📚 ILM-FAN VA KITOBXONLIKKA BAG‘ISHLANGAN UCHRASHUV

2026-yil 14-may kuni O‘zbekiston davlat jahon tillari universiteti Roman-german filologiyasi fakulteti Ispan tili amaliy fanlar kafedrasi mudiri, filologiya fanlari doktori (DSc), professor Dilrabo Keldiyorovna Baxronova ishtirokida talabalar bilan ma’naviy-ma’rifiy uchrashuv tashkil etildi. Tadbir 1-TTJda bo‘lib o‘tdi.

🧠 Uchrashuv davomida ilmiy faoliyatning bugungi kundagi ahamiyati, yoshlarning zamonaviy ta’limdagi o‘rni, xorijiy tillarni samarali o‘rganish usullari hamda tarjimashunoslik va madaniyatlararo muloqot masalalari haqida fikr almashildi. Shuningdek, kitobxonlik madaniyatini rivojlantirishning yoshlar tafakkuridagi o‘rni alohida ta’kidlandi. Tadbirda 1-TTJ tarbiyachi-pedagogi Z.Karimova ham ishtirok etdi.

🤝 Tadbir davomida talabalar o‘zlarini qiziqtirgan savollarga javob olib, professor bilan ochiq muloqot qilish imkoniyatiga ega bo‘lishdi. Uchrashuv samimiy va ko‘tarinki ruhda o‘tib, talabalarda ilm-fan va kitobxonlikka bo‘lgan qiziqishni yanada oshirdi.

✅ Biz bilan birga bo’ling!

📱 Telegram 📱 Instagram 📱 You Tube

O‘zDJTU vakillari “Karyera kuni – 2026” tadbirida faol ishtirok etdi

2026-yil 14-may kuni Toshkent menejment va iqtisodiyot instituti hududida tashkil etilgan “Karyera kuni – 2026” axborot-tanishuv tadbirida O‘zbekiston davlat jahon tillari universiteti Karyera markazi vakillari faol иштирок etdilar.

Mazkur tadbir O‘zbekiston Respublikasi Prezidenti tomonidan yoshlar bandligini ta’minlash, ta’lim sifati hamda mehnat bozori integratsiyasini kuchaytirish yuzasidan belgilangan ustuvor vazifalar ijrosini ta’minlash maqsadida tashkil etildi.

🤝 Tadbir davomida:

🔹 turli tashkilot va korxonalar vakillari bilan samarali uchrashuvlar o‘tkazildi
🔹 bitiruvchilar uchun mavjud vakant ish o‘rinlari haqida batafsil ma’lumotlar olindi
🔹 amaliyot o‘tash va bandlik imkoniyatlari yuzasidan fikr almashildi
🔹 hamkorlik aloqalarini kengaytirish bo‘yicha muhim kelishuvlarga erishildi

Shuningdek, O‘zDJTU bitiruvchilari ish bilan ta’minlanishi uchun nufuzli tashkilotlarga yo‘nalishlar berilib, zamonaviy mehnat bozori talablariga mos zarur tavsiyalar hamda amaliy ma’lumotlarga ega bo‘ldilar.

Tadbir universitet bitiruvchilari uchun yangi imkoniyatlarni o‘rganish, ish beruvchilar bilan to‘g‘ridan to‘g‘ri muloqot o‘rnatish hamda kelgusidagi hamkorlik yo‘nalishlarini belgilashda muhim ahamiyat kasb etdi.

O‘zDJTU Karyera markazi tomonidan talabalar va bitiruvchilar bandligini ta’minlashga qaratilgan bunday tashabbuslar izchil davom ettiriladi.

🌐 Biz ijtimoiy tarmoqlarda:
Telegram | Instagram | Facebook | Sayt