🟦🟦🟦🟦🟦🟦

🏑 “Vazir kubogi” – tantanali ochilish marosimi bo‘lib o‘tdi

O‘zbekiston davlat jahon tillari universitetida talaba-qizlar o‘rtasidagi chim ustida xokkey bo‘yicha “Vazir kubogi” respublika bosqichi musobaqasining tantanali ochilish marosimi bo‘lib o‘tdi.

Tadbirni O‘zbekiston davlat jahon tillari universiteti rektori Ilxomjon Tuxtasinov tantanali tarzda ochib berdi.

Ochilish marosimida universitet rahbariyati, vazirlik mas’ul xodimlari, sport sohasi vakillari, ishtirokchi jamoalar, mehmonlar hamda malakali hakamlar ishtirok etdi.

Marosimda O‘zbekiston Respublikasi Oliy ta’lim, fan va innovatsiyalar vazirligining mas’ul xodimi Xurshid Eshov, Toshkent shahar chim ustida xokkey federatsiyasi ijrochi direktori Mahmud Xolmatov hamda O‘zbekiston talabalar assotsiatsiyasi raisining birinchi o‘rinbosari Erkin Qodirov so‘zga chiqib, musobaqaning ahamiyati va yoshlar sportidagi o‘rni haqida fikr bildirdilar.

Shundan so‘ng O‘zbekiston davlat jahon tillari universiteti rektori Ilxomjon Tuxtasinov va vazirlik mas’ul xodimi Xurshid Eshov ishtirokida musobaqaga ramziy start berildi va o‘yinlar boshlandi.

Musobaqaning ilk uchrashuvlari murosasiz va yuqori ruhda kechdi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦

Chim ustida xokkey bo‘yicha “Vazir kubogi” musobaqasi (oraliq natijalar)

Oliy ta’lim muassasalari talabalari o‘rtasida o‘tkazilayotgan musobaqa qizg‘in va murosasiz bahslarga boy tarzda davom etmoqda. Guruh bosqichining dastlabki uchrashuvlari yakuniga yetib, ilk natijalar qayd etildi.

A guruhi natijalari:
• O‘zDJTU 🆚 Farmatsevtika — 2:0
• BuxDPI 🆚 CHDPU — 5:0

B guruhi natijalari:
• FarDTU 🆚 O‘zDSMI — 2:0
• O‘zDJTSU 🆚 BuxDU — 0:1

Hozirda musobaqa davom etmoqda va jamoalar har bir ochko uchun keskin kurash olib bormoqda. Har bir uchrashuv pley-off bosqichiga chiqish uchun muhim ahamiyat kasb etmoqda.

Musobaqa hali yakuniga yetgani yo‘q — oldinda yanada keskin va murosasiz bahslar kutmoqda!

Pley-off bosqichi tartibi:
• 9–10-o‘rin uchun: A5 – B5
• 7–8-o‘rin uchun: A4 – B4

Eng kuchli jamoalar keyingi bosqichlarda o‘zaro bellashib, chempionlik uchun kurashni davom ettiradi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦

🏑 Chim ustida xokkey: “Vazir kubogi” doirasida seminar-trening tashkil etildi

Bugun, 8-aprel kuni O‘zbekiston davlat jahon tillari universitetida oliy ta’lim muassasalari talaba qizlari ishtirokida chim ustida xokkey sport turi bo‘yicha seminar-trening o‘tkazildi.

Jismoniy madaniyat va sport kafedrasi v.b., dotsent (PhD) Yaxshiyeva Mexrinigor Shavkatovna tomonidan o‘tkazilgan taqdimotda qatnashchilarga xokkey sportining kelib chiqishi, rivojlanish bosqichlari, asosiy qoidalari hamda amaliy jarayondagi muhim jihatlar keng yoritib berildi.

Tadbir davomida jamoa a’zolari faol qatnashib, o‘yinning nazariy asoslari bilan bir qatorda amaliy ko‘nikmalarni ham o‘zlashtirdilar. Mazkur seminar-trening ishtirokchilarning kelgusidagi sport musobaqalarida samarali ishtirok etishlari uchun muhim tayyorgarlik vazifasini o‘tadi.

🌐 Ijtimoiy tarmoqlarimizga obuna bo‘ling:
Telegram | Instagram | Facebook | Sayt