Amir Temur tavalludining 690 yilligiga bag‘ishlangan ma’naviy-ma’rifiy tadbir

Ingliz tili 1-fakulteti tyutorlari M. Allamova hamda Yu. Tadjiyeva boshchiligida 2515-, 2516- va 2518-guruhlar talabalari ishtirokida buyuk sarkarda va davlat arbobi Amir Temur tavalludining 690 yilligiga bag‘ishlangan tadbir tashkil etildi.

Tadbir davomida talabalar tomonidan sahna ko‘rinishlari, “Zaynab nolasi” monologi, she’riy chiqishlar hamda milliy raqslar namoyish etildi. Har bir chiqish orqali Amir Temurning jasorati, dono siyosati va buyuk merosi yorqin ifoda etildi.

Shuningdek, tadbirda Amir Temurning hayoti, uning davlat boshqaruvidagi o‘rni hamda yoshlar uchun ibrat bo‘ladigan fazilatlari haqida qiziqarli ma’lumotlar berildi.


Buyuk ajdodlar - buyuk kelajak poydevori!
Ularning merosi bizga ilhom va kuch bag‘ishlaydi!

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

Ingliz tili ikkinchi fakultetida ma’rifiy tadbir tashkil etildi
O‘zbekiston davlat jahon tillari universiteti Ingliz tili ikkinchi fakultetida Uchtepa tumani IIO FMB JQB t/v leytenant Sh.Sh. Nurahmadovlar tashrif buyurib, talabalar bilan ma’rifiy uchrashuv o‘tkazildi.

Tadbir davomida yoshlar o‘rtasida huquqbuzarliklarning oldini olish, jinoyatchilikka qarshi kurashish, internetdan to‘g‘ri foydalanish, shuningdek, yoshlarni turli yot g‘oyalar ta’siridan himoya qilish masalalari haqida batafsil ma’lumot berildi. Shuningdek, talabalarga qonunlarga hurmat bilan qarash, o‘z huquq va majburiyatlarini bilish hamda jamiyatda faol fuqarolik pozitsiyasini egallash muhimligi ta’kidlandi.

Uchrashuv jarayonida talabalar o‘zlarini qiziqtirgan savollarga ham javob oldilar. Suhbat ochiq muloqot tarzida o‘tib, yoshlar uchun foydali tavsiyalar berildi.
Bunday ma’rifiy tadbirlarning asosiy maqsadi – yoshlarning huquqiy savodxonligini oshirish, ularni turli salbiy holatlardan asrash hamda vatanparvarlik ruhida tarbiyalashdan iboratdir.

Tadbir yakunida talabalar bunday uchrashuvlar ularning bilim va dunyoqarashini oshirishda muhim ahamiyat kasb etishini ta’kidladilar

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱Instagram

🟦🟦🟦🟦🟦🟦

🏑 “Vazir kubogi” arafasida tayyorgarlik ishlari jadallashdi

O‘zbekiston davlat jahon tillari universitetida 2026-yil 7–9-aprel kunlari o‘tkazilishi rejalashtirilgan chim ustida xokkey bo‘yicha “Vazir kubogi” respublika bosqichi musobaqalari oldidan tayyorgarlik ishlari jadal davom etmoqda.

Bugun musobaqada ishtirok etishi kutilayotgan oliy ta’lim muassasalari talaba-qizlar jamoalarini kutib olish jarayonlari boshlandi. Universitet volontyorlari tomonidan mehmonlar samimiy qarshi olinib, ular uchun ajratilgan talabalar turar joylariga joylashtirilmoqda.

Ayni paytga qadar quyidagi oliygohlar jamoalari yetib kelib, joylashtirildi:
— Farg‘ona davlat texnika universiteti
— Farg‘ona davlat universiteti
— Andijon davlat chet tillari instituti

Shuningdek, O‘zbekiston davlat jismoniy tarbiya va sport universiteti, Chirchiq davlat pedagogika universiteti, Buxoro davlat universiteti hamda Buxoro davlat pedagogika instituti jamoalarining ham yetib kelishi kutilmoqda.

Musobaqa oldidan ishtirokchilar uchun barcha zarur sharoitlar yaratilgan bo‘lib, tashkiliy jarayonlar yuqori saviyada olib borilmoqda. Mehmonlarni kutib olish ishlari davom etmoqda.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

“Bibliometric Research” kursini yo‘lga qo‘yish masalalari muhokama qilindi

6-aprel kuni O‘zbekiston davlat jahon tillari universiteti huzuridagi pedagog kadrlarni qayta tayyorlash va malakasini oshirish tarmoq markazida “Bibliometric Research” kursini tashkil etishga bag‘ishlangan uchrashuv bo‘lib o‘tdi.

Unda universitet rektori I. Tuxtasinov, ilmiy ishlar va innovatsiyalar bo‘yicha prorektor O. Yusupov, xalqaro hamkorlik bo‘yicha prorektor A. Nasirov, Ilmiy-tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i K. Muradkasimova hamda Tarmoq markazi direktori J. Abduganieva ishtirok etdilar.

Shuningdek, “Bibliometric Research” kursi asoschisi, Scopus bazasida yuqori ilmiy ko‘rsatkichlarga ega mutaxassis Zulfiya Kannazarova ham uchrashuv mehmoni sifatida qatnashdi.

Uchrashuv davomida kursning tuzilishi va uni amalga oshirish mexanizmlari atroflicha muhokama qilindi. Mazkur kurs orqali yosh olimlar, professor-o‘qituvchilar, PhD va DSc doktorantlar hamda mustaqil tadqiqotchilarning:
— Scopus va Web of Science bazalarida ishlash ko‘nikmalarini rivojlantirish
— ilmiy maqolalarni IMRAD talablari asosida tayyorlash
— xalqaro ilmiy jurnallarda nashr etish jarayonlarini o‘rganish
kabi muhim yo‘nalishlar qamrab olinishi ta’kidlandi.

Uchrashuv yakunida kursni zamonaviy yondashuvlar asosida yo‘lga qo‘yish, xalqaro tajribani keng joriy etish hamda ilmiy tadqiqotlar samaradorligini oshirishga qaratilgan kelishuvlarga erishildi.

🌐 Biz ijtimoiy tarmoqlarda:
Telegram | Instagram | Facebook | Sayt