Konferensiya doirasida 3 ta parallel panel sessiya tashkil etildi.

I-panel sessiya
“Raqamli jamiyatda oila: kommunikatsiya, xavfsizlik va yangi tarbiyaviy yondashuvlar”

Moderator:
Beknazarova Saida — Toshkent axborot texnologiyalari universiteti

Sessiyada Raxmonkulova Nilufar Xodji-Akbarovna, Qurbonbekova Mohichehra Turobjonovna, Xamdamova Firuza Urazaliyevna va Otaxonova Bahrixon Ibragimovna raqamli platformalar, oilaviy kommunikatsiya xavfsizligi hamda ijtimoiy tarmoqlarda monitoring tizimlari bo‘yicha taqdimotlar qildi.

II-panel sessiya
“Oila va vatanparvarlik tarbiyasi: zamonaviy ilmiy tadqiqotlar, tendensiyalar va metodologiya”

Moderator:
Akramova Feruza Akmalovna — O‘zbekiston milliy pedagogika universiteti

Yusupova Zebo Xusanovna, Xalikova Moxira Kundibayevna, Sa’dullayeva Gulnoza Sodiq qizi hamda Abduxalilova Laylo Toxtasinovna yoshlar tarbiyasi, milliy video-o‘yinlar, raqamli transformatsiya va demografik prognozlar bo‘yicha ilmiy ishlanmalarini taqdim etdi.

III-panel sessiya
“Oila va ta’lim tizimida vatanparvarlik tarbiyasi: institutsional yondashuvlar va pedagogik texnologiyalar”

Moderator:
Xojiyev Rasul Boynazar o‘g‘li — Oila va gender ilmiy-tadqiqot instituti

Sessiyada Shadmanova Sanavar Bazarbayevna, Tojiyeva Zulxumor Nazarovna va Djumabayeva Jamila Sharipovna innovatsion elektron platformalar, oilaviy tarkibning multimedia tahlili hamda ilmiy-raqamli ta’lim mahsulotlari yuzasidan ma’ruza qildi.

Konferensiya yakunida ishtirokchilar o‘rtasida fikr-mulohazalar almashildi, ilmiy-amaliy takliflar ishlab chiqildi hamda barcha qatnashchilarga sertifikatlar topshirildi.

🌐 Biz ijtimoiy tarmoqlarda:
Telegram | Instagram | Facebook | Sayt

Yoshlar bilan uchrashuv: e’tibor va samimiyatga boy tashrif

7-may kuni Ingliz tili 1-fakulteti dekani Guli Ergasheva 2-son Talabalar turar joyiga tashrif buyurib, talabalar holidan xabar oldi.

Uchrashuv samimiy va iliq muhitda o‘tkazilib, unda talabalar bilan ochiq muloqot tashkil etildi. Suhbat davomida yoshlarning fikr va takliflari tinglanib, ularning yashash sharoiti, kundalik hayoti, kayfiyati hamda orzu-maqsadlari bilan yaqindan tanishildi.

Tashrif davomida bir qator ma’naviy va ijodiy lahzalar ham tashkil etildi:

Mahorat darsi doirasida tayyorlangan “sirli taom” barchaga ko‘tarinki kayfiyat ulashdi;
Pianinoda ijro etilgan nafis va jonli kuylar uchrashuvga alohida fayz bag‘ishladi;
Talabalar tomonidan ijro etilgan universitet madhiyasi va fleshmob esa barchani yanada birlashtirdi.

Mazkur tashrif nafaqat talabalar uchun motivatsion uchrashuv, balki mehr, e’tibor va samimiyatga boy unutilmas lahzalarga aylandi.

Talaba qalbiga yo‘l — e’tibor va samimiyatdan boshlanadi.

🌐 Biz ijtimoiy tarmoqlarda:
Telegram | Instagram | Facebook | Sayt