🟦🟦🟦🟦🟦🟦🟦

“How to Turn Your Student Years into Opportunities”

10-aprel kuni o‘tkazilgan ushbu tadbir Uzwave markazi tashabbusi bilan tashkil etilib, talaba-yoshlarni motivatsion ruhda qo‘llab-quvvatlash, ularga to‘g‘ri yo‘l ko‘rsatish hamda mavjud imkoniyatlardan samarali foydalanishga yo‘naltirildi.

YPIP (Young Professional Internships Program 2025) ishtirokchilari, UzSWLU talabasi, Uzwave loyihasi koordinatori va faol yosh liderlari Madinabonu Abduqoxorova hamda Diyora Xamidullayeva o‘z tajribasi va real misollar orqali talabalik yillarini qanday qilib haqiqiy imkoniyatlarga aylantirish mumkinligini yoritib berishdi.

Uchrashuv davomida:
— talabalik davrida to‘g‘ri maqsadlar qo‘yish,
— xalqaro dastur va loyihalarda ishtirok etish,
— tashabbuskorlik va networkingning ahamiyati,
— shaxsiy va professional o‘sish uchun mas’uliyatni o‘z qo‘liga olish masalalari muhokama qilindi.

Eng muhimi, uchrashuv talabalar uchun nafaqat “nima qilish kerak?” degan savolga, balki “nega aynan hozir harakat qilish kerak?” degan savolga ham aniq javob berdi.

Ishonamizki, bu uchrashuv ko‘pchilik uchun yangi maqsadlar, aniq rejalar va dadil qadamlar sari kuchli motivatsiya bo‘ldi. Barcha qatnashgan talabalarga rahmat — oldinda yanada katta imkoniyatlar kutmoqda!

Keyingi tadbirlarimizni kuzatib boring va imkoniyatlarni qo‘ldan boy bermang — talabalik yillari bu faqat dars emas, balki o‘z ustingizda ishlash va kelajakni barpo etish davri.

📞 Bog‘lanish uchun: @uzwave_admin
@UzWAVE_center

🌐 Biz ijtimoiy tarmoqlarda:
Telegram   | Instagram  | Facebook  | Sayt

🟦🟦🟦🟦🟦🟦🟦

O‘zDJTU delegatsiyasi Ispaniya universitetlarida o‘z faoliyatini davom ettirmoqda

Universitat Pompeu Fabra kutubxonasi — Barselonadagi eng zamonaviy va innovatsion akademik kutubxonalardan biri bo‘lib, talaba va tadqiqotchilar uchun keng imkoniyatlarni taqdim etadi. Kutubxona zamonaviy o‘quv zallari, boy raqamli resurslar, individual hamda guruhda ishlash uchun mo‘ljallangan maxsus hududlar bilan jihozlangan. Shuningdek, bu yerda ilmiy ma’lumotlar bazalari, elektron kitoblar va xalqaro jurnallarga keng kirish imkoniyati mavjud bo‘lib, mustaqil izlanish olib borish uchun qulay muhit shakllangan.

O‘zbekiston davlat jahon tillari universiteti delegatsiyasi universitetning xalqaro ishlar prorektori hamrohligida infratuzilma bilan yaqindan tanishdi. Xususan, delegatsiya a’zolari UPF kutubxonasida yo‘lga qo‘yilgan zamonaviy o‘qitish va o‘rganish jarayonlari, ilg‘or ta’lim texnologiyalari hamda talabalarga yaratilgan qulay sharoitlarni katta qiziqish bilan o‘rgandilar.

Kutubxona nafaqat bilim maskani, balki innovatsion fikrlash va ilmiy izlanishlar markazi sifatida chuqur taassurot qoldirdi. Delegatsiya vakillari talabalarning mustaqil ishlashi, ilmiy tadqiqotlar olib borishi hamda zamonaviy axborot-resurslardan samarali foydalanishi uchun yaratilgan imkoniyatlarni yuqori baholadilar. Ushbu tashrif ikki oliy ta’lim muassasasi o‘rtasidagi akademik hamkorlikni yanada mustahkamlash yo‘lida muhim bosqich sifatida e’tirof etildi.

🌐 Biz ijtimoiy tarmoqlarda:
Telegram   | Instagram  | Facebook  | Sayt