🟦🟦🟦
“Jaholatga qarshi – ma’rifat” mavzusida umumprofilaktik tadbir bo‘lib o‘tdi

Talaba-yoshlar o‘rtasida ma’naviy-ma’rifiy targ‘ibotni kuchaytirish, mafkuraviy immunitetni mustahkamlash hamda sog‘lom ijtimoiy-psixologik muhitni shakllantirish maqsadida mazkur mavzuda tadbir o‘tkazildi.

Tadbirni Yoshlar bilan ishlash, ma’naviyat va ma’rifat bo‘limi boshlig‘i D.Xamdamov ochib berdi. U globallashuv davrida turli yot g‘oyalar va axborot xurujlariga qarshi kurashishda ilm-fan, ma’rifat va mustaqil fikrlash muhim ekanini ta’kidladi.

Tadbirda so‘zga chiqqanlar yoshlarni zararli ta’sirlardan asrash, tanqidiy fikrlashni rivojlantirish, diniy bag‘rikenglikni targ‘ib qilish va internetdan oqilona foydalanish haqida fikr bildirdilar: Toshkent Islom instituti mas’ul yetakchi ilmiy mutaxassisi I.Junaydullayev, universitet ijtimoiy-psixologik muhit bilan ishlash bo‘limi boshlig‘i F.Xabiyeva hamda universitet profilaktika inspektori S.Sherboyev.

Yakunda talaba-yoshlar o‘z savollariga javob oldilar hamda ularni ilm-ma’rifatga yo‘naltirish eng muhim vazifa ekani ta’kidlandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦

🇺🇿O‘zbekiston davlat jahon tillari universiteti
🇬🇧Ingliz tili 3-fakultetida iqtidorli talabalar uchun tashkil etilgan uchrashuv yuqori saviyada va mazmunli tarzda bo‘lib o‘tdi.

🇺🇿Mazkur uchrashuv Iqtidorli talabalar bo'lim boshlig'i Ismatova Sh. tashabbuslari bilan tashkil etilib, unda fakultetning eng faol, izlanuvchan va iqtidorli talabalari jam bo‘ldi.

✅Ayniqsa, nomdor davlat stipendiyalari sohiblarining ishtiroki tadbirga alohida ruh va motivatsiya bag‘ishladi.

✅Uchrashuv davomida stipendiya sohiblari o‘zlarining muvaffaqiyat sari bosib o‘tgan yo‘llari, ilmiy va ijodiy faoliyatlari, erishgan yutuqlari hamda duch kelgan qiyinchiliklari haqida samimiy fikrlar bildirdilar.

✅Shuningdek, ular talabalarga vaqtni to‘g‘ri taqsimlash, maqsad qo‘yish, izchil harakat qilish va imkoniyatlardan unumli foydalanish borasida qimmatli tavsiyalar berdilar.

✅Tadbirning eng qiziqarli qismi savol-javob jarayoni bo‘lib, unda talabalar o‘zlarini qiziqtirgan savollar bilan faol ishtirok etdilar. Berilgan javoblar esa ko‘plab yoshlarga yangi maqsadlar sari dadil qadam tashlash uchun ilhom bag‘ishladi.

✅Mazmunli va samimiy muhitda o‘tgan ushbu uchrashuv yoshlarning bilimga chanqoqligini oshirish, ularni yanada yuqori marralarni zabt etishga undash hamda kelajakda yetuk mutaxassis bo‘lib yetishishlariga xizmat qiladigan muhim motivatsion maydonga aylandi.

#UzDJTU
#Grantlar
#TalabalarImkoniyati
#InglizTili3Fakultet

🔷🔷🔷🔷▪️▪️▪️▪️

🇺🇿 Oʻzbekiston davlat jahon tillari universiteti Sharq filologiyasi fakulteti turk tili yoʻnalishi talabalari seminar-treningda faol ishtirok etdilar.

Mazkur seminar-trening “Turkiy dunyo maʼnaviy merosi: umumiy qadriyatlar, adabiy anʼanalar va ularning bugungi yosh avlod tarbiyasidagi oʻrni” mavzusiga bagʻishlanib, unda turkiy xalqlar oʻrtasidagi tarixiy-madaniy meros, boy adabiy anʼanalar hamda ularning zamonaviy jamiyat hayotidagi ahamiyati keng qamrovda muhokama qilindi.

Seminar davomida buyuk mutafakkirlar merosi alohida eʼtibor markazida boʻlib, xususan, Yunus Emrening “Devoni”ning mazmun-mohiyati va ilmiy ahamiyati, shuningdek, Ahmad Yassaviy asarlarining bugungi kundagi maʼnaviy-maʼrifiy jarayonlardagi oʻrni yuzasidan atroflicha fikr almashildi.

Tadbirda soha mutaxassislari va yetuk olimlar tomonidan ilgari surilgan fikr va mulohazalar talabalarda turkiy adabiy merosga boʻlgan qiziqishni yanada oshirdi, ularning ilmiy dunyoqarashini kengaytirishga xizmat qildi.

Maʼlumot oʻrnida taʼkidlash joizki, ushbu seminar-treningda taniqli olimlar — Mustafa Tatchi hamda professor Musa Yildiz maʼruzachi sifatida ishtirok etdilar.

🌐 Biz ijtimoiy tarmoqlarda
Telegram|Instagram|Facebook

🟦🟦🟦🟦

6-may kuni O‘zbekiston davlat jahon tillari universiteti hamda O‘zbekiston Respublikasi Harbiy xavfsizlik va mudofaa universiteti o‘rtasida ta’lim, ilmiy-tadqiqot va innovatsion faoliyat sohalarida o‘zaro hamkorlikni yanada rivojlantirishga qaratilgan memorandum imzolash marosimi bo‘lib o‘tdi.

Mazkur tadbirda O‘zbekiston Respublikasi Harbiy xavfsizlik va mudofaa universiteti boshlig‘ining birinchi o‘rinbosari, general-mayor F. Shermatov, boshliq o‘rinbosari, polkovnik S. Abdurayimov hamda ilmiy va innovatsion g‘oyalarni tashkil etish bo‘limi boshlig‘i, podpolkovnik Sh. Tuxliyev ishtirok etdilar. O‘zbekiston davlat jahon tillari universiteti tomonidan esa rektor I. Tuxtasinov, o‘quv ishlari bo‘yicha prorektor M. Chutpulatov, ilmiy ishlar va innovatsiyalar bo‘yicha prorektor O. Yusupov hamda Ispan tili amaliy fanlar kafedrasi mudiri D. Baxranova qatnashdilar.

Uchrashuv davomida tomonlar o‘zaro hamkorlikning ustuvor yo‘nalishlarini atroflicha muhokama qildilar. Jumladan, ta’lim sohasida hamkorlikni kengaytirish, xorijiy tillarni o‘qitishda zamonaviy o‘quv-uslubiy materiallar va ilg‘or metodikalarni joriy etish, ilmiy-tadqiqot hamda innovatsion faoliyatni rivojlantirish, shuningdek, ma’naviy-ma’rifiy ishlarni tashkil etish, sog‘lom turmush tarzini targ‘ib qilishga qaratilgan tadbirlar, tanlovlar va sport musobaqalarini hamkorlikda o‘tkazish masalalari muhokama qilindi.

Tashrif davomida delegatsiya a’zolari universitetda yaratilgan zamonaviy infratuzilma, ta’lim va ilmiy-tadqiqot jarayonlari uchun mavjud sharoitlar bilan yaqindan tanishdi.

Tomonlar imzolangan memorandum ikki oliy ta’lim muassasasi o‘rtasida o‘zaro manfaatli hamkorlikni mustahkamlash, ilg‘or tajriba almashinuvi ko‘lamini kengaytirish, ta’lim sifatini yanada oshirish hamda raqobatbardosh kadrlar tayyorlash tizimini takomillashtirishga xizmat qilishini alohida ta’kidladilar.

🌐 Biz ijtimoiy tarmoqlarda:
Telegram | Instagram | Facebook | Sayt