🟦🟦🟦

O‘ZDJTUDA BO‘SH ISH O‘RINLARI YARMARKASI BO‘LIB O‘TDI

Bugun O‘zbekiston davlat jahon tillari universitetida Registrator ofisi tomonidan “Bo‘sh ish o‘rinlari yarmarkasi” tashkil etildi.

Mazkur yarmarka yoshlar bandligini ta’minlashga qaratilgan ustuvor vazifalar ijrosi doirasida o‘tkazildi.

Tadbirni universitetning o‘quv ishlari bo‘yicha prorektori M. Chutpulatov ochib berib, bunday yarmarkalar talabalarning kelajak kasbiy faoliyatida muhim o‘rin tutishini ta’kidladi.

Shuningdek, Uchtepa tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Azizbek Azimov so‘zga chiqib, tadbirning ahamiyati, ayniqsa yoshlarni ish bilan ta’minlash va ularni amaliy faoliyatga jalb etishdagi o‘rni haqida fikr bildirdi.

Yarmarkada 50 dan ortiq xususiy va davlat tashkilotlari, jumladan yirik brendlar va turli korxona-muassasalar o‘zlarining bo‘sh ish o‘rinlari bilan ishtirok etdi.

Unda universitetning bitiruvchi talabalari faol qatnashib, ish beruvchilar bilan bevosita muloqot qilish, o‘zlariga mos ish o‘rinlarini topish imkoniga ega bo‘ldilar.

Tadbir davomida ishtirokchilar soha mutaxassislari bilan yuzma-yuz suhbatlashib, foydali tavsiyalar oldilar hamda o‘z bilim va ko‘nikmalarini namoyish etdilar.

Yarmarka talabalarning kasbiy yo‘nalishini aniqlash, ish bozoridagi talablarni tushunish va kelajak rejalari ustida jiddiy o‘ylashiga turtki bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

🇺🇿 6-aprel kuni Oʻzbekiston davlat jahon tillari universiteti Sharq filologiyasi fakulteti Zamonaviy axborot texnologiyalari va sunʼiy intellekt kafedrasi oʻqituvchilari ishtirokida ilmiy-uslubiy seminar boʻlib oʻtdi.

Mazkur seminar "Sunʼiy intellekt yordamida loyihalarni avtomatik rejalashtirish va shakllantirish" mavzusiga bagʻishlandi.
Seminar davomida sunʼiy intellekt texnologiyalarining taʼlim jarayoniga joriy etilishi, loyiha faoliyatini samarali tashkil etishdagi ahamiyati hamda zamonaviy dasturiy vositalar yordamida loyihalarni avtomatlashtirish imkoniyatlari yuzasidan fikr-mulohazalar bildirildi.

Tadbir jarayonida ishtirokchilar tomonidan mavzuga oid taqdimotlar namoyish etilib, amaliy misollar asosida sunʼiy intellektning turli sohalardagi qoʻllanilishi yoritib berildi. Shuningdek, seminar ishtirokchilari oʻzaro tajriba almashib, dolzarb masalalar yuzasidan fikr almashdilar.

Mazkur seminar zamonaviy axborot texnologiyalaridan samarali foydalanish, ilmiy-uslubiy faoliyatni rivojlantirish hamda pedagoglarning kasbiy kompetensiyalarini oshirishda muhim ahamiyat kasb etdi.

🌐Biz ijtimoiy tarmoqlarda 👇🏻
Telegram|Instagram|Facebook

🟦🟦🟦

O‘ZARO HAMKORLIK MEMORANDUMLARI IMZOLANDI

O‘zbekiston davlat jahon tillari universitetida bo‘lib o‘tgan bo‘sh ish o‘rinlari yarmarkasi doirasida yana bir muhim hamkorlik yo‘lga qo‘yildi.

Tadbir davomida universitetning o‘quv ishlari bo‘yicha prorektori M. Chutpulatov hamda “Al-Aziz Academy” nodavlat ta’lim muassasasi bosh direktori Yuldashov Aziz Avazovich o‘rtasida o‘zaro hamkorlik memorandumi imzolandi.

Mazkur kelishuv ta’lim jarayonini amaliyot bilan uyg‘unlashtirish, malakali kadrlar tayyorlash, shuningdek, bitiruvchilarning bandligini ta’minlash kabi muhim yo‘nalishlarni qamrab oladi. Hamkorlik natijasida talabalar uchun amaliyot o‘tash imkoniyatlari kengayib, yangi ish o‘rinlari ochilishi rejalashtirilmoqda.

Universitet Karyera markazi tomonidan ilgari surilayotgan bu kabi tashabbuslar yoshlarning kasbiy rivoji va mehnat bozorida mustahkam o‘rin egallashiga zamin yaratmoqda.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦

O‘zDJTU talabalari Germaniyaga jo‘nab ketmoqda

Bugun O‘zbekiston davlat jahon tillari universitetida Tarjimonlik fakulteti nemis tili yo‘nalishi 3-bosqich talabalari bilan safaroldi uchrashuv bo‘lib o‘tdi.

Mazkur uchrashuv talabalarni xorijda ta’lim olishga tayyorlash, safar davomida e’tibor berilishi lozim bo‘lgan muhim masalalarni tushuntirish maqsadida tashkil etildi.

Uchrashuvda universitet rahbariyati va mas’ullar, jumladan rektor I. Tuxtasinov, Xalqaro hamkorlik bo‘yicha prorektor A. Nasirov, Xalqaro hamkorlik bo‘limi boshlig‘i X. Yuldashev hamda Tarjimonlik fakulteti dekani U. Yo‘ldoshev ishtirok etdi.

Ma’lumot uchun:
Talabalar 2026-yil 7-apreldan 30-iyulga qadar Germaniyaning Mainz universiteti huzuridagi Germershaym Tarjimonlik institutida ta’lim olishadi. Dastur doirasida har bir talaba aviabilet uchun 700 yevro hamda o‘qish davri uchun 2700 yevro miqdorida stipendiya bilan ta’minlanadi.

Talabalar uchun mas’ul sifatida Germershaym Tarjimonlik instituti Rus-nemis tillari bo‘limi boshlig‘i, professor Misha Gabovich biriktirilgan.

Talabalar Germershaym shahrida ijaradagi kvartiralarda istiqomat qiladi. Ular Frankfurt xalqaro aeroportida Germaniyalik talabalar tomonidan kutib olinib, institutga yetkaziladi.

Uchrashuv davomida talabalarga ta’lim dasturi, Germaniyadagi yashash sharoitlari, xavfsizlik qoidalari hamda ilmiy faoliyat uchun zarur bo‘lgan masalalar yuzasidan batafsil ko‘rsatmalar berildi.

Shuningdek, uchrashuvda universitet rektori talabalarga xorijdagi o‘qish jarayonida omad tilab, har bir mamlakat va ta’lim muassasasining ichki tartib-qoidalariga qat’iy amal qilish zarurligini ta’kidladi. U talabalar o‘z bilim va odobi bilan universitet nomiga faqat ijobiy taassurot olib kelishlari lozimligini alohida qayd etdi.

🌐 Biz ijtimoiy tarmoqlarda:
Telegram | Instagram | Facebook | Sayt