🟦🟦🟦

“ISPAN TILI O‘QITISHNING ZAMONAVIY METODIKASI VA PEDAGOGIK TEXNOLOGIYALARI” QISQA MUDDATLI O‘QUV KURSLARI MUVAFFAQIYATLI YAKUNLANDI

O‘zbekiston davlat jahon tillari universiteti huzuridagi pedagog kadrlarni qayta tayyorlash va malakasini oshirish tarmoq markazida professor-o‘qituvchilar uchun tashkil etilgan “Ispan tili o‘qitishning zamonaviy metodikasi va pedagogik texnologiyalari” qisqa muddatli o‘quv kurslari muvaffaqiyatli yakunlandi.

Mazkur kurslar davomida Ispaniyaning yetakchi oliy ta’lim muassasalaridan tashrif buyurgan malakali xorijiy mutaxassislar — Dr. María Esther Zaplana Rodríguez hamda Dr. María Isabel Jiménez González tomonidan zamonaviy pedagogik yondashuvlar, innovatsion metodlar, raqamli pedagogika va xalqaro tajribaga asoslangan mashg‘ulotlar olib borildi. Tinglovchilar xorijiy til ta’limining ilg‘or metodikalari, interaktiv ta’lim texnologiyalari hamda ispan tilini o‘qitishning samarali usullari bo‘yicha amaliy bilim va ko‘nikmalarini yanada mustahkamlash imkoniyatiga ega bo‘ldilar.

Kurslarning yakuniy taqdirlash marosimida O‘zbekiston davlat jahon tillari universiteti rektori Ilxomjon Tuxtasinov tomonidan tinglovchilarga sertifikatlar tantanali ravishda topshirildi. Tadbir davomida xalqaro hamkorlik asosida tashkil etilgan bunday o‘quv kurslari professor-o‘qituvchilarning kasbiy kompetensiyalarini rivojlantirish, ta’lim sifatini oshirish hamda zamonaviy xalqaro tajribalarni amaliyotga joriy etishda muhim ahamiyat kasb etishi alohida ta’kidlandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

🇺🇿 7-may kuni Oʻzbekiston davlat jahon tillari universiteti Sharq filologiyasi fakultetida 9-may — Xotira va qadrlash kuni munosabati bilan “Jadidlar merosi – kelajak poydevori” mavzusida maʼnaviy-maʼrifiy tadbir tashkil etildi.

Mazkur tadbirda universitet Yoshlar masalalari va ma’naviy-ma’rifiy ishlar bo‘yicha birinchi prorektori V. Sadiyev, fakultet dekani D. Djurayev, Yoshlar masalalari va maʼnaviy-maʼrifiy ishlar boʻyicha dekan oʻrinbosari U. Nazarov, tyutor M. Yoʻdashev hamda fakultet maʼmuriyati vakillari ishtirok etdi. Shuningdek, Qatagʻon qurbonlari xotirasi davlat muzeyi vakilining ishtiroki tadbir mazmunini yanada boyitdi.

Tadbir universitet Yoshlar masalalari va ma’naviy-ma’rifiy ishlar bo‘yicha birinchi prorektori V. Sadiyev kirish soʻzi bilan ochib berildi.

Tadbir davomida jadid bobolarimizning millat ravnaqi, ilm-maʼrifat va ozodlik yoʻlidagi fidokorona faoliyati haqida soʻz yuritildi. Talabalar tomonidan tayyorlangan sahna koʻrinishlari, milliy raqslar hamda jadidlar hayoti va ijodiga bagʻishlangan badiiy-musiqiy chiqishlar yigʻilganlarda katta taassurot qoldirdi.

Jadidlarning maʼrifatparvarlik gʻoyalari, ularning xalq taʼlimi va milliy uygʻonish yoʻlidagi xizmatlarini aks ettirgan chiqishlar tadbirning maʼnaviy ahamiyatini yanada oshirdi. Talabalar tomonidan ijro etilgan sheʼrlar va kuy-qoʻshiqlar orqali milliy qadriyatlarimizga hurmat, ajdodlar xotirasiga ehtirom tuygʻulari tarannum etildi.

Mazkur tadbir yoshlar qalbida vatanparvarlik ruhini mustahkamlash, tarixiy xotirani asrash hamda jadidlar merosini keng targʻib etishda muhim ahamiyat kasb etadi.

🌐 Biz ijtimoiy tarmoqlarda 👇🏻
Telegram|Instagram|Facebook

#SportKuni

🟦🟦🟦⚽️🏑🏐🥅

Prezident tashabbusi bilan haftaning bir kuni “Sport kuni” etib belgilangani hamda yoshlar o‘rtasida sog‘lom turmush tarzini keng targ‘ib etish maqsadida O‘zbekiston davlat jahon tillari universitetida talaba-qizlar o‘rtasida sportning chim ustida xokkey, voleybol, mini futbol hamda boshqa sport turlari bo‘yicha musobaqalar tashkil etildi.

Sport tadbirlarida universitetning turli fakultetlarida tahsil olayotgan talaba-qizlar faol ishtirok etib, o‘zlarining jismoniy tayyorgarligi, chaqqonligi va jamoaviy hamjihatligini namoyon etdilar. Musobaqalar davomida ko‘tarinki kayfiyat, sog‘lom raqobat va do‘stona muhit hukm surdi.

Ayniqsa, chim ustida xokkey, voleybol va mini futbol bo‘yicha bo‘lib o‘tgan bahslar ishtirokchilar va muxlislarda katta taassurot qoldirdi. Har bir jamoa g‘alaba uchun munosib kurash olib borib, sport orqali birdamlik va hamjihatlik muhitini yanada mustahkamlashga hissa qo‘shdi.

Mazkur sport tadbirlarining asosiy мақсади — talaba-yoshlar, ayniqsa qizlar o‘rtasida sog‘lom turmush tarzini shakllantirish, sportga bo‘lgan қизиқishni oshirish, bo‘sh vaqtni mazmunli tashkil etish hamda jamoaviylik ruhini mustahkamlashdan iborat.

🌐 Biz ijtimoiy tarmoqlarda:
Telegram | Instagram | Facebook | Sayt