🔥 BARCHA talabalar uchun "Job Fair 2026"!

📷 Yetakchi mahalliy va xorijiy kompaniyalarning bo‘sh ish o‘rinlari yarmarkasiga tashrif buyuring!

Sizni Huawei, Click, Uzinfocom, Uzcard, TBC bank, IT-park, Lactalis, Akfa, Deloitte, Sarkor Telecom, Cyberpark, Unicon, Fido-biznes va boshqa yetakchi kompaniyalarda ishga joylashish uchun keng imkoniyatlar kutmoqda.

Sana: 7-aprel
Vaqt: 14:00-16:30
Manzil: Toshkent shahridagi Inha universiteti, B binosi zali

🔼Sizda ish beruvchilar bilan shaxsan uchrashish, ularga savollar berish va o‘z rezyumeingizni yuborish imkoniyati bo‘ladi

💬Yarmarka barcha ta’lim muassasalari talabalari uchun ochiq

🎁Sizni nafaqat eng yaxshi ish takliflar, balki biz va hamkorlarimiz tomonidan qo'yilgan sovrinli o‘yinlar ham kutmoqda!

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

TALABALAR SPORTIGA QARATILGAN YANA BIR YIRIK LOYIHAGA START BERILDI!

Bugun, 6-aprel kuni Toshkent shahridagi Olimpiya va Paralimpiya shon-shuhrati muzeyida “Yangi O‘zbekiston talabalar olimpiadasi” sport musobaqalarining tantanali ochilish marosimi bo‘lib o‘tdi.

Mazkur loyiha Sport vazirligi, Oliy ta’lim, fan va innovatsiyalar vazirligi hamda Milliy olimpiya qo‘mitasi hamkorligida yo‘lga qo‘yilmoqda.

Marosimda Prezident Administratsiyasi vakili Odil Abdurahmonov, Sport vaziri Adham Ikromov, Oliy ta’lim, fan va innovatsiyalar vazirining birinchi o‘rinbosari Sardor Rajabov, Milliy olimpiya qo‘mitasi raisining birinchi o‘rinbosari Otabek Umarov, shuningdek, OTM rektorlari, sport federatsiyalari vakillari hamda keng jamoatchilik ishtirok etdi.

Tadbirda O‘zbekiston davlat jahon tillari universiteti rektori Ilxomjon Tuxtasinov ham ishtirok etdi.

So‘zga chiqqanlar yoshlarni sog‘lom va har tomonlama barkamol etib tarbiyalash, ommaviy sportni rivojlantirish hamda sog‘lom turmush tarzini keng targ‘ib etish muhim ustuvor yo‘nalishlardan biri ekanini alohida ta’kidlashdi.

Musobaqalar Sport vazirligining “ERP-sport” yagona elektron boshqaruv tizimi orqali nazorat qilinadi.

📊 Hozirga qadar:
• 168 ta OTM (92 ta davlat, 52 ta nodavlat, 24 ta xorijiy) ro‘yxatdan o‘tgan
• 159 mingdan ortiq talaba ishtirok etish istagini bildirgan
Musobaqalar 3 bosqichda o‘tkaziladi:
• 1-bosqich: 6–20-aprel
• 2-bosqich: 1–15-may
• Final: 1–10-iyun (Toshkent, Olimpiya shaharchasi)

Bellashuvlar quyidagi sport turlari bo‘yicha o‘tkaziladi: voleybol, gandbol, basketbol 3x3, stol tennisi, futbol, yengil atletika hamda suzish.

Ushbu olimpiada talaba-yoshlar o‘rtasida sportga bo‘lgan qiziqishni yanada oshirib, sog‘lom va faol hayot tarzini keng yoyishi kutilmoqda.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

ADIBLAR XIYOBONIDA MAʼNAVIY-MAʼRIFIY VA SPORT TADBIRLARI O‘TKAZILDI

6-aprel kuni soat 13:30 da Adiblar xiyobonidagi Aleksandr Faynberg haykali poyida Ingliz tili birinchi fakulteti tashabbusi bilan ommaviy sport hamda maʼnaviy-maʼrifiy tadbirlar tashkil etildi.

Tadbirda Yoshlar bilan ishlash boʻyicha dekan muovini, tyutorlar hamda 30 nafardan ziyod faol talabalar ishtirok etdi.

Tadbirlar doirasida:
— sheʼriyat kechalari
— kitob mutolaasi musobaqalari
— adiblar hayoti va ijodiga bag‘ishlangan maʼruzalar
— sahnalashtirilgan teatr chiqishlari

Shuningdek, sport musobaqalari:
— yugurish
— shaxmat va shashka
— voleybol bellashuvlari o‘tkazildi.

Tadbir davomida milliy qadriyatlar, adabiy meros va sog‘lom turmush tarziga oid davra suhbatlari ham tashkil etildi.

Ushbu tashabbus yoshlarda adabiyotga, sportga va sog‘lom hayotga bo‘lgan qiziqishni oshirib, ularning ijtimoiy faolligi hamda jamoaviylik ruhini yanada mustahkamladi.

Bunday tadbirlar orqali talabalar atoqli adiblarimiz hayoti va ijodi bilan yanada yaqinroq tanishdilar.

🌐 Biz ijtimoiy tarmoqlarda:
Telegram | Instagram | Facebook | Sayt