar xorijiy professor-o‘qituvchilar bilan akademik tajriba almashib, xalqaro ta’lim muhiti bilan yaqindan tanishish hamda kasbiy kompetensiyalarini mustahkamlash imkoniyatiga ega bo‘ldilar.

🏅 Kurs yakuniga bag‘ishlangan tantanali tadbirda tinglovchilarga INTI International University tomonidan sertifikatlar topshirildi.

✨ Endilikda xalqaro qo‘shma malaka oshirish kurslarining navbatdagi bosqichi O‘zbekiston davlat jahon tillari universiteti huzuridagi pedagog kadrlarni qayta tayyorlash va malakasini oshirish tarmoq markazida davom ettiriladi.

🌐 Mazkur xalqaro loyiha pedagog kadrlarning kasbiy salohiyatini oshirish, xalqaro tajribalarni o‘rganish hamda ta’lim sohasidagi xalqaro hamkorlikni yanada mustahkamlashga xizmat qilmoqda.

📱Bizni quyidagi ijtimoiy tarmoqlar orqali kuzating👇🏻

🚀 Telegram

🔵Facebook

📷Instagram

✨✨✨✨

25-may kuni O‘zbekiston davlat jahon tillari universiteti Xalqaro jurnalistika fakultetida O‘zbekistonda xizmat ko‘rsatgan jurnalist Zaripova Ranoxon Zaripovna ishtirokida “O‘zbekiston Qahramonlari hayoti va faoliyati” mavzusida davra suhbati bo‘lib o‘tdi.

Tadbirda professor-o‘qituvchilar, talaba-yoshlar hamda mehmonlar ishtirok etdilar.

Davra suhbati davomida yurtimiz ravnaqi, xalq farovonligi hamda mustaqillikni mustahkamlash yo‘lida fidokorona xizmat qilgan O‘zbekiston Qahramonlarining hayoti va faoliyati haqida atroflicha so‘z yuritildi. Ularning Vatan taraqqiyotiga qo‘shgan ulkan hissasi va ibratli hayot yo‘li yosh avlodni vatanparvarlik ruhida tarbiyalashda muhim ahamiyat kasb etishi ta’kidlandi.

Shuningdek, talabalar tomonidan qahramonlarning jasorati, mehnatsevarligi hamda xalq manfaatlari yo‘lida amalga oshirgan xizmatlari yuzasidan ma’ruzalar qilinib, fikr-mulohazalar bildirildi.

Tadbir yakunida bunday uchrashuvlar yoshlarning tarixiy xotira va vatanparvarlik tuyg‘ularini mustahkamlashga xizmat qilishi qayd etildi.

🌐 Biz ijtimoiy tarmoqlarda:
Telegram | Instagram | Facebook | Sayt

✨✨✨✨

“Kelajak kasblari. Mening kasbim” mavzusida uchrashuv o‘tkazildi

O‘zbekiston davlat jahon tillari universiteti “Pedagogika va psixologiya” kafedrasi professor-o‘qituvchilari — pedagogika fanlari falsafa doktori (PhD) I. Moyanov, pedagogika fanlari falsafa doktori (PhD), dotsent D. Davronova, psixologiya fanlari falsafa doktori (PhD), v.b. dotsent D. Polvanova, psixologiya fanlari falsafa doktori (PhD), katta o‘qituvchi A. Bozorov hamda katta o‘qituvchilar G. Risova, Sh. Mirzaahmedov, J. G‘ulomov va G. Qalandarovalar Uchtepa tumanidagi 107-umumiy o‘rta ta’lim maktabiga tashrif buyurdilar.

Tashrif doirasida 107-maktab o‘qituvchilari va bitiruvchi sinf o‘quvchilari ishtirokida “Kelajak kasblari. Mening kasbim” mavzusida uchrashuv tashkil etildi.

Uchrashuv davomida kasblar olami, kasb tanlash motivlari hamda kasb tanlash formulasi yuzasidan atroflicha suhbatlar olib borildi. Shuningdek, o‘quvchilarga kelajakda to‘g‘ri kasb tanlash, o‘z qobiliyat va qiziqishlarini to‘g‘ri baholash bo‘yicha tavsiyalar berildi.
Tadbir yakunida bunday uchrashuvlar yoshlarning kasbga bo‘lgan qiziqishini oshirish hamda ularning kelajakdagi professional yo‘nalishini to‘g‘ri belgilashda muhim ahamiyat kasb etishi ta’kidlandi.

🌐 Biz ijtimoiy tarmoqlarda:
Telegram | Instagram | Facebook | Sayt