🟦🟦🟦🟦🟦🟦🟦

O‘zDJTU prorektori Ozarbayjonda xalqaro hamkorlik safarida

O‘zbekiston davlat jahon tillari universiteti (O‘zDJTU) xalqaro ishlar bo‘yicha prorektori Abdurahim Nosirov Ozarbayjon tillar universiteti (ODU) rektorining taklifiga binoan hamda ikki oliygoh o‘rtasidagi hamkorlik memorandumi asosida Boku shahrida xizmat safarida bo‘lib turibdi.

5-may kuni ODUda Haydar Aliyev tavalludining 103 yilligiga bag‘ishlangan “Haydar Aliyev: Multikulturalizm va bag‘rikenglik mafkurasi” mavzusidagi xalqaro ilmiy konferensiya bo‘lib o‘tdi. Tadbir boshlanishidan avval ishtirokchilar Faxriy xiyobonda Haydar Aliyev xotirasini hurmat bilan yod etib, uning qabriga gullar qo‘ydilar.

Konferensiyani ODU rektori, akademik Kamal Abdulla kirish so‘zi bilan ochib, mehmonlarni samimiy qutladi va mazkur anjuman ilmiy hamkorlikni rivojlantirishdagi ahamiyatini ta’kidladi. Tadbirda turli xorijiy mamlakatlardan fan va ta’lim vakillari, olimlar, ziyolilar hamda jamoat arboblari ishtirok etdi.

Anjuman doirasida so‘zga chiqqan Abdurahim Nosirov O‘zbekiston–Ozarbayjon munosabatlarining izchil rivojlanib borayotganini alohida qayd etdi. Shuningdek, u O‘zbekistonda ko‘p madaniyatlilik va bag‘rikenglik masalalari davlat siyosati darajasiga ko‘tarilganini, ODU va O‘zDJTU o‘rtasidagi hamkorlik izchil kengayib borayotganini ta’kidladi. Jumladan:
— Toshkentda Ozarbayjon tili markazi, ODUda esa o‘zbek tili markazi faoliyat yuritayotgani,
— O‘zDJTUda ozarbayjon tili uchinchi chet tili sifatida o‘qitila boshlangani,
— ODU professor-o‘qituvchilari O‘zDJTUda faoliyat olib borayotgani,
— O‘zDJTU olimlari ODU tadqiqotchilariga ilmiy maslahatlar berayotgani alohida e’tirof etildi.

Konferensiya doirasida “Haydar Aliyev va turkiy dunyo: tarix va zamonaviylik” hamda “Ommaviy axborot vositalari va raqamli makonda madaniyatlararo muloqot” mavzularida sho‘ba yig‘ilishlari ham bo‘lib o‘tdi.

Anjumanda, shuningdek, Burak Eke, Lyudmila Bejenaru, Liza Brandt, Sevinj Fataliyeva va Arzu Nagiyev kabi xalqaro ekspertlar o‘z ma’ruzalarida ko‘p tillilik, madaniy xilma-xillik va bag‘rikenglik masalalari ilmiy hamda madaniy muhitni xalqarolashtirishda muhim omil ekanini ta’kidladilar.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

🇬🇧Oʻzbekiston davlat jahon tillari universiteti Ingliz tili 3-fakulteti 2408-guruh talabalari tomonidan pedagogik amaliyot jarayonida 6-may kuni 173-maktabda “Zakovat” intellektual oʻyini tashkil etildi.

Tadbir maktab direktori Z. Kamolova hamda Ingliz tili integrallashgan kursi 3-kafedrasi katta o‘qituvchisi Umarov Bobur ishtirokida o‘tkazildi.

Oʻyin yakunlariga ko‘ra quyidagi jamoalar g‘olib deb topildi:

1-oʻrin — “Bilimdonlar”
2-oʻrin — “Zukkolar”
3-oʻrin — “Burgutlar”

Gʻolib jamoalar sertifikatlar bilan taqdirlandi.

O‘yin davomida o‘quvchilar bilimlari, mantiqiy fikrlashi va jamoaviy ishlash ko‘nikmalarini namoyon etdilar.

Bizni kuzatishda davom eting.
https://t.me/thirdEnglishfaculty

🟦🟦🟦🟦🟦🟦🟦

O‘zDJTUda Xitoy delegatsiyasi bilan uchrashuv bo‘lib o‘tdi

6-may kuni O‘zbekiston davlat jahon tillari universiteti rektoratida Xitoyning Tang International Education Group hamda Tang International Education and Technology kompaniyalari vakillari bilan rasmiy uchrashuv bo‘lib o‘tdi.

Mazkur uchrashuvda Xitoy tomonidan kompaniya prezidentlari Li Jinsong va Qian Xiang, shuningdek, operatsiyalar va hamkorlik bo‘yicha menejer Qing Lifen hamda biznes bo‘yicha direktor Wang Minyan ishtirok etdi.

O‘zDJTU tomonidan esa rektor I. Tuxtasinov, xalqaro hamkorlik bo‘limi boshlig‘i X. Yuldashev, xalqaro hamkorlik bo‘limi yetakchi mutaxassisi D. Xodjabekova, Sharq filologiyasi fakulteti dekani D. Juraev hamda Koreys filologiyasi kafedrasi mudiri Sh. Hakimova qatnashdi.

Uchrashuv davomida qator muhim masalalar muhokama qilindi. Jumladan, universitetda kasbiy ta’limni yo‘lga qo‘yish, talabalar amaliyotini samarali tashkil etish, professor-o‘qituvchilar malakasini oshirish, xitoy tili yo‘nalishida tahsil olayotgan talabalar uchun grant dasturlarini yo‘lga qo‘yish kabi yo‘nalishlarda hamkorlikni kengaytirish masalalari ko‘rib chiqildi.

Shuningdek, tomonlarni qiziqtirgan boshqa dolzarb masalalar yuzasidan ham fikr almashilib, kelgusidagi hamkorlik istiqbollari belgilab olindi.

Uchrashuv do‘stona va konstruktiv ruhda o‘tdi.

🌐 Biz ijtimoiy tarmoqlarda:
Telegram | Instagram | Facebook | Sayt