🟦🟦🟦🟦🟦🟦🟦

“Universitet malikasi” ko‘rik-tanlovi g‘oliblarini taqdirlash marosimi bo‘lib o‘tdi

Bugun O‘zbekiston davlat jahon tillari universitetida talaba-qizlar o‘rtasida tashkil etilgan “Universitet malikasi” ko‘rik-tanlovining g‘oliblarini tantanali taqdirlash marosimi bo‘lib o‘tdi.

Tadbirni universitet rektori Ilxomjon Tuxtasinov ochib berib, tanlovning ahamiyati haqida so‘zlab o‘tdi. U bunday tanlovlar talaba-qizlarning bilim va salohiyatini yuzaga chiqarishda, ularni yetakchilik ko‘nikmalari, nutq madaniyati va sog‘lom raqobat muhiti bilan ta’minlashda muhim ekanini ta’kidladi.

Tanlov davomida talaba-qizlar uchta asosiy shart bo‘yicha o‘z mahoratlarini sinovdan o‘tkazishdi:
1. Sport musobaqalari – yugurish, sakrash va basketbol.
2. Kitobxonlik testi – oldindan belgilangan badiiy asarlar bo‘yicha bilimlarini sinash.
3. Osh pishirish musobaqasi – milliy taomimiz oshni tayyorlashda pazandalik va ijodiy yondashuvni namoyon etish.

Har bir shart hakamlar hay’ati tomonidan belgilangan mezonlar asosida adolatli baholandi. Bugun esa barcha baholash natijalari e’lon qilinib, g‘oliblar tantanali ravishda taqdirlandi.

📜 Nominatsiyalar bo‘yicha g‘oliblar va mukofotlar:
• Miss University – Xudayqulova Shaxzoda Anvar qizi (Roman-german filologiyasi fakulteti)
Mukofot: stpendiyaning 5 baravari, koʻchma toj va Germaniya davlatida 1 yillik o‘qish uchun grand
• Boshqa nominatsiya g‘oliblari (Miss Pazanda, Miss Go‘zallik, Miss Kitobxon, Miss Sportchi, Miss Nafosat, Miss Iqtidor, Miss Oqila, Miss Tabassum, Miss Ijodkor, Miss Kreativ, Miss Joziba, Miss Latofat)
Mukofot: stpendiyaning 3 baravari
• Qolgan barcha ishtirokchilar
Mukofot: stpendiyaning 1 baravari

Taqdirlash marosimida g‘olib va sovrindorlarga universitet rektori Ilxomjon Tuxtasinov diplom va esdalik sovg‘alari topshirdi. Tanlov talaba-qizlarning bilim, iste’dod va ijtimoiy faolligini rivojlantirishga xizmat qiluvchi muhim platforma ekanini yana bir bor ko‘rsatdi.


🌐 Biz ijtimoiy tarmoqlarda:
Telegram | Instagram | Facebook | Sayt

8-aprel kuni Toshkent shahri Yangihayot tumanida joylashgan 32-sonli umumiy o‘rta ta’lim maktabida “Kitobxonlik – bilim va tafakkur manbai” mavzusida ma’naviy-ma’rifiy tadbir bo‘lib o‘tdi.

Mazkur tadbir O‘zbekiston davlat jahon tillari universiteti 3-fakultet Ingliz tili integrallashgan kursi 3-kafedrasi katta o‘qituvchisi F. Mannonova hamda 2412-guruh talabalari tashabbusi bilan tashkil etildi. Unda talabalar bilan bir qatorda 5–7-sinf o‘quvchilari ham faol ishtirok etdi.

Tadbirning kirish qismida bahor faslining go‘zalligi hamda kitobxonlikning inson tafakkuri va bilim olishdagi o‘rni haqida fikrlar bildirildi. O‘quvchilar tomonidan bahor mavzusida raqslar ijro etilib, talabalar kitob va bilimni ulug‘lovchi she’rlar bilan chiqish qildilar.

Shuningdek, o‘quvchilar o‘rtasida “Zakovat” intellektual o‘yini tashkil etilib, ular o‘z bilimlari va mantiqiy fikrlash qobiliyatlarini namoyon etdilar.

Tadbir yakunida barcha ishtirokchilarga esdalik sovg‘alari hamda sertifikatlar topshirildi.

🌐 Biz ijtimoiy tarmoqlarda:
Telegram | Instagram | Facebook | Sayt

🔷🔷🔷🔷▪️▪️▪️▪️

8-aprel kuni O‘zbekiston davlat jahon tillari universitetida “Zo‘ravonlik va tazyiq tushunchasining huquqiy ta’rifi hamda uning turlari” mavzusida psixoprofilaktik tadbir tashkil etildi. Tadbir “Biz zo‘ravonlikka qarshimiz” shiori ostida o‘tkazildi.

Mazkur tadbir universitetning “Ijtimoiy-psixologik muhit bilan ishlash” bo‘limi boshlig‘i F. Xabieva, bo‘lim psixologi Z. T. Xayrullayeva, Uchtepa tumani xotin-qizlar masalalari bo‘yicha katta inspektor, podpolkovnik N. Z. Sabirova, universitet xotin-qizlar masalalari bo‘yicha katta inspektori, kapitan M. X. Nurmuhammedova, fakultet bo‘lim mutaxassisi D. A. Matyakubova hamda fakultet tyutor ustozlari hamkorligida amalga oshirildi.

Tadbir davomida zo‘ravonlik va tazyiqning huquqiy-me’yoriy asoslari, ularning psixologik talqini hamda ijtimoiy-psixologik oqibatlari keng yoritildi. Xususan, zo‘ravonlikning jismoniy, psixologik, iqtisodiy va jinsiy shakllari haqida batafsil ma’lumot berildi. Ishtirokchilarga mazkur holatlarning shaxs psixikasiga ta’siri — travmatik stress, xavotir, depressiv holatlar, past o‘z-o‘zini baholash hamda ijtimoiy dezadaptatsiya kabi salbiy oqibatlar tushuntirildi.

Shuningdek, tazyiq va zo‘ravonlikka nisbatan individual psixologik himoya mexanizmlari, konfliktologik yondashuvlar hamda assertiv xulq-atvor ko‘nikmalarini shakllantirish bo‘yicha amaliy tavsiyalar berildi. Tadbir interaktiv suhbat, psixologik muhokama va savol-javoblar asosida olib borildi.

Mazkur psixoprofilaktik tadbir talaba-yoshlar orasida sog‘lom ijtimoiy-psixologik muhitni shakllantirish, zo‘ravonlikka nisbatan murosasiz munosabatni rivojlantirish hamda huquqiy va psixologik ongni oshirishga qaratildi.

🌐 Biz ijtimoiy tarmoqlarda:
Telegram | Instagram | Facebook | Sayt