🟦🟦🟦🟦🟦🟦🟦

Koreys tili va madaniyati markazi faoliyati o‘rganildi

2026-yil 8-aprel kuni O‘zbekiston davlat jahon tillari universiteti rektori I. Tuxtasinov Xalqaro hamkorlik bo‘limi boshlig‘i hamda Sharq filologiyasi fakulteti dekani hamrohligida KOICA granti asosida tashkil etilayotgan Koreys tili va madaniyati markazida amalga oshirilayotgan ishlar bilan tanishdi.

Tashrif davomida rektor markaz uchun KOICA tomonidan taqdim etilgan texnik vositalar, jihozlar, mebellar, shuningdek, Koreya milliy kiyimlari va cholg‘u asboblari bilan tanishdi. Markaz dizayni ko‘zdan kechirilib, loyiha doirasida amalga oshirilgan ishlar holati baholandi.

Shu bilan birga, 2026-yil 21-aprel kuni Koreyaning O‘zbekistondagi elchisi hamda KOICA tashkiloti rahbarlari ishtirokida o‘tkazilishi rejalashtirilgan markazning ochilish marosimiga tayyorgarlik jarayonlari ham o‘rganildi.

Ma’lumot o‘rnida, Koreya xalqaro hamkorlik agentligi (KOICA) bilan kelishuv asosida universitetda koreys tili va madaniyatini rivojlantirishga qaratilgan 1 116 000 AQSH dollari miqdoridagi loyiha amalga oshirilmoqda. Loyiha 3 yilga mo‘ljallangan bo‘lib, ushbu davrda Koreyadan 70 nafar volontyor-o‘qituvchilar jalb etilishi rejalashtirilgan. Ular tomonidan koreys tili darslarini o‘tish, madaniy tadbirlar tashkil etish, shuningdek, taekvondo, raqs va musiqa to‘garaklarini yo‘lga qo‘yish ko‘zda tutilgan.

Hozirgi kunga qadar 38 nafar volontyor universitetga tashrif buyurgan. 8-apreldan yana 15 nafar volontyor adaptatsiya va o‘zbek tili kurslarida ishtirok etmoqda. Shundan so‘ng ular o‘z faoliyatini boshlaydi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

KOICA volontyorlarining 5-guruhi tantanali kutib olindi

Oʻzbekiston davlat jahon tillari universitetida Koreya xalqaro hamkorlik agentligi — KOICA loyihasi doirasida volontyorlarning 5-guruhini tantanali kutib olish marosimi tashkil etildi.

Mazkur tadbir KOICA tashkilotidan tashrif buyurgan 15 nafar volontyorni qarshi olish hamda ularning mahalliy muhitga moslashuvini taʼminlash maqsadida “Mahalliy hayotga moslashish haftaligi” mavzusida oʻtkazildi.

Tadbirda KOICAʼning Oʻzbekistondagi vakolatxonasi direktor oʻrinbosari Kim Siyon hamda Koreys filologiyasi kafedrasi mudiri M. Absalomov kirish soʻzi bilan ishtirok etib, loyiha doirasidagi hamkorlikning ahamiyati, volontyorlik faoliyatining taʼlim jarayonidagi oʻrni hamda ikki davlat oʻrtasidagi madaniy aloqalarni mustahkamlashdagi roli haqida fikr bildirdilar.

Moslashuv haftaligi doirasida volontyorlar tomonidan talabalar uchun 5 ta asosiy yoʻnalishda jami 9 ta toʻgarak faoliyatini yoʻlga qoʻyish rejalashtirildi. Jumladan:
• boshlangʻich va oʻrta darajadagi koreys tili kurslari
• TOPIK imtihoniga tayyorlov mashgʻulotlari
• Speaking club
• Koreys anʼanaviy sanʼatiga oid toʻgaraklar (samulnori, milliy raqs, musiqa asboblari ijrosi)
• Zamonaviy yoʻnalishlar: K-pop
• Taekwondo

Mazkur tashabbus talabalarning xorijiy til koʻnikmalarini rivojlantirish bilan birga ularning xalqaro madaniy almashinuv jarayonlarida faol ishtirokini kengaytiradi, amaliy tajribasini boyitadi va dunyoqarashini kengaytiradi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

🇺🇿 Oʻzbekiston davlat jahon tillari universiteti Sharq filologiyasi fakulteti talabalari xalqaro taʼlim yoʻnalishida yana bir muhim yutuqqa erishdilar.

Xususan, fakultetning 7 nafar talabalari xalqaro grant dasturi asosida tanlovdan muvaffaqiyatli oʻtib, Janubiy Koreyaning nufuzli Suncheon National Universityda tahsil olish imkoniyatini qoʻlga kiritdilar.

Mazkur natijaga koʻra, talabalar joriy yilning 1-sentabridan boshlab ushbu oliy taʼlim muassasasida oʻz bilim va koʻnikmalarini yanada rivojlantirish, xalqaro tajriba orttirish hamda zamonaviy taʼlim muhitida oʻqish imkoniyatiga ega boʻladilar.

Ushbu yutuq talabalarning bilimga boʻlgan intilishi, izlanishlari hamda universitetda yaratilgan keng imkoniyatlar natijasi boʻlib, bu kabi muvaffaqiyatlar kelgusida ham davom etishiga zamin yaratadi.

🌐 Biz ijtimoiy tarmoqlarda 👇🏻
Telegram|Instagram|Facebook

🇺🇿 O'ZDJTU
🇺🇿 TARJIMONLIK fakulteti

🗓 2026-yil 8-aprel kuni “Ingliz tili tarjima nazariyasi” kafedrasi dotsenti, xorijlik mutaxassisi DSc Maksudov Umed Olimovich

tomonidan Halima Xudoyberdiyeva nomidagi ijod maktabi o‘quvchilari uchun “The Introduction and History of Translation Theory” mavzusida onlayn mahorat darsi o‘tkazildi.
✅Mazkur mahorat darsining asosiy maqsadi o‘quvchilarda madaniyat, til va xalq og‘zaki ijodi mahsuli bo‘lgan maqollar tarjimasi haqida nazariy bilim va amaliy ko‘nikmalarni shakllantirish, shuningdek, ularning tarjima va turizmga bo‘lgan qiziqishini yanada oshirishdan iborat bo‘ldi.
Zoom platformasi orqali o‘tkazilgan mahorat darsi o‘quvchilar bilan salomlashish va qizg‘in suhbat orqali boshlandi. Shundan so‘ng o‘quvchilarga misollar va ularning tarjimasi haqida tadqimot namoyish etildi.
✅Dars davomida o‘quvchilarga qiziqarli savollar berildi va kichik sinovlar o‘tkazildi. Ushbu nazariy materiallar taqdimotlar va videomateriallar yordamida yetkazib berilib, o‘quvchilarning mavzuni vizual va eshitish orqali yaxshiroq o‘zlashtirishlariga imkon yaratildi.
✅Dars davomida mavzu bo‘yicha berilgan bilimlarni mustahkamlash maqsadida o‘quvchilar bilan qizg‘in suhbat qurildi. Jumladan, o‘quvchilar tomonidan berilgan savollarga javob berildi. O‘quvchilarning faol ishtiroki kuzatildi.
Xulosa qilib aytganda, Halima Xudoyberdiyeva nomidagi ijod maktabi o‘quvchilari bilan “The Introduction and History of Translation Theory” mavzusida o‘tkazilgan onlayn mahorat darsi o‘z oldiga qo‘yilgan maqsad va vazifalarga to‘liq erishdi. Mazkur dars o‘quvchilarning tarjima sohasiga bo‘lgan qiziqishini oshirdi, sohalarning qiziqarli jihatlarini anglashlariga yordam berdi hamda ularning til va tarjima borasidagi bilimlarini yanada boyitdi.

✅Bizni kuzatishda davom eting:
https://t.me/PhDAssociateProfessor
https://t.me/scientificconferences
https://t.me/ITIT_ILMIY_TADQIQOT_INSTITUTI

🟦🟦🟦🟦🟦🟦🟦

O‘zDJTU Ingliz tili 2-fakultetida davra suhbati tashkil etildi

Joriy yilning 8-aprel sanasida O‘zbekiston davlat jahon tillari universiteti Ingliz tili 2-fakultetida o‘quv ishlari bo‘yicha dekan o‘rinbosari Z.Abdusamadov tashabbusi bilan “Favqulodda vaziyatlardan muhofaza qilish va fuqaro muhofazasi oyligi” doirasida Favqulodda vaziyatlar vazirligi akademiyasi bilan hamkorlikda davra suhbati tashkil etildi.

Tadbir davomida FVV akademiyasi kursantlari tomonidan yong‘in xavfsizligi qoidalariga rioya qilish, favqulodda vaziyatlarning oldini olish hamda yuzaga kelgan holatlarda to‘g‘ri harakat qilish bo‘yicha batafsil ma’lumotlar berildi. Shuningdek, yong‘in sodir bo‘lganda uni bartaraf etish usullari hamda xavfsizlik choralariga oid muhim tavsiyalar ishtirokchilarga tushuntirildi.

Mazkur davra suhbati talaba-yoshlarning favqulodda vaziyatlarda to‘g‘ri harakat qilish ko‘nikmalarini shakllantirish, ularning xavfsizlik madaniyatini oshirishga xizmat qildi.

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱 Instagram