🟦🟦

KENGAYTIRILGAN KAFEDRA ILMIY MUHOKAMASI

7-may kuni O‘zbekiston davlat jahon tillari universiteti mustaqil tadqiqotchisi Xurramov Abdulbosit Ibroimovichning 13.00.02 – ta’lim va tarbiya nazariyasi va metodikasi ixtisosligi bo‘yicha tayyorlagan “Ko‘zi ojiz o‘quvchilarning o‘qish ko‘nikmasini TBLT texnologiyasi orqali rivojlantirish (8-9 sinflar misolida)” mavzusidagi pedagogika fanlari bo‘yicha falsafa doktori — PhD dissertatsiyasi yuzasidan kengaytirilgan kafedra ilmiy muhokamasi tashkil etildi.

💻📍 Mazkur ilmiy muhokama an’anaviy (offline) hamda ZOOM platformasi orqali onlayn tarzda o‘tkazildi. Unda kengaytirilgan kafedra a’zolari, soha mutaxassislari, ilmiy rahbar hamda taqrizchilar faol ishtirok etdilar.

👩‍🏫 Dissertatsiya ishiga pedagogika fanlari doktori (DSc), dotsent Muradkasimova Kamola Shuxratovna ilmiy rahbarlik qilgan.
📝 Taqrizchilar sifatida:
🔹 Ismatova Shahnoza Mirahmatovna − pedagogika fanlari bo‘yicha falsafa doktori (PhD), dotsent
🔹 Mamatova Dilnoza Bekpulatovna − pedagogika fanlari bo‘yicha falsafa doktori (PhD), dotsent
🎯 Yig‘ilish davomida dissertatsiya ishining dolzarbligi, ilmiy yangiligi, nazariy-metodik asoslari hamda tadqiqot natijalarining amaliy ahamiyati batafsil tahlil qilindi. Shuningdek, ko‘zi ojiz o‘quvchilarning o‘qish ko‘nikmasini TBLT texnologiyasi orqali rivojlantirish imkoniyatlari keng qamrovda muhokama etildi. Ishtirokchilar tomonidan ilmiy asoslangan fikr-mulohazalar, taklif va tavsiyalar bildirildi.

✅ Mazkur ilmiy muhokama muvaffaqiyatli va yuqori ilmiy saviyada o‘tkazildi.

🌐 Biz ijtimoiy tarmoqlarda:
Telegram | Instagram | Facebook | Sayt

O‘zbekiston davlat jahon tillari universitetida ilmiy seminar tashkil etildi

7-may kuni O‘zbekiston davlat jahon tillari universiteti Ilmiy ishlar va innovatsiyalar bo‘yicha prorektori O.Yusupov boshchiligida professor-o‘qituvchilar, tayanch doktorantlar, doktorantlar hamda mustaqil izlanuvchilar ishtirokida ilmiy seminar bo‘lib o‘tdi.

Seminar “Mualliflik huquqi obyektlari va axborot texnologiyalari sohasidagi mualliflik huquqi obyektlarini deponentlash” mavzusiga bag‘ishlanib, professor-o‘qituvchilar va yosh tadqiqotchilarga sohaga oid muhim ma’lumotlarni yetkazish maqsadida tashkil etildi.

Seminarda O‘zbekiston Respublikasi Adliya vazirligi huzuridagi “Intellektual mulk markazi” davlat muassasasi Mualliflik huquqi obyektlarini deponentlash hamda EHM uchun dastur va ma’lumotlar bazalari bo‘limi boshlig‘i Shamshetov Jiyenbay Karamaddinovich hamda bosh maslahatchi Kadirova Barnoxon Maxmudjanovna ma’ruza bilan ishtirok etdi.

Tadbir davomida mualliflik huquqi obyektlarini deponentlash tartibi, axborot texnologiyalari sohasidagi ishlanmalarni huquqiy himoya qilish masalalari yuzasidan batafsil ma’lumotlar berildi. Seminar yakunida professor-o‘qituvchilar va tadqiqotchilar o‘zlarini qiziqtirgan savollarga mutaxassislar tomonidan javob oldilar.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

Ispaniyaning Kastilya la Mancha universiteti professorlari bilan uchrashuv bo‘lib o‘tdi

7-may kuni O‘zbekiston davlat jahon tillari universitetida Ispaniyaning Kastilya la Mancha universiteti professorlari — doktor Maria Ester Zaplana Rodriges hamda doktor Maria Izabel Ximenes Gonsales bilan uchrashuv bo‘lib o‘tdi.

Uchrashuvda O‘zDJTU rektori I.Tuxtasinov, Xalqaro hamkorlik bo‘limi boshlig‘i X.Yo‘ldashev, Pedagog kadrlarni qayta tayyorlash va malakasini oshirish tarmoq markazi direktori J.Abduganiyeva hamda markazning mas’ul xodimi M.Musabekova ishtirok etdi.

Muloqot davomida ikki oliy ta’lim muassasasi o‘rtasidagi hamkorlik aloqalarini yanada rivojlantirish masalalari muhokama qilindi. Xususan, O‘zDJTU professor-o‘qituvchilari va ilmiy tadqiqotchilari uchun onlayn va oflayn formatlarda ma’ruzalar hamda seminar-treninglar tashkil etish, qo‘shma malaka oshirish kurslarini yo‘lga qo‘yish, o‘qituvchi va talabalar almashinuvini kengaytirish masalalari ko‘rib chiqildi.

Shuningdek, hammualliflikda Scopus va Web of Science ma’lumotlar bazalarida indekslanadigan ilmiy jurnallarda maqolalar chop etish hamda tomonlarni qiziqtirgan boshqa yo‘nalishlar bo‘yicha fikr almashildi.

Uchrashuv yakunida kelgusidagi hamkorlikni yanada mustahkamlash va qo‘shma loyihalarni amalga oshirish bo‘yicha kelishuvlarga erishildi.

🌐 Biz ijtimoiy tarmoqlarda:
Telegram | Instagram | Facebook | Sayt