🔻🔻🔻🔻🔻

8-may kuni O‘zbekiston davlat jahon tillari universitetida O‘zbekiston Respublikasi Oliy ta’lim, fan va innovatsiyalar vazirligi hamda Oila va xotin-qizlar qo‘mitasi hamkorligida “Oila — Vatan poydevori: zamonaviy jamiyatda oilaning ijtimoiy-ma’naviy ahamiyati” mavzusidagi Respublika ilmiy-amaliy konferensiyasi bo‘lib o‘tdi.

Mazkur anjumanda vazirlik va idoralar rahbarlari, oliy ta’lim muassasalari professor-o‘qituvchilari, olima ayollar, ilmiy tadqiqotchilar hamda yosh olimlar ishtirok etdi.

Konferensiyani O‘zbekiston Respublikasi Bosh vaziri o‘rinbosari Z.B. Maxkamova ochib berdi.

Tadbirda Oliy ta’lim, fan va innovatsiyalar vaziri K.A. Sharipov hamda O‘zbekiston davlat jahon tillari universiteti rektori I.M. Tuxtasinov tabrik so‘zlari bilan ishtirok etdi.

Asosiy ma’ruzalarda:

🔹 Nurmatova Mukarram Ahmedovna — Yangi O‘zbekistonda oila institutini rivojlantirish va xotin-qizlarni ijtimoiy qo‘llab-quvvatlashning ustuvor yo‘nalishlari;

🔹 Saidova Lola Abduvaxidovna — oilada gender tenglikni ta’minlashning huquqiy, ijtimoiy va psixologik asoslari;

🔹 Sodiqova Shoxida — yoshlarni vatanparvarlik ruhida tarbiyalashda milliy va umuminsoniy qadriyatlarning o‘rni;

🔹 Jamoliddinova Odina Rasulovna — oilada vatanparvar shaxsni tarbiyalashning pedagogik shart-sharoitlari;

🔹 Xolida Ziyayeva — xotin-qizlarga nisbatan tazyiq va zo‘ravonlikka qarshi kurashishning tashkiliy-huquqiy mexanizmlari;

🔹 Abdullayeva Barno Sagdullayevna — globallashuv sharoitida oila instituti transformatsiyasi.

Ma’ruzalarda raqamli transformatsiya sharoitida oilaviy qadriyatlarni asrash, yoshlar tarbiyasida oila, mahalla va ta’lim muassasalari hamkorligini kuchaytirish, hamda xotin-qizlarning ilm-fandagi faolligini qo‘llab-quvvatlash kabi dolzarb masalalar muhokama qilindi.

🌐 Biz ijtimoiy tarmoqlarda:
Telegram | Instagram | Facebook | Sayt

Konferensiya doirasida 3 ta parallel panel sessiya tashkil etildi.

I-panel sessiya
“Raqamli jamiyatda oila: kommunikatsiya, xavfsizlik va yangi tarbiyaviy yondashuvlar”

Moderator:
Beknazarova Saida — Toshkent axborot texnologiyalari universiteti

Sessiyada Raxmonkulova Nilufar Xodji-Akbarovna, Qurbonbekova Mohichehra Turobjonovna, Xamdamova Firuza Urazaliyevna va Otaxonova Bahrixon Ibragimovna raqamli platformalar, oilaviy kommunikatsiya xavfsizligi hamda ijtimoiy tarmoqlarda monitoring tizimlari bo‘yicha taqdimotlar qildi.

II-panel sessiya
“Oila va vatanparvarlik tarbiyasi: zamonaviy ilmiy tadqiqotlar, tendensiyalar va metodologiya”

Moderator:
Akramova Feruza Akmalovna — O‘zbekiston milliy pedagogika universiteti

Yusupova Zebo Xusanovna, Xalikova Moxira Kundibayevna, Sa’dullayeva Gulnoza Sodiq qizi hamda Abduxalilova Laylo Toxtasinovna yoshlar tarbiyasi, milliy video-o‘yinlar, raqamli transformatsiya va demografik prognozlar bo‘yicha ilmiy ishlanmalarini taqdim etdi.

III-panel sessiya
“Oila va ta’lim tizimida vatanparvarlik tarbiyasi: institutsional yondashuvlar va pedagogik texnologiyalar”

Moderator:
Xojiyev Rasul Boynazar o‘g‘li — Oila va gender ilmiy-tadqiqot instituti

Sessiyada Shadmanova Sanavar Bazarbayevna, Tojiyeva Zulxumor Nazarovna va Djumabayeva Jamila Sharipovna innovatsion elektron platformalar, oilaviy tarkibning multimedia tahlili hamda ilmiy-raqamli ta’lim mahsulotlari yuzasidan ma’ruza qildi.

Konferensiya yakunida ishtirokchilar o‘rtasida fikr-mulohazalar almashildi, ilmiy-amaliy takliflar ishlab chiqildi hamda barcha qatnashchilarga sertifikatlar topshirildi.

🌐 Biz ijtimoiy tarmoqlarda:
Telegram | Instagram | Facebook | Sayt