Profilaktik tadbir

🇺🇿 6-aprel kuni Oʻzbekiston davlat jahon tillari universiteti Sharq filologiyasi fakulteti yoshlar masalalari va maʼnaviy-maʼrifiy ishlar boʻyicha dekan oʻrinbosari U. Nazarov, kechki taʼlim shakli boʻyicha dekan oʻrinbosari J. Turobov hamda tyutorlar H. Ravshanov va S. Nurullayeva tomonidan profilaktik tadbir tashkil etildi.

Mazkur tadbirda Uchtepa tumani IIO FMB JQB t/v leytenant Sh. Nurahhmadov hamda OʻzDJTU profilaktik inspektori S. Sherboyev ishtirok etib, talaba-yoshlar bilan ochiq muloqot oʻtkazildi.

Tadbir davomida giyohvandlik illatiga qarshi kurashish, jinoyatchilikning oldini olish, shuningdek, ushbu salbiy holatlarning jamiyat va inson hayotiga koʻrsatadigan zararli oqibatlari haqida batafsil tushuntirishlar berildi.

Mutaxassislar tomonidan yoshlar ongida sogʻlom turmush tarzini shakllantirish, huquqbuzarliklarning oldini olish hamda huquqiy madaniyatni yuksaltirish masalalariga alohida eʼtibor qaratildi.

Shuningdek, uchrashuv davomida talaba-yoshlarning fikr-mulohazalari tinglanib, ularni qiziqtirgan savollarga javob berildi. Shu kabi tadbirlar yoshlar oʻrtasida huquqiy ong va masʼuliyat hissini mustahkamlash, ularni turli zararli illatlardan himoya qilishda muhim ahamiyat kasb etadi.

🌐Biz ijtimoiy tarmoqlarda 👇🏻
Telegram|Instagram|Facebook

Maʼrifat soati

🇺🇿 6-aprel kuni Oʻzbekiston davlat jahon tillari universiteti Sharq filologiyasi fakulteti yoshlar masalalari va maʼnaviy-maʼrifiy ishlar boʻyicha dekan oʻrinbosari Ulugʻbek Nazarov tashabbusi bilan talabalar uchun navbatdagi “Maʼrifat soati” tashkil etildi.

Mazkur maʼrifat soati davomida talaba-yoshlarga buyuk davlat arbobi, yuksak sarkarda va Sohibqiron Amir Temurning boy hayot yo‘li hamda davlat boshqaruvi, harbiy sanʼat va bunyodkorlik sohasidagi ulkan xizmatlari haqida batafsil maʼlumotlar berildi. Uning tarixiy merosi, adolatli siyosati va yurt ravnaqi yo‘lida amalga oshirgan islohotlari alohida taʼkidlab o‘tildi.

Tadbir davomida Amir Temur hayoti va faoliyatiga bag‘ishlangan hujjatli film namoyish etilib, unda Sohibqironning shaxsiyati, siyosiy qarashlari va jahondagi tutgan o‘rni keng yoritildi. Film talabalarda katta qiziqish uyg‘otdi hamda ularning tarixiy bilimlarini yanada boyitishda yordam berdi.

Shuningdek, Ulugʻbek Nazarov mavzu yuzasidan o‘z fikr va mulohazalarini bildirib, talabalar bilan ochiq va samimiy muloqot olib bordi. Uchrashuv davomida talabalar faol ishtirok etib, Sohibqiron hayoti va faoliyatiga oid savollar berishdi hamda o‘z fikrlarini bildirishdi.

🌐Biz ijtimoiy tarmoqlarda 👇🏻
Telegram|Instagram|Facebook

🟦🟦🟦

Sportchi qizlar salomatligi nazoratdan o‘tkazildi

O‘zbekiston davlat jahon tillari universitetida 2026-yil 7–9-aprel kunlari o‘tkazilayotgan chim ustida xokkey bo‘yicha “Vazir kubogi” respublika bosqichi musobaqalari doirasida ishtirokchilar uchun zarur sharoitlar yaratish ishlari izchil davom etmoqda.

Musobaqa qatnashchisi bo‘lgan sportchi qizlarning salomatligini ta’minlash maqsadida ular uchun tibbiy ko‘rik tashkil etildi. Malakali shifokorlar tomonidan o‘tkazilgan ko‘rik davomida sportchilarning umumiy sog‘ligi, jismoniy holati hamda musobaqalarda ishtirok etish uchun tayyorgarlik darajasi baholandi.

Mazkur tibbiy nazorat sportchi qizlarning musobaqalarda xavfsiz va samarali ishtirok etishini ta’minlashga qaratilgan.

🌐 Biz ijtimoiy tarmoqlarda:
Telegram | Instagram | Facebook | Sayt