​🕊️ Xotira va qadrlash kuni munosabati bilan ochiq dars tashkil etildi

Xotira va qadrlash kuni munosabati bilan “Ingliz tilini ikkinchi chet tili sifatida o‘qitish” kafedrasi ingliz tili o‘qituvchisi Ashurova Zulayho tomonidan talabalar ishtirokida ochiq dars tashkil etildi.

📚 Dars davomida talabalar ajdodlarimiz xotirasiga bag‘ishlangan ingliz tilidagi chiqishlar, maktublar va ijodiy posterlar bilan faol ishtirok etdilar.

🤝 Tadbirda fakultet rahbariyati, ustozlar va mehmonlar ham qatnashib, talabalar ijodini yuqori baholadilar.

✨ Mazkur tadbir barchaga unutilmas taassurot ulashdi.

Bizning rasmiy sahifalarimiz:
Telegram | Instagram | YouTube |Facebook

Ingliz filologiyasi fakulteti Ingliz tili amaliy aspektlari kafedrasi tomonidan “Raqamli davrda til, tafakkur va madaniyat: sun’iy intellekt va gumanitar fanlar integratsiyasi” mavzusida an’anaviy Respublika ilmiy-amaliy konferensiyasi yuqori saviyada o‘tkazildi.

7-may kuni bo‘lib o‘tgan anjumanda talabalar, magistrantlar va yosh tadqiqotchilar zamonaviy ta’lim hamda ilm-fanning dolzarb masalalari yuzasidan o‘z ilmiy ishlari va innovatsion g‘oyalari bilan ishtirok etdilar. Konferensiyada sun’iy intellektning gumanitar fanlarga ta’siri, raqamli texnologiyalarning ta’limdagi o‘rni, xorijiy tillarni o‘qitishda AI imkoniyatlari hamda kreativ va tanqidiy fikrlashni rivojlantirish masalalari muhokama qilindi.

Tadbir yakunida ishtirokchilar uchun “Omadli raqam” yutuqli o‘yini tashkil etilib, konferensiya ko‘tarinki ruhda yakunlandi.

Konferensiya doirasida turli shoʻbalarda talabalar o‘zlarining dolzarb mavzulardagi ilmiy maqolalari va tadqiqot ishlari bilan faol ishtirok etishdi.

📚 Ilmiy chiqishlar davomida:
📌 Kompyuter lingvistikasi va sun’iy intellekt texnologiyalari
📌 Xorijiy til ta’limida AI platformalari va raqamli pedagogika
📌 Adabiyot va madaniyat tadqiqotlarida yangi nazariy yondashuvlar
📌 Madaniyatlararo muloqot va turizm sohalaridagi istiqbolli tadqiqotlar
📌 Tili o‘rganilayotgan mamlakatlar tarixi, madaniyati va ijtimoiy hayoti kabi yo‘nalishlarda qiziqarli ma’ruzalar tinglandi.

👏 Hakamlar hay’ati tomonidan eng yaxshi ilmiy ishlar saralab olinib, faol ishtirok etgan talabalar faxrli I, II, III darajali diplomlar hamda sertifikatlar bilan taqdirlanishdi.

💐 Barcha ishtirokchilarni munosib natijalari bilan tabriklaymiz va kelgusidagi ilmiy faoliyatlariga ulkan muvaffaqiyatlar tilaymiz!