🟦🟦🟦

Bugun O‘zDJTUda “Vazir kubogi” chim ustida xokkey musobaqasining finali bo‘lib o‘tdi.

Finaldan so‘ng taqdirlash marosimi tashkil etildi. Tadbirni O‘zDJTU rektori Ilxomjon Tuxtasinov ochib, musobaqaning ahamiyati haqida so‘z yuritdi.

Shundan so‘ng Oliy ta’lim, fan va innovatsiyalar vaziri Qo‘ng‘irotboy Sharipov so‘zga chiqib, “Vazir kubogi” musobaqasi tarkibiga ilk bor kiritilgani, ayniqsa qizlar o‘rtasida sportni rivojlantirishda muhim qadam bo‘layotganini ta’kidladi. Shuningdek, ushbu sport turini barcha oliy ta’lim muassasalarida yo‘lga qo‘yish rejalashtirilayotganini qayd etdi.

Bundan tashqari, vazir final bosqichida ishtirok etgan jamoalar uchun xalqaro tajriba orttirish maqsadida sayohat tashkil etilishini ham ma’lum qildi.

Chim ustida xokkey federatsiyasi vitse-prezidenti Axmadulin Rinat Galimjanovich so‘zga chiqib, musobaqaning yoshlar sportini rivojlantirishdagi o‘rnini alohida ta’kidladi hamda barcha ishtirokchilarni qutladi.

Yakunda g‘olib va sovrindor jamoalar tantanali ravishda taqdirlandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦 🟦🟦🟦

Taqdirlash marosimi avvalida nominatsiyalar bo‘yicha eng yaxshi ishtirokchilar taqdirlandi.

Jumladan, FarDU vakili Ibrohimova Zulumor “Eng kuchli darvozabon”, O‘zDJTSU vakili Usanboyeva Saodat “Eng faol xokkeychi” hamda Chirchiq pedagogika universiteti vakili Tursunbayeva Maftuna “Eng intizomli jamoa” nominatsiyalariga sazovor bo‘ldi.

Shuningdek, FarDTU vakili Samijonova Marjona “Eng yaxshi hujumchi” va BuxDU vakili Saidmurodova Ug‘iloy “Eng yaxshi to‘purar” nominatsiyalari bilan taqdirlandi.

Yakunda esa g‘olib va sovrindor jamoalarga 3 million so‘mlik pul mukofoti hamda sertifikatlar topshirildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

O‘zDJTUda “Vazir kubogi” chim ustida xokkey musobaqasi yakunlandi

Final bahslaridan so‘ng musobaqaning yakuniy natijalari e’lon qilindi.

Murosasiz kechgan o‘yinlarda 1-o‘rinni O‘zbekiston davlat jahon tillari universiteti (O‘zDJTU) talaba-qizlari jamoasi qo‘lga kiritib, “Vazir kubogi” sohibiga aylandi.

2-o‘rinni Andijon davlat chet tillar universiteti, 3-o‘rinni esa Buxoro davlat pedagogika instituti jamoasi egalladi.

Taqdirlash marosimi yakunida g‘olib jamoalar va sovrindorlarga rag‘batlar topshirildi: 1-o‘rin sohiblariga 50 million so‘m pul mukofoti hamda “Vazir kubogi”, 2-o‘rin uchun 40 million so‘m pul mukofoti va sertifikat, 3-o‘rin egalariga 30 million so‘m pul mukofoti hamda sertifikat berildi.

Sovrindorlarni mukofot puli va kubok bilan Oliy ta’lim, fan va innovatsiyalar vaziri Qo‘ng‘irotboy Sharipov, O‘zDJTU rektori Ilxomjon Tuxtasinov hamda Chim ustida xokkey federatsiyasi vitse-prezidenti Axmadulin Rinat Galimjanovich topshirdi.

Musobaqa yuqori saviyada o‘tkazilib, talaba-qizlar o‘rtasida sportga bo‘lgan qiziqish va raqobat muhitini yanada kuchaytirdi.

🌐 Biz ijtimoiy tarmoqlarda:
Telegram | Instagram | Facebook | Sayt

#YoshlarKuni

🟦🟦🟦🟦

2026-yil 9-aprel kuni O‘zbekiston davlat jahon tillari universitetida Oliy ta’lim, fan va innovatsiyalar vaziri Kongratbay Avezimbetovich Sharipov bilan “Vazir va yoshlar” uchrashuvi bo'lib o'tdi.

Mazkur uchrashuv O‘zbekiston Respublikasi Prezidenti Shavkat Mirziyoyev tashabbusi bilan har haftaning payshanba kuni “Yoshlar kuni” sifatida o‘tkazilishi belgilanganligi munosabati bilan tashkil etildi. Universitetda bu tturdagi tadbir har hafta payshanba kunlari muntazam ravishda o‘tkazilib kelinmoqda.

Tadbirni universitet rektori Ilxomjon Madaminovich Tuxtasinov ochib, talaba-yoshlar uchun yaratilayotgan imkoniyatlar hamda yoshlar sportini qo'llab-quvvatlashga qaratilgan islohotlar haqida so‘z yuritdi.

Vazir Kongratbay Avezimbetovich Sharipov uchrashuv davomida Yoshlarga oid davlat siyosati, sportni rivojlantirish, kelajak kasblari, xorijiy tillarni o'rganish ahamiyati, ta'limning amaliyot bilan integratsiyasi, yoshlarga yaratilgan sharoitlar va ulardan samarali foydalanish masalalari xususida batafsil to‘xtaldi. Shuningdek, davlat grantlari, xalqaro stipendiya dasturlari, ilmiy loyihalar uchun ajratilayotgan mablag‘lar hamda xorijda ta’lim olish imkoniyatlari yuzasidan tushuntirishlar berdi.

Tadbir ochiq muloqot shaklida o‘tdi: talabalar o‘zlarini qiziqtirgan savollar bilan faol ishtirok etdilar va vazirdan atroflicha javob oldilar.

Uchrashuv talaba-yoshlarning ta’lim olish imkoniyatlarini kengaytirish, ilmiy va akademik faoliyatga rag‘batlantirish hamda kelajak rejalari ustida puxta o‘ylashga undashi bilan alohida ahamiyat kasb etdi.

🌐 Biz ijtimoiy tarmoqlarda:
Telegram | Instagram | Facebook | Sayt