🟦🟦🟦

Bilim, tajriba va yangi imkoniyatlar sari yana bir qadam!

🇺🇿 O‘zbekiston Respublikasi Yoshlar ishlari agentligining tegishli xatiga asosan, joriy yilning 4–9-may kunlari Toshkent viloyati Bo‘stonliq tumanida tashkil etilgan “Vikioromgoh” loyihasida 🇺🇿 O‘zbekiston davlat jahon tillari universitetining bir qancha iqtidorli va faol talaba-yoshlari munosib ishtirok etib qaytdi.

✅ Oromgoh davomida ishtirokchilar uchun Wikipedia platformasi bilan ishlash, maqola yaratish va tahrirlash, ishonchli manbalar bilan ishlash, o‘zbek tilidagi kontentlarni boyitish bo‘yicha maxsus darslar, amaliy mashg‘ulotlar va treninglar tashkil etildi.

🎯 Shuningdek, loyiha davomida yoshlarning bo‘sh vaqtini mazmunli tashkil etish maqsadida intellektual bellashuvlar, jamoaviy o‘yinlar, motivatsion uchrashuvlar, qiziqarli tanlovlar hamda madaniy hordiq tadbirlari o‘tkazildi. Bu esa ishtirokchilarning nafaqat bilim va ko‘nikmalarini oshirish, balki yangi do‘stlar orttirish, jamoa bilan ishlash tajribasini mustahkamlashiga xizmat qildi.

➡️ “Vikioromgoh” loyihasi yoshlarning bilim salohiyatini oshirish, raqamli savodxonligini rivojlantirish hamda milliy kontentni boyitishga hissa qo‘shuvchi muhim tashabbuslardan biri sifatida barchada iliq taassurot qoldirdi.

Ishonamizki, ushbu oromgohda orttirilgan bilim va tajribalar talaba-yoshlarning kelgusidagi faoliyatida muhim o‘rin tutadi.

🌐 Biz ijtimoiy tarmoqlarda:
Telegram | Instagram | Facebook | Sayt