🟦🟦🟦

“Qadim so‘z izidan” loyihasining navbatdagi yig‘ilishi bo‘lib o‘tdi

Turkiya Respublikasi Yoshlar va sport vazirligining xalqaro almashinuv dasturi doirasida tashkil etilgan “Qadim so‘z izidan: umumiy til va adabiyot mutaxassislari almashinuvi” loyihasining dastlabki uchrashuvi bo‘lib o‘tdi. Tadbir O‘zbekiston davlat jahon tillari universiteti, Samarqand davlat universiteti hamda O‘zbekiston jurnalistika va ommaviy kommunikatsiyalar universiteti hamkorligida tashkil etildi.

Yig‘ilishda loyiha koordinatori — O‘zDJTU ko‘ngilli o‘qituvchisi, Ikkinchi chet tili kafedrasi dotsenti Muhammed İkbâl Güler tomonidan ishtirokchilarga loyihaning mazmuni va kelgusi rejalari haqida batafsil ma’lumot berildi.

Shuningdek, uchrashuvda Samarqand davlat chet tillari instituti professor-o‘qituvchilari, O‘zDJTU Ingliz tili 3-fakulteti Ikkinchi chet tili kafedrasi mudiri E. Moydinova, turk tili o‘qituvchilari hamda Tarjimonlik fakulteti talabalari faol ishtirok etdi.

Loyiha bosqichlari:

1-bosqich (13–19-aprel, 2026-yil) – Turkiyada o‘tkaziladi. Unda O‘zbekistondan 11 nafar professor-o‘qituvchi va 3 nafar talaba ishtirok etadi. Dastur doirasida Qahramonmarash, Shanliurfa hamda Gaziantep shaharlariga tashrif rejalashtirilgan.

2-bosqich (11–18-may, 2026-yil) – O‘zbekistonning Toshkent, Samarqand va Buxoro shaharlarida tashkil etiladi. Ushbu bosqichda ilmiy muloqotlar va madaniy tadbirlar orqali o‘zaro tajriba almashish ko‘zda tutilgan.

Loyiha turkiy va o‘zbek tillarining mushtarak ildizlarini o‘rganish, adabiyot va tilshunoslik yo‘nalishlarida hamkorlikni kengaytirishga qaratilgan. Shuningdek, kelgusida yoshlar almashinuvini rivojlantirish hamda “Turkiya–O‘zbekiston yoshlar tili va adabiyoti festivali”ni tashkil etish masalalari ham muhokama qilindi.

🌐 Biz ijtimoiy tarmoqlarda:
Telegram | Instagram | Facebook | Sayt

🎭 “Teatr — talabalar nigohida”

O‘zbekiston davlat jahon tillari universiteti FING 2525-guruh talabalari tomonidan “Afandining besh xotini” nomli komediya janridagi spektakl sahnalashtirildi. Asar muallifi Ibrohim Sodiqov bo‘lib, sahna davomida talabalar o‘z aktyorlik mahorati va obrazlarga kirish qobiliyatini namoyon etdilar.

Spektaklni tayyorlash jarayonida D.Z Rasulmuxamedova, V.S Dvoryashena, Z.I Ibrohimova va X. Madaminova rahbarlik qildilar. Rollarda Afandi obrazini M Esonova, Jannat rolini M Oltiboyeva, Tamanno rolini G Eshnazarova, Zubayda rolini M Abdusattorova, To‘ti xon rolini A Choyanova, Fotima rolini D Toshmirova hamda boshlovchi sifatida S Hamidova ijro etdi.

Sahna yakunida ustozlar D.Z Rasulmuxamedova va V.S Dvoryashena talabalarning chiqishlarini tahlil qilib, o‘z fikr va tavsiyalarini bildirib o‘tdilar. Mazkur spektakl talabalarning ijodiy salohiyatini namoyon etish bilan birga, teatr san’atiga bo‘lgan qiziqishni yanada oshirdi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘ZDJTUDA BO‘SH ISH O‘RINLARI YARMARKASI BO‘LIB O‘TDI

Bugun O‘zbekiston davlat jahon tillari universitetida Uchtepa tuman hokimligi bilan hamkorlikda “Bo‘sh ish o‘rinlari yarmarkasi” o‘tkazildi.

Tadbirda Oliy ta’lim, fan va innovatsiyalar vaziri Qo‘ng‘irotboy Sharipov hamda universitet rektori Ilxomjon Tuxtasinov ishtirok etdi. Vazir universitetga jalb qilingan tashkilotlar tomonidan taklif etilayotgan bo‘sh ish o‘rinlari bilan yaqindan tanishdi va talabalar uchun mavjud imkoniyatlarni ko‘rib chiqdi.

Yarmarka universitetning bitiruvchi kurs talabalari ishtirokida o‘tkazilib, 34 ta xususiy va davlat tashkilotlari o‘z bo‘sh ish o‘rinlarini taqdim etdi. Tadbir davomida talabalar ish beruvchilar bilan bevosita muloqot qilib, ishga qabul qilish tartibi, nomzodlarga qo‘yiladigan talablar, mehnat sharoitlari va ijtimoiy kafolatlar haqida batafsil ma’lumot olish imkoniga ega bo‘ldilar.

Yarmarka bitiruvchilarga o‘z kasbiy yo‘nalishini aniqlash, ish bozoridagi talablarni tushunish va kelajakdagi rejalari ustida jiddiy o‘ylashga turtki bo‘ldi. Shu bilan birga, talabalar amaliy ko‘nikmalarini namoyish etish va ish beruvchilar bilan bevosita muloqot orqali o‘z imkoniyatlarini kengaytirish imkoniyatiga ega bo‘ldilar.

🌐 Biz ijtimoiy tarmoqlarda:
Telegram | Instagram | Facebook | Sayt