🟦🟦🟦🟦🟦🟦🟦

FAKULTETIMIZ FAXRLARI — IQTIDORLI TALABALAR EʼTIROFI

Qoʻshma taʼlim fakultetida maʼnaviyat va maʼrifat yoʻnalishida faol ishtirok etib, oʻzining namunali xulqi, yuksak tarbiyasi hamda ilmiy yutuqlari bilan ajralib turgan iqtidorli talabalar munosib ragʻbatlantirildi.

Mazkur talabalar turli maʼnaviy-maʼrifiy tadbirlar, xalqaro tanlovlar va jamoat ishlarida faol qatnashib, tengdoshlari uchun munosib namuna boʻlib kelmoqda.

Fakultetimiz koʻrki va faxri boʻlgan iqtidorli talabalar:
• Nuralliyeva Sarvinoz
• Toshpoʻlotova Sohiba
• Butayeva Baharoy
• Normurodov Xudoyor
• Qoʻvondiqova Habiba

Ushbu talabalar tyutor Mannonova Nilufar rahbarligida fakultet rahbariyati tomonidan taqdirlanib, erishgan yutuqlari hamda jamoat ishlaridagi faolligi uchun tashakkurnomalar bilan mukofotlandi.

Shuningdek, talabalarning ota-onalariga farzand tarbiyasiga qoʻshgan hissasi va doimiy qoʻllab-quvvatlab kelayotganliklari uchun fakultet dekanati tomonidan samimiy minnatdorchilik bildirildi.

🌐 Biz ijtimoiy tarmoqlarda:
Telegram   | Instagram  | Facebook  | Sayt

Profilaktik tadbir

🇺🇿 14-aprel kuni Oʻzbekiston davlat jahon tillari universiteti Sharq filologiyasi fakultetida profilaktik tadbir tashkil etildi.

Mazkur tadbirda Favqulodda vaziyatlar vazirligi akademiyasi vakillari — mayor M. Bayxurozov, podpolkovnik O‘. Imomnazarov, mayor F. Xafizov, shuningdek kursant D. Qahramov hamda Uchtepa tumani Ichki ishlar bo‘limi xodimi, leytenant D. Saidov ishtirok etdilar.

Tadbir davomida mutaxassislar tomonidan talabalarga bugungi kunda dolzarb muammolardan biri hisoblangan kiberjinoyatchilik, uning turlari, kelib chiqish sabablari hamda oldini olish choralari haqida batafsil ma’lumotlar berildi. Shuningdek, yoshlar o‘rtasida sodir etilayotgan turli huquqbuzarliklarning salbiy oqibatlari, ularning jamiyat taraqqiyotiga ta’siri tushuntirib o‘tildi.

Mutaxassislar tomonidan talabalarga axborot xavfsizligiga rioya qilish, shaxsiy ma’lumotlarni himoya qilish, internet tarmog‘idan to‘g‘ri va oqilona foydalanish yuzasidan muhim tavsiyalar berildi.

Tadbir yakunida talabalar o‘zlarini qiziqtirgan savollarga mutaxassislardan batafsil javoblar oldilar. Ushbu profilaktik uchrashuv talabalarning huquqiy bilimlarini oshirish, ularni turli xavf-xatarlardan ogoh etish hamda yoshlar o‘rtasida huquqbuzarliklarning oldini olishda muhim ahamiyat kasb etdi.

🌐 Biz ijtimoiy tarmoqlarda 👇🏻
Telegram|Instagram|Facebook

Ochiq eshiklar kuni” tashkil etildi

14-aprel kuni O‘zbekiston davlat jahon tillari universitetida Sirdaryo viloyati Sirdaryo tumanidagi 15-sonli umumta’lim maktabi bilan hamkorlik doirasida “Ochiq eshiklar kuni” tadbiri tashkil etildi.

Tadbir davomida maktab o‘quvchilari universitetga tashrif buyurib, Talabalar amaliyoti bo‘limi bosh mutaxassisi E. Baxodirova tomonidan samimiy kutib olindi. Tashrif jarayonida o‘quvchilarga universitet faoliyati, ta’lim yo‘nalishlari hamda yaratilgan zamonaviy shart-sharoitlar haqida batafsil ma’lumot berildi.

Shuningdek, mehmonlar universitet kutubxonasi, muzeyi hamda zamonaviy jihozlangan sinxron tarjima xonalari bilan yaqindan tanishtirildi. Ularga xorijiy tillarni o‘rganish imkoniyatlari, amaliy mashg‘ulotlar uchun yaratilgan infratuzilma hamda talabalik hayotining o‘ziga xos jihatlari haqida tushunchalar berildi.

🎓 “Ochiq eshiklar kuni” o‘quvchilarga oliy ta’lim muhitini bevosita his etish, kelajakdagi ta’lim yo‘lini aniqroq tasavvur qilish va o‘z oldiga aniq maqsadlar qo‘yish imkonini berdi.

🌐 Biz ijtimoiy tarmoqlarda:
Telegram   | Instagram  | Facebook  | Sayt