🟦🟦🟦🟦🟦🟦🟦

Bugun O‘zbekiston davlat jahon tillari universiteti Ingliz tili 2-fakulteti dekani Bazarov Zokir Mehrikulovich hamda fakultet jamoasi tomonidan 1- va 2-sonli talabalar turar joyiga tashrif buyurildi.

Tashrifdan ko‘zlangan asosiy maqsad — talabalarni yakuniy imtihonlar oldidan qo‘llab-quvvatlash, ularning kayfiyatini ko‘tarish va bo‘sh vaqtlarini mazmunli tashkil etishdan iborat bo‘ldi.

Tashrif davomida talabalar bilan gulxan atrofida samimiy suhbat tashkil etildi. Suhbat jarayonida ularning yashash sharoiti, darslarga tayyorgarligi hamda yakuniy imtihonlarga hozirlik jarayoni haqida fikr almashildi.

Shuningdek, gulxan atrofida kuy-qo‘shiqlar yangrab, musiqiy chiqishlar orqali talabalar kayfiyati yanada ko‘tarildi. Ushbu samimiy uchrashuv talabalarga unutilmas taassurot ulashdi hamda ularni oldinda turgan imtihonlarga yanada ruhlantirdi.

😊 Ingliz tili 2 fakulteti ishtimoiy tarmoqlardagi sahifalariga a’zo bo’ling.!

❤️Telegram 🧐 Instagram


🟦🟦🟦

🏊‍♂️ Suzish boʻyicha “Yangi Oʻzbekiston talabalari Olimpiadasi”ning Toshkent shahar bosqichi yakunlandi

Joriy yilning 14–15-may kunlari Singapur menejmentni rivojlantirish instituti suzish havzasida sportning suzish turi boʻyicha talaba-yigitlar va qizlar oʻrtasida “Yangi Oʻzbekiston talabalari Olimpiadasi” sport musobaqalarining Toshkent shahar bosqichi boʻlib oʻtdi.

Musobaqaning ochilish marosimida “Uzbekistan Aquatics” federatsiyasi, Singapur menejmentni rivojlantirish instituti hamda Oʻzbekiston kasaba uyushmalari federatsiyasi vakillari ishtirok etdi.

Sportchilar suzishning erkin, chalqancha hamda estafeta (erkin) yoʻnalishlarida oʻzaro bahs olib bordilar.

Quvonarlisi, Oʻzbekiston davlat jahon tillari universiteti terma jamoasi musobaqada munosib ishtirok etib, jami 3 ta oltin, 4 ta kumush va 1 ta bronza medalini qoʻlga kiritdi.

🏅Natijalar:

🥇100 metr erkin usul — Xudoyqulova Nilufar Sayitqul qizi
🥇100 metr chalqancha usul — Hayitmurodova Dilnoza Husan qizi
🥇4x50 metr erkin usul estafeta — Abdullayeva Raʼnoxon Oqiljon qizi, Hayitmurodova Dilnoza Husan qizi, Baxromova Gulchehra Baxrom qizi, Xudoyqulova Nilufar Sayitqul qizi

🥈50 metr erkin usul — Baxromova Gulchehra Baxrom qizi
🥈50 metr erkin usul — Rustamov Temur Sirojiddinovich
🥈50 metr chalqancha usul — Abdullajonova Raʼnoxon Oqiljon qizi
🥈50 metr chalqancha usul — Rustamov Temur Sirojiddinovich

🥉100 metr chalqancha usul — Foziljonov Kozimbek Umid oʻgʻli

🖥 Ma’lumot uchun: musobaqaning Respublika bosqichi joriy yilning 1–10-iyun kunlari Olimpiya shaharchasida boʻlib oʻtadi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

🏀 O‘zbekiston davlat jahon tillari universiteti rektori Ilxomjon Madaminovich Tuxtasinov universitetning O‘zDJTU terma jamoasining Toshkent shahar bosqichida talaba-qizlar o‘rtasida basketbol sport turi bo‘yicha o‘tkaziladigan “Talabalar ligasi” musobaqasiga tayyorgarlik jarayoni bilan tanishdi.

⛹️‍♀️ Mashg‘ulotlar davomida jamoa a’zolarining jismoniy tayyorgarligi, taktik mashqlari hamda musobaqaga tayyorgarlik holati kuzatildi. Rektor sportchi talaba-qizlar bilan suhbatlashib, ularga omad va muvaffaqiyat tiladi.

Shuningdek, universitetda yoshlarning sport bilan muntazam shug‘ullanishi, sog‘lom turmush tarzini targ‘ib etish hamda iqtidorli sportchilarni qo‘llab-quvvatlash borasida amalga oshirilayotgan ishlar alohida ta’kidlandi.

🌐 Biz ijtimoiy tarmoqlarda:
Telegram | Instagram | Facebook | Sayt