#SiyosiyMarifatSoati

🟦🟦🟦

Siyosiy-ma’rifat soatining 19-soni O‘zDJTUda bo‘lib o‘tdi

2026-yil 15-may kuni O‘zbekiston davlat jahon tillari universitetining barcha fakultetlarida siyosiy-ma’rifat soatining navbatdagi — 19-soni tashkil etildi. Unda mamlakatimizda amalga oshirilayotgan islohotlar, siyosiy-ijtimoiy jarayonlar hamda qonunchilikdagi muhim yangiliklar yuzasidan ma’lumotlar taqdim etildi.

Siyosiy-ma’rifat soati Respublika Ma’naviyat va ma’rifat markazi, Prezident huzuridagi Boshqaruv samaradorligi agentligi hamda O‘zbekiston Mahallalari uyushmasi tomonidan ilgari surilgan tashabbuslar asosida tashkil etildi.

Fakultet jamoalari, professor-o‘qituvchilar hamda xodimlar ishtirokida o‘tgan siyosiy-ma’rifat soatida davlatimizda olib borilayotgan keng ko‘lamli islohotlar, qonunchilikdagi yangiliklar va ularning mazmun-mohiyati haqida fikr almashildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTU talabalari xalqaro ko‘rgazmada ishtirok etdi

13–14-may kunlari Toshkent shahridagi Botanika bog‘ida Yoshlar ishlari agentligi tomonidan yoshlar innovatsiyalari, startap loyihalari hamda ilmiy ishlanmalarga bag‘ishlangan xalqaro ko‘rgazma tashkil etildi.

Mazkur ko‘rgazmada O‘zbekiston davlat jahon tillari universitetining iqtidorli talabalari, yosh tadqiqotchilari hamda innovatsion g‘oya mualliflari faol ishtirok etdilar.
Ko‘rgazma davomida ishtirokchilar o‘zlarining startap loyihalari, ilmiy izlanishlari va innovatsion tashabbuslarini namoyish etib, boshqa oliy ta’lim muassasalari vakillari bilan tajriba almashdilar.

Shuningdek, ko‘rgazma doirasida yoshlarning innovatsion fikrlashini qo‘llab-quvvatlash, ilmiy faoliyatga qiziqishini oshirish hamda istiqbolli loyihalarni rivojlantirishga qaratilgan muloqotlar tashkil etildi.

O‘zDJTU vakillarining xalqaro ko‘rgazmadagi faol ishtiroki universitetda ilm-fan, innovatsiya va startap ekotizimini rivojlantirish borasida olib borilayotgan ishlarning amaliy natijasi bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦

O‘zDJTUda PhD dissertatsiyasi himoyasi bo‘lib o‘tdi

15-may kuni O‘zbekiston davlat jahon tillari universitetida pedagogika fanlari bo‘yicha falsafa doktori (PhD) dissertatsiyasi himoyasiga bag‘ishlangan ilmiy kengash majlisi bo‘lib o‘tdi.

Unda Norboyev Zafar Abdumuminovichning 13.00.02 – Ta’lim va tarbiya nazariyasi va metodikasi ixtisosligi bo‘yicha tayyorlangan “Filologik yo‘nalishdagi OTMlarda CEFR mezonlari orqali yangi avlod darsliklarini yaratish texnologiyasi (arab tili misolida)” mavzusidagi dissertatsiyasi muhokama qilindi.

Ilmiy kengash majlisi oflayn hamda ZOOM onlayn platformasi orqali tashkil etildi. Himoya jarayonida dissertatsiyaning dolzarbligi, ilmiy yangiligi, amaliy ahamiyati hamda ta’lim tizimidagi o‘rni yuzasidan fikr-mulohazalar bildirildi.

Majlisda pedagogika fanlari doktori (DSc), professor Ilxomjon Tuxtasinov hamda rasmiy opponentlar ishtirok etdilar.

Dissertatsiya himoyasi ilmiy-tadqiqot faoliyatini rivojlantirish, ta’lim sifatini oshirish hamda zamonaviy pedagogik texnologiyalarni amaliyotga joriy etish borasidagi muhim ilmiy ishlardan biri sifatida e’tirof etildi.

🌐 Biz ijtimoiy tarmoqlarda:
Telegram | Instagram | Facebook | Sayt