🟦🟦🟦

🏑 Chim ustida xokkey: “Vazir kubogi” – seminar-trening bo‘lib o‘tdi

7-aprel kuni O‘zbekiston davlat jahon tillari universitetida oliy ta’lim muassasalari talaba qizlari o‘rtasida sportning chim ustida xokkey turi bo‘yicha seminar-trening tashkil etildi.

Jismoniy madaniyat va sport kafedrasi v.b., dotsent (PhD) Yaxshiyeva Mexrinigor Shavkatovna taqdimot orqali ishtirokchilarga xokkey o‘yini tarixi, qoidalari, paydo bo‘lishi va amaliyotdagi asosiy tamoyillar haqida batafsil tushuntirish berdi.

Seminarda barcha jamoa a’zolari ishtirok etdi, shuningdek, ular o‘yinning nazariy va amaliy jihatlari bilan tanishib, kelajakdagi musobaqalarda muvaffaqiyatli ishtirok etishga tayyorlandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

Ingliz tili ikkinchi fakultetida kengaytirilgan yig‘ilish o‘tkazildi

Ingliz tili ikkinchi fakultetida kengaytirilgan yig‘ilish bo‘lib o‘tdi. Unda universitet tomonidan belgilab berilgan ustuvor vazifalar, xususan, fakultetning maqsadli ko‘rsatkichlari, xalqaro va ilmiy faoliyatga oid masalalar yuzasidan amalga oshirilayotgan ishlar keng muhokama qilindi.

Yig‘ilish davomida hozirgi kunga qadar maqsadli ko‘rsatkichlar doirasida bajarilgan ishlar tahlil qilinib, bu borada hali amalga oshirilishi lozim bo‘lgan vazifalar yuzasidan mas’ullarga tegishli topshiriqlar berildi. Jumladan, professor-o‘qituvchilarning ilmiy maqolalar chop etishi, xalqaro konferensiyalarda ishtiroki, xorijiy hamkorlikni kengaytirish hamda grant loyihalarida faol qatnashish masalalariga alohida e’tibor qaratildi.

Shuningdek, o‘quv jarayonlarining sifatli tashkil etilishi, dars mashg‘ulotlarining o‘z vaqtida va samarali o‘tilishi, talabalarning darslarda faolligi va davomati, professor-o‘qituvchilarning darslarda muntazam ishtirok etishi masalalari ham ko‘rib chiqildi.

Bundan tashqari, o‘quv jarayoniga oid barcha ma’lumotlarni Hemisphere elektron platformasi orqali o‘z vaqtida va to‘g‘ri kiritib borish, baholash natijalarini tizimga joylashtirish hamda elektron ta’lim tizimidan samarali foydalanish bo‘yicha ham tegishli ko‘rsatmalar berildi.

Yig‘ilish yakunida fakultet faoliyatini yanada takomillashtirish, belgilangan maqsadli ko‘rsatkichlarga erishish hamda ta’lim va ilmiy faoliyat samaradorligini oshirish bo‘yicha zarur vazifalar belgilab olindi.
Tadbir so‘nggida ilmiy darajaga ega bo‘lgan hamda ilmiy unvonni qo‘lga kiritgan professor-o‘qituvchilar fakultet jamoasi oldida munosib taqdirlanib, ularning mehnatlari e’tirof etildi.

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱Instagram

🟦🟦🟦🟦🟦🟦🟦

Koreyaning Jeju Halla universiteti vakillarining O‘zDJTUga tashrifi bo‘lib o‘tdi

7-aprel kuni O‘zbekiston davlat jahon tillari universitetida Koreya Respublikasining Jeju Halla universiteti vakillari bilan uchrashuv bo‘lib o‘tdi.

Tashrif doirasida mehmonlar tarkibida xalqaro aloqalar bo‘yicha vitse-prezident SHIN Wuikyung, Koreys tili instituti direktori PARK Hyeseo, korporatsiya bosh direktori JWA Jiwoo, biznesni rivojlantirish bo‘limi guruh rahbari KIM Kain hamda xalqaro aloqalar bo‘limi xodimi KIM Jisoo ishtirok etdi.

Uchrashuvda O‘zDJTU tomonidan ilmiy ishlar va innovatsiyalar bo‘yicha prorektor O. Yusupov, xalqaro hamkorlik bo‘yicha prorektor A. Nasirov, xalqaro hamkorlik bo‘limi boshlig‘i X. Yuldashev, Sharq filologiyasi fakulteti dekani D. Djuraev hamda Koreys filologiyasi kafedrasi mudiri M. Absolomov qatnashdi.

Muzokaralar davomida qator muhim masalalar muhokama qilindi. Jumladan, qisqa muddatli o‘quv va sayohat (qishki va yozgi lager) dasturlarini davom ettirish, o‘qituvchilar uchun malaka oshirish kurslarini tashkil qilish, talabalar almashinuv dasturlarini kengaytirish, Sejong markazini tashkil etish, sun’iy intellekt elementlarini ta’lim jarayoniga tatbiq qilish, 3+1 ta’lim dasturini yo‘lga qo‘yish, Work and Travel dasturlari, xorijlik o‘qituvchilarni jalb qilish kabi yo‘nalishlar ko‘rib chiqildi.

Shuningdek, hamshiralik yo‘nalishida ikkinchi mutaxassislik berish orqali talabalarni Koreyada ish bilan ta’minlash, turizm va menejment sohalarida qo‘shma ta’lim yo‘nalishlarini ochish masalalari yuzasidan ham fikr almashildi.

Uchrashuv yakunida tomonlar o‘zaro manfaatli hamkorlikni yanada rivojlantirishga kelishib oldilar.

🌐 Biz ijtimoiy tarmoqlarda:
Telegram | Instagram | Facebook | Sayt