🟦🟦🟦🟦🟦🟦🟦

O‘zDJTUda Xitoy delegatsiyasi bilan uchrashuv bo‘lib o‘tdi

6-may kuni O‘zbekiston davlat jahon tillari universiteti rektoratida Xitoyning Tang International Education Group hamda Tang International Education and Technology kompaniyalari vakillari bilan rasmiy uchrashuv bo‘lib o‘tdi.

Mazkur uchrashuvda Xitoy tomonidan kompaniya prezidentlari Li Jinsong va Qian Xiang, shuningdek, operatsiyalar va hamkorlik bo‘yicha menejer Qing Lifen hamda biznes bo‘yicha direktor Wang Minyan ishtirok etdi.

O‘zDJTU tomonidan esa rektor I. Tuxtasinov, xalqaro hamkorlik bo‘limi boshlig‘i X. Yuldashev, xalqaro hamkorlik bo‘limi yetakchi mutaxassisi D. Xodjabekova, Sharq filologiyasi fakulteti dekani D. Juraev hamda Koreys filologiyasi kafedrasi mudiri Sh. Hakimova qatnashdi.

Uchrashuv davomida qator muhim masalalar muhokama qilindi. Jumladan, universitetda kasbiy ta’limni yo‘lga qo‘yish, talabalar amaliyotini samarali tashkil etish, professor-o‘qituvchilar malakasini oshirish, xitoy tili yo‘nalishida tahsil olayotgan talabalar uchun grant dasturlarini yo‘lga qo‘yish kabi yo‘nalishlarda hamkorlikni kengaytirish masalalari ko‘rib chiqildi.

Shuningdek, tomonlarni qiziqtirgan boshqa dolzarb masalalar yuzasidan ham fikr almashilib, kelgusidagi hamkorlik istiqbollari belgilab olindi.

Uchrashuv do‘stona va konstruktiv ruhda o‘tdi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

O‘zDJTUda pokistonlik professorlar bilan uchrashuv bo‘lib o‘tdi

6-may kuni O‘zbekiston davlat jahon tillari universiteti rektoratida pokistonlik yetuk olimlar bilan rasmiy uchrashuv bo‘lib o‘tdi.

Uchrashuvda Pokiston tomonidan Pokiston Fanlar akademiyasining bioxilma-xillik va bioenergetika bo‘yicha akademigi Mushtaq Ahmad hamda Islomobod shahridagi Quaid-i-Azam universiteti bioxilma-xillik va ekologiya bo‘yicha professori Shazia Sultana ishtirok etdi. O‘zDJTU tomonidan esa rektor I. Tuxtasinov, xalqaro hamkorlik bo‘limi boshlig‘i X. Yuldashev, Tarjimonlik fakulteti dekani U. Yo‘ldoshev, Ekologiya va yashil resurslar kafedrasi mudiri X. Xushvaqtova hamda mazkur kafedra professori D. Yo‘rmatova qatnashdi.

Uchrashuv davomida hamkorlikda ilmiy tadqiqotlar olib borish, nufuzli indekslangan ilmiy jurnallarda hammualliflikda maqolalar chop etish, o‘simliklarning yangi navlarini yaratish bo‘yicha tajriba almashish, ekologiyaning dolzarb masalalariga bag‘ishlangan anjuman, seminar va treninglar tashkil etish hamda ularda faol ishtirok etish kabi muhim yo‘nalishlar muhokama qilindi.

Shuningdek, tomonlarni qiziqtirgan boshqa masalalar yuzasidan ham fikr almashilib, kelgusidagi hamkorlik istiqbollari belgilab olindi.

🌐 Biz ijtimoiy tarmoqlarda:
Telegram | Instagram | Facebook | Sayt

STARTAPLAR KUNI

🗓️ 2026-yil 6-may kuni Ilmiy va innovatsion ishlanmalarni tijoratlashtirish bo‘limi boshlig‘i F. Abdullayeva hamda bo‘lim xodimlari tomonidan Ingliz tili 2-fakulteti talabalari ishtirokida “Startaplar va innovatsiyalar” mavzusida seminar-trening tashkil etildi.

📈 Seminar davomida talabalarga startap tushunchasi, startap g‘oyasini shakllantirish, innovatsion yechimlarni ishlab chiqish, loyihani bosqichma-bosqich rivojlantirish hamda uni amaliyotga joriy etish jarayonlari haqida batafsil ma’lumot berildi.

Shuningdek, startap loyihalarning asosiy bosqichlari, maqsadli auditoriyani aniqlash, muammoni to‘g‘ri belgilash, g‘oyani loyiha ko‘rinishida ifodalash, jamoada ishlash, loyiha taqdimotini tayyorlash hamda Demo Day jarayonida o‘z tashabbuslarini samarali namoyish etish bo‘yicha nazariy va amaliy bilimlar berildi.

Tadbir doirasida talabalar Ilmiy va innovatsion ishlanmalarni tijoratlashtirish bo‘limi faoliyati bilan yaqindan tanishib, universitetda startap tashabbuslarini qo‘llab-quvvatlash, innovatsion g‘oyalarni rivojlantirish va amaliy loyihalarni shakllantirish uchun yaratilgan imkoniyatlar haqida ma’lumot oldilar.

🌐 Biz ijtimoiy tarmoqlarda:
Telegram | Instagram | Facebook | Sayt