🟦🟦🟦

Turkiyaga jo‘nab ketayotgan akademik litsey jamoasi bilan safar oldi uchrashuv o‘tkazildi

Bugun O‘zbekiston davlat jahon tillari universiteti rektori Ilxomjon Tuxtasinov hamda xalqaro hamkorlik bo‘limi boshlig‘i X. Yuldashev bilan birgalikda Turkiyaga yo‘l olayotgan Akademik litsey rahbar-xodimlari, professor-o‘qituvchilari hamda o‘quvchilari bilan safar oldi uchrashuv o‘tkazildi.

Uchrashuvda ishtirokchilarga xalqaro almashinuv dasturining ahamiyati, uning ta’lim va madaniy hamkorlikni mustahkamlashdagi o‘rni haqida so‘z yuritildi. Shuningdek, rektor tomonidan ishtirokchilarga mamlakatimiz sharafini munosib himoya qilish, milliy qadriyatlarimizni keng targ‘ib etish hamda bilim va tajriba almashinuvidan samarali foydalanish bo‘yicha muhim tavsiyalar berildi.

Ma’lum qilinishicha, Akademik litseyning bir guruh rahbar-xodimlari, o‘qituvchilari va o‘quvchilari 2026-yil 5–12-may kunlari Turkiyaning Bornova Yoshlar markazi tomonidan tashkil etilayotgan “So‘zlar rangi: til va madaniyat sayohati” mavzusidagi xalqaro dasturda ishtirok etadilar.

Uchrashuv yakunida ishtirokchilarga omad tilanib, ularning ushbu safar orqali yangi bilim va tajribalar bilan qaytishlariga ishonch bildirildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦

Migratsiya agentligi va Peruja xorijliklar universiteti hamkorligi doirasida onlayn uchrashuv o‘tkazildi

Bugun Migratsiya agentligi hamda Italiyaning Peruja shahridagi Peruja xorijliklar universiteti bilan hamkorlik doirasida navbatdagi onlayn uchrashuv tashkil etildi. Unda O‘zbekiston davlat jahon tillari universiteti rektori Ilhomjon To‘xtasinov hamda sohaviy mas’ullar ishtirok etdi.

Uchrashuv ZOOM platformasi orqali o‘tkazilib, hamkorlik doirasida amalga oshirilayotgan ishlar, jumladan, italyan tili bo‘yicha 7 oylik maxsus o‘quv dasturining joriy holati va kelgusi vazifalar muhokama qilindi.

Tomonlar tomonidan italyan tilini o‘qitish jarayonlarini yanada samarali tashkil etish, tinglovchilarning til bilish darajasini oshirish hamda CELI xalqaro sertifikatiga tayyorgarlik ishlarini kuchaytirish masalalariga alohida e’tibor qaratildi.

Shuningdek, loyihada ishtirok etayotgan hamshiralar sonini kengaytirish, yangi nomzodlarni jalb qilish va o‘quv jarayonlarini tizimli monitoring qilish bo‘yicha amaliy takliflar ko‘rib chiqildi.

Uchrashuv yakunida tomonlar hamkorlikni yanada mustahkamlash va belgilangan vazifalarni izchil amalga oshirish bo‘yicha kelishib oldilar.

🌐 Biz ijtimoiy tarmoqlarda:
Telegram | Instagram | Facebook | Sayt

Yolgʻizlikdan jamoaga — birga kuchlimiz!

Xalqaro jurnalistika fakulteti IPMBIB xodimasi M. Abdullayeva tomonidan TTJda istiqomat qiluvchi talabalar ishtirokida “Yolgʻizlikdan jamoaga: birga kuchli boʻlish” mavzusida mazmunli uchrashuv tashkil etildi.

Uchrashuv davomida talabalar oʻrtasida oʻzaro hamjihatlikni mustahkamlash, jamoada ishlash koʻnikmalarini rivojlantirish hamda ijtimoiy faollikni oshirish masalalari muhokama qilindi. Samimiy suhbatlar, fikr almashuvlar orqali talabalarga ruhiy qoʻllab-quvvatlash berildi.

Shuningdek, ijara xonadonlarida istiqomat qilayotgan talabalar holidan ham xabar olinib, ularning yashash sharoitlari oʻrganildi hamda zarur tavsiyalar berildi.

Bizni ijtimoiy tarmoqlarda kuzatib boring:
🕊Telegram|📸Instagram|📺YouTube