🟦🟦🟦🟦🟦🟦🟦

Yaponiya kompaniyalari vakillarining O‘zDJTUga tashrifi bo‘lib o‘tdi

13-aprel kuni O‘zbekiston davlat jahon tillari universitetida Yaponiyaning Hands Global hamda Ponte Japan kompaniyalari vakillari bilan uchrashuv tashkil etildi.

Tashrif doirasida mehmonlar — kompaniya direktorining o‘rinbosari Takahashi Motoaki, yapon tili professori Yuko Miyauchi hamda Ponte Japan kompaniyasi direktori G‘ani Maqsudov ishtirok etdi. Universitet tomonidan esa xalqaro hamkorlik bo‘yicha prorektor A. Nasirov, xalqaro hamkorlik bo‘limi boshlig‘i X. Yuldashev, Sharq filologiyasi fakulteti dekani D. Djuraev va Yapon filologiyasi kafedrasi mudiri N. Hamidova qatnashdi.

Uchrashuv davomida ikki tomonlama hamkorlikni rivojlantirishga qaratilgan qator muhim masalalar muhokama qilindi. Jumladan, universitetning iqtidorli talabalari uchun intensiv yapon tili va kasbiy tayyorgarlik kurslarini yo‘lga qo‘yish, talabalar uchun Yaponiyada 1 yillik amaliyot va stajirovka dasturlarini tashkil etish, shuningdek, bitiruvchilarni ish bilan ta’minlash istiqbollari yuzasidan fikr almashildi.

Tomonlar o‘zaro manfaatli hamkorlikni kengaytirish, talaba-yoshlar uchun yangi imkoniyatlar yaratish va qo‘shma loyihalarni amalga oshirishga tayyor ekanliklarini bildirdilar. Uchrashuv yakunida kelgusidagi hamkorlik yo‘nalishlari yuzasidan dastlabki kelishuvlarga erishildi.

🌐 Biz ijtimoiy tarmoqlarda:
Telegram   | Instagram  | Facebook  | Sayt

🟦🟦🟦

YANGI YUTUQ VA NAVBATDAGI MUHIM QADAM!

Magistratura talabasi Sadoqatxon Mirzajonova boshchiligidagi gandbol jamoasi yana bir muhim bosqichni muvaffaqiyatli yakunladi.

Jamoa Toshkent shahar bosqichida munosib ishtirok etib, faxrli natijani qayd etdi va Respublika bosqichiga yo‘llanmani qo‘lga kiritdi! 🇺🇿

Barcha jamoa a’zolarini ushbu yutuq bilan samimiy tabriklaymiz. Respublika bosqichida ularga yanada katta muvaffaqiyat va g‘alabalar tilaymiz!

Oldinda yanada yuksak natijalar va katta marralar kutmoqda!

🌐 Biz ijtimoiy tarmoqlarda:
Telegram   | Instagram  | Facebook  | Sayt